Indre Sogn Kystlag

21/07/2026

I dag hadde Simon og Paulina opplæring i bruk av råsegl. Her gjekk me gjennom knutar og oppsett av mast og segl, og korleis ein brukar vinden/seglet for å segle i den retninga ein ynskjer. I litt krevjande vindforhold reiste tre av våre medlemmar ut på ein segletur med sognafæringen. PS. Forbundet Kysten arrangerer råseglseminar den 10.-13. september, og det er fullt mogeleg å bli med på det for dei som er interessert.

18/07/2026

Kystlaget stiller på Fres Festival. Perfekt anledning for deg å teste ut roeigenskapane etter sommarens roing under VM!

Ekte roing, i båt, på vatn. Roentusiast Ruben (heretter: ROben) tar deg med ut på verdas djupaste fjord i ein vaskeekte Sognafjæring!🚣‍♀️

Båten har plass til 4 stk. (3 om du vil bli rodd av ROben). Prisen er 100 kroner per pers og turen varar om lag 45 minutt (inntektene går uavkorta til Indre Sogn Kystlag). Ro eller bli rodd, opp til deg!

Turane går dagtid fredag og laurdag, send epost til [email protected] for å få meir info og melde deg/dykk på.

16/06/2026

Bilete frå kveldens samling. Me fekk Dal-Ola båten på vatnet. I fjor trakk den inn mykje vatn. Magne har lusa båten, og det ser ut til at reparasjonen har gått bra hittil. Det blir spennande å sjå korleis det går utover sesongen. Magne gjorde også litt arbeid på fortøyingane til båtane ved brygga. Anita og Hallstein tok æringen Tindra ut på fjorden for å prøve å segle med luggerrigg, som er litt uvant for oss. Litt prøving og feiling, men utruleg kjekt å segle litt⛵️

09/06/2026

Blaut samling i kveld! Me ausa båtane og hadde ein sosial kveld under tak🏠

09/06/2026

Samling på Basen i kveld kl 17.00. Me arbeider vidare på Dal-Ola båten. Dette blir den fjerde båten me har på fjorden.

02/06/2026

Godt oppmøte og mykje aktivitet i kveld!

Arild dykka ned for å feste nye sjaklar til moringane på flytebrygga ved Basen. Desse rauk ein gong i vinter. Men det var for mykje algevekst og dårleg sikt. Så me må prøve til att seinare.

Me fekk snudd Dal-Ola båten og fekk pussa og olja den innvendig. No manglar det berre litt meir arbeid på den, og så er den også klar til sjøsetting.

Paulina og Niklas tok eine færingen ut for å ro og prøve å segle. Men det var noko vindstille.

Alt i alt ein kjekk kveld!

26/05/2026

Litt bilete frå kveldens samling. Me smurde Dal-Ola båten med primer under vasslinja, så den er no klar til neste steg som er botnstoff. Me olja den også eit strøk til, så no ser den skikkeleg skarp ut på utsida🌼

19/05/2026

Dal-Ola båten fekk seg ein vårpuss i kveld. Den har hatt nokre sprekker som har gjort at den tok inn litt vatn. Så i tilegg til å skrape båten, så viste Magne nye kunstar med lusing av bordgangane der dei største sprekkene har vore.

Lusing er ein tradisjonell reparasjonsmetode der ein skjere ut råte eller skada treverk og felle inn ein ny bit (ei «lus») av friskt treverk. Magne brukte ein overfres til å frese ut eit spor i bordgangane. Etterpå limte han inn spiler med friskt treverk.

Me må seie me vart rimeleg fornøgd med resultatet, i følgje sitatet "Å fy flate! Ditta fekk me te du!"

Også kjekt at nytt kystlagsmedlem, Magda frå Hellas, var med i kveld og hjalp til å pusse båten!

17/05/2026

Gratulera med dagen!
Då var æringen Tindra komme på fjorden. På tysdag skal me klargjere Dal-Ola båten, slik at me vil ha 4 båtar tilgjengeleg til utlån i Kaupagerbukti.