Nymark Velforening

19/04/2026

På tysdag arrangerte me dugnad i Nymark velforeining på grendahuset, og for eit oppmøte det blei! 🤗

23. Bergen speidargruppe stilte opp og gjorde ein fantastisk innsats med bossplukking på området. Ute gjekk det unna med saging av tre, frisering av busker, raking og spyling av uteplass og bord. Me var òg så heldige å få låna ein kvistkuttar med operatør, og det blei fylt over 40 sekkar med avfall!

Inne stod ein effektiv gjeng for vindaugsvask, reingjering av sofatrekk i andre etasje, og grundig vask og organisering av heile kjøkkenet. Kjellar og hus blei rydda for rusk og rask.

Det blei heile 5 bilturar til avfallsstasjonen!

Heile Nymark velforeining vil rette ein stor takk til alle som møtte opp. Innsatsen dykkar er uvurderleg! Det er takka vere dugnadsånda i velforeininga at me kan tilby eit levande grendahus med kjekke aktivitetar ❤️

12/04/2026

⏰ PÅMINNING: DUGNAD OM 2 DAGAR!

Grendahuset på Nymark er ein viktig møteplass for oss alle som bur her. Alt frå konfirmasjonsfest, kafé, konsert, temakveld, gebursdag, minnestund, foredrag, quizkveld, pianokurs og namnefest skjer på grendahuset 🏡

For å kunne halde fram med å tilby eit triveleg og godt vedlikehaldt lokale til både medlemmar og andre gjester, er me heilt avhengige av dugnadsinnsats frå dykk 💛
Kvar time du bidreg gjer ein skilnad!
Ta gjerne med ein nabo eller ein ven 👬👭 saman gjer me arbeidet både lettare og kjekkare 😊

🗓 Tirsdag 14. april
⏰ 18:00 – 21:00
📍 Oppmøte ved grendahuset

Me stiller med oppgåver for alle, og set stor pris på kvar einaste som tek turen!
Vel møtt til ein triveleg og nyttig dugnad! 🌿

Om du kan, ta gjerne med:
•Eige arbeidsutstyr t.d. hansker, rive, kost, greinsaks og liknande.
•Har du flishugger? Ta kontakt!

For spørsmål, kontakt:
Øyvind L. Knoph
📞 94875196
📧 [email protected]

09/04/2026

INVITASJON TIL DUGNAD
Vil du være med å bidra til et bedre nabolag?
Ta med en nabo, bli med på dugnaden og hjelp oss med å gjøre området vårt enda finere!
---
🗓 Dato: Tirsdag 14. april 2026
⏰ Tidspunkt: 18:00 - 21:00
📍 Oppmøtested: Utenfor Grendahuset til Nymark Velforening
---
Hva skal vi gjøre?
- Klargjøre inngangsdør for maling innvendig og utvendig
- Rense plattingen på sørsiden av huset for mose etc.
- Kjøre bort kvister og annet boss
- Innendørs vindusvask
- Vaske ut av skuffer og skap på kjøkken
- Plukke søppel
---
Hva trenger du å ta med?
- Eget arbeidsutstyr hvis du har (f.eks. hansker, kost, rive, grenkutter)
- Har du fliskutter? Ta kontakt!
- Godt humør og arbeidslyst! 😄
---
Kontaktinformasjon:
For spørsmål, kontakt:
- Øyvind L. Knoph
- Telefon: 94875196
- E-post: [email protected]
---
Takk for at du er med på å gjøre vårt nabolag bedre!
Nymark Velforening

07/03/2026

Velkommen til Påskecafe søndag 15.mars kl. 16!

16/02/2026

For eit fargerikt og kjekt karneval det vart på grendahuset i går! 🎭✨

Store og små møtte opp i flotte og kreative kostyme, og det var ekstra stas med ansiktsmaling utført av tre dyktige jenter som trylla fram dei finaste motiv 🎨
På hobbyverkstaden vart det laga flott fastelavnspynt og andre kjekke kreasjonar, og rundt kafébordet freista det med nydelege kaker, vaflar, saft og kaffi ☕🧁

Hjartleg takk til Søndagskafeen for at de igjen skapte ein varm, inkluderande og kjekk møteplass for nærmiljøet ❤️ Me set stor pris på alt arbeidet de legg ned for å gi både born og vaksne fine opplevingar på grendahuset.

Takk også til alle som kom og bidrog til den gode stemninga! 🤗

13/02/2026

🎊Minnar om karneval på søndag🎊

🤡🎊 Det er tid for karneval på grendahuset! 🎊🤡
Hjarteleg velkomne, store og små!

📅 Søndag 15. februar
⏰ Kl. 16.30–18.00

✨ Ansiktsmaling
🎨 Hobbyverkstad (ta med eit tomt syltetøyglas!)
🍰 Sal av vaflar, kaker, saft og kaffi

Vi gler oss til ein fargerik og kjekk ettermiddag saman! 🎉🎭🎈

06/02/2026

🤡🎊 Det er tid for karneval på grendahuset! 🎊🤡
Hjarteleg velkomne, store og små!

📅 Søndag 15. februar
⏰ Kl. 16.30–18.00

✨ Ansiktsmaling
🎨 Hobbyverkstad (ta med eit tomt syltetøyglas!)
🍰 Sal av vaflar, kaker, saft og kaffi

Vi gler oss til ein fargerik og kjekk ettermiddag saman! 🎉🎭🎈

01/12/2025

For ein triveleg førjulskveld det vart på grendahuset i går!🎄Ulriken Janitsar skapte magisk stemning med nydelege juletonar, medan me andre gjekk rundt om ein einebærbusk. Borna kosa seg på verkstad, og me fekk nyte gode freistingar frå kaféen. Til og med nissen fann vegen innom! 🎅 Hjartleg takk til alle som bidrog – og ein ekstra stor takk til Søndagskaféen for eit varmt og inkluderande arrangement ❤️ (videosnutt i kommentarfeltet)

27/11/2025

Hei alle vener av Nymark!
Det årlege julearrangementet vårt førstkomande søndag på grendahuset står klart med både peparkaker, gløgg – og eit tomt nissekostyme! 🫨
Jau, du las rett: Me manglar sjølvaste nissen! Kostymet heng der og ventar, og me leitar no blant alle dei gode venane våre her inne etter ein person som kan hoppe inn i rolla, dra på seg skjegget og dele ut litt magi (og sjokolade!) til alle dei små.
Og me kan love: når nissen kjem, står bornegjengen der som tente lys.
Vil DU, eller kjenner du nokon som kunne tenkje seg å glede ein heil flokk juleklare ungar førstkomande søndag 30/11 kl. 16.30?
Då er det berre å ta kontakt med ✨ Alice Nodland ✨ i Søndagskaféen via Messenger på hennar Facebook-profil.

24/11/2025

Hjarteleg velkomne, store og små, til førjulskafé i grendahuset komande søndag 30. november 🎄✨

28/10/2025

Grendahuset blei fylt av store og små under Søndagskafeen sitt Halloween-arrangement på søndag 👻
Alle saga og skjerte ivrig i graskar, og med kyndig rettleiing frå vår eigen ekspert, Neil McLean, dukka det etter kvart opp mange flotte kreasjonar 🎃 Saman med mange smakfulle freistingar frå kafeen vart dette endå eit strålande arrangement frå Søndagskafeen ❤️
No søkjer dei fleire som har lyst til å bli ein del av denne flotte gjengen ✨ Dersom du vil vere med og bidra til å gi barn og unge på Nymark kjekke aktivitetar på grendahuset, kan du ta kontakt med anten Tina Søfteland eller Ellen-Kristine Akselberg via Messenger på deira Facebook-profilar 📩