03/12/2025
Black Friday, Black Month, Cyber Monday, julegåver, kalendergåver, julepynt, adventspynt, ny finkjole til julebordet, mat og godteri, og meir til!💸
Me er inni ein sesong med mykje kjøpepress, reklame og høgare forbruk enn normalt. Gjerne stopp opp i nokre sekundar innimellom og tenk over kor mykje me kjøper som til slutt havnar i naturen! Her ser me korleis enorme mengdar med plast og boss graver seg nedover i jorda vår. Treng me eigentleg alt dette som me kjøper og kastar? Naturen treng i alle fall ikkje meir!🌎💙
Tips for ein meir bærekraftig festsesong:
🔹 Kjøp så mykje som mogleg brukt! Mange bruktbutikkar er fulle av både finklede, julepynt og ting som passar i pakkekalender eller som gåve. Dessutan er det ofte mykje billigare! Det finst òg mykje flott på appar som Finn og Tise😉
🔹 Bruk det du har! Lag pynt av ting de finn heime, eller kanskje i skogen? Det er ein kjekk og kreativ juleaktivitet som passar for både store og små!🎄
🔹 Gi spiselege gåver eller gåver som kan opplevast! Heimelaga godteri, krydderblandingar, konsertbillettar, kinobillettar eller liknande er gode alternativ til dei som «har alt» og eigentleg ikkje treng fleire ting🎁
🔹 Sorter og pant! Det blir fort mykje god mat, drikke og anna godt i denne tida, og med det kjem mykje emballasje. Hugs å passe på at ingenting kjem på avveie og havner i naturen!💙 På sortere.no finn du alt du treng å vite om riktig kildesortering der du bur!
