18/09/2026
Ein kjenner på mange motstridande kjensler på sånne dagar som i går. Det er hjarteskjerande å sjå korleis det står til langs strendene våre. Det er sjokkerande at me har godtatt denne haldninga til naturen så lenge, den som har ført til så mykje forsøpling og forgifting av fjorden. Det er overveldande å sjå, og kjenne på, kor stort problemet er. Samtidig er det enormt inspirerande å stå saman om å ta tak i det. Det er motiverande å vite at tusenvis av menneske bryr seg nok til å sette seg på kne i fjæresteinen for å grave vekk boss i timesvis. Det er godt å sjå alt me får bort. Me er evig takksame for å gjere dette saman med alle dykk. Tusen takk💚
Rein Hardangerfjord 5. Det blir ikkje vår siste ryddeaksjon, men dette var siste etappe i både Sognefjord-prosjektet og Hardangerfjord-prosjektet i denne omgang. Me gler oss, og er meir motiverte enn nokon gong til å ta fatt på nye prosjekt, jobbe med haldningsendring og stå på vidare for havet og naturen. Me gjer oss aldri!🌍
1-7 Eidfjord - André Marton Pedersen
8-15 Sild i Kvinnherad -
