Austevoll Kystlag

17/09/2026

No er vinsjen montert i båtopptrekket i Møllo. Sidan gjekk turen til Jutholo der Edgar og John førebudde slippene til opptak av skutane våre. Det skjer først i oktober, men det er alltid mykje å ordne før båtane kjem i rennene.

14/09/2026

I dag har Roald Blænes (Blænes Bygg) stilt med kranbilen og hjulpet til med å få lagt masten i Notmann ned. No ligg den klår til lagring i Møllo.

12/09/2026

Den utskrøymde redaktøren frå MARSTEINEN har klort ned sine inntrykk frå dagane kystlaget inviterte elevane i 8.kl ved Austevoll ungdomsskule ombord. Vi deltok i det nasjonale arrangementet 'Min kulturverndag' i regi av kulturavd i Austevoll kommune. Artikkelen treffer godt på stemninga vi opplevde saman med elevane og lærarane. Godt skildra, Trond!

Mange austevollungdommar, inkludert fiskarsøner, har gjerne ikkje teke eit ekte ro-tak før. Det hadde kystlaget remedium for då åttandeklassingane kom traskande om bord denne veka.

11/09/2026

Stendig noko å bale med i kystlaget! I dag har Terje Vinnes slept seksæringen attende til Bekkjarvik og dermed avslutta innsatsen for kystlaget med 'Min kulturverndag' for i år. I mellomtida rigga Edgar og Tom Notmann ned, hengte segla opp i Møllo til tørk og lempa eit halvt tonn med blyballast i land. Heldigvis byrja det å regne då vi var ferdig med den jobben. Då vi kunne seie oss godt nøgde med innsatsen for denne gongen, og pitla oss heim før det vart opplett att. ;)

10/09/2026

I dag roa vêret seg og vi kunne ta til på vegen rundt Huftarøy tilbake til Møllo i V.Vinnesvågen. No byrjar arbeidet med nedrigging og planlegging av vintermoroa i naust og båthus.

09/09/2026

Då er to fine dagar med verda sine beste elevar over. Vi har rodd, spleisa og snakka om båtane og kva dei vart brukt til. Mot alle odds, fekk vi brukande vêr begge dagane.

Dag to vart avkorta grunna gravferden til kongen.

06/09/2026

Då har vi byrja på slepet mot Vasseide og Paraken, nord på Huftarøy. Kommunen arrangerer "Min kulturverndag" for i elevane i 8.kl på Hufthamartunet, og kystlaget og husflidlaget skal vêra med på å formidla ekte kystkultur for den komande generasjonen. Tysdag og onsdag går med før dei omlag 80 elevane har rodd, spleiset og 'husflidet'.

30/08/2026

Bregdo er klår for møtet med ungdomskuleelevane

29/08/2026

Sjøsetjing av Bregdo i morgon ved Møllo kl 13.
Vi har trong for eit par/tre mann i tillegg til dei som kjem frå styret for å rulle båten trygt ut i sjøen. Det heile tar ca 30 min.
Kven kan stilla?