Kvemmingen spel og dansarlag

Kvemmingen spel og dansarlag Kvemmingen spel -og dansarlag held til i Kvam i Hardanger, og driv med folkemusikk og -dans, bygdedans og runddans/gammaldans.

Kvemmingen spel- og dansarlag har som føremål å halda i hevd dei eldste formene for spel, dans og song i distriktet vårt. Ein viktig del av kulturarven og tradisjonane våre. Kvemmingen spel- og dansarlag vil tilby:
Opplæring i bygdedans og gamaldans for born, ungdom og vaksne. Opplæring i spel hardingfele vert teke hand om av Kvam kulturskule, medan Kvemmingen vil legga til rette for deltaking på

kappleikar, kontakt mot andre lag, arrangering av kurs, og sosiale møtestader for dei aktive. Er du nysgjerrig på folkesong, -musikk eller tradisjonsdans? Har du lyst til å lære deg å spele eit folkemusikkinstrument? Har du spelt eller dansa tidlegare og har lyst til å komme i gong att? Ta kontakt! :)

I tillegg til å ta vare på musikken og dansen gjennom utøving, ynskjer me også å formidle gode folkemusikkonsertar ut til publikum. Det gjer me gjennom den nyoppstarta Felemakarscenen.

Les meir frå kappleiken her 😊
12/10/2025

Les meir frå kappleiken her 😊

Sjølv om deltakarane i Vestlandskappleiken konkurrerer mot kvarandre, kjem det å hamna øvst på resultatlista i andre rekkje.

Takk for ei kjekk kappleikshelg til alle små og store deltakarar og publikum! Resultatlista finn de her: https://resulta...
12/10/2025

Takk for ei kjekk kappleikshelg til alle små og store deltakarar og publikum!
Resultatlista finn de her: https://resultat.folkorg.no/klasser/?kid=135

Me nyttar samtidig høve til å takke alle frivillige for arbeidskraft, innsats og humør før, under og etter kappleiken. ❤️

Vi er klar til Vestlandskappleiken! Hordaland Folkeblad har eit flott innlegg om førebuingane til neste helg.
07/10/2025

Vi er klar til Vestlandskappleiken! Hordaland Folkeblad har eit flott innlegg om førebuingane til neste helg.

06/10/2025

Tusen takk til dykk som stiller som dommarar på Vestlandskappleiken neste helg!
Spel:
Arne Anderdal,Voss
Torunn Raftevold Rue,Flatdal
Arne Jordan, Skare
Dans:.
Knut David Hustveit, Flekke
Arne Anderdal, Voss
Lars Fivelstad Smaaberg, Gol
Vokal:
Judith Vestrheim, Sogndal
Kari Finne Sognnæs, Voss
Lars Fivelstad Smaaberg, Gol

I går gjekk påmeldingsfristen for Vestlandskappleiken ut. Og me gler oss over å få ta i mot godt over 150 deltakarar i Ø...
03/10/2025

I går gjekk påmeldingsfristen for Vestlandskappleiken ut. Og me gler oss over å få ta i mot godt over 150 deltakarar i Øystese om ei veke! Saman skal me lage ein triveleg kappleik der musikk, dans, gledelege gjensyn og nye bekjentskapar skal få plass. Startlistene vert lagt ut så snart me har finpussa på dei.

Det har diverre vore litt vanskar med påmeldingssystemet og det tilhøyrande betalingsopplegget. Me håpar likevel alle som har hatt plan om å melde seg på har fått gjort det. Når det gjeld betaling kjem me dei komande dagane til å arbeide med å få ei oversikt over kva som er kome inn og kva som manglar. Alt skal ordne seg 😊

Bilete: Kappleiksarenaen Kusthuset Kabuso - bilete lånt av Hordaland folkeblad

27/09/2025

Vi minnar om at i morgon går påmeldingsfristen ut på Vestlandskappleiken! Har du ikkje meldt deg på tevling endå så hiv deg rundt!😃

Landskappleiken, del 2:Landskappleiken rulla og gjekk vidare- kappleik er konkurranse (NM), og Kvemmingen var godt repre...
05/07/2025

Landskappleiken, del 2:
Landskappleiken rulla og gjekk vidare- kappleik er konkurranse (NM), og Kvemmingen var godt representert i mange klassar, og med gode resultat.
Gruppespel junior: Trioen «Nøringen» vann klassen, med G**o Bell Berge som ein av dei i trioen.

For første gong i historia deltok Kvemmingen i klassen for lagspel på Landskappleiken. Med eit flott samansett lag vart dette ein god start! Dette gjer me att!

Open Klasse: Dette er ein stor klasse (30 deltakarar), med varierande musikkuttrykk og høg kvaltitet. Frå Kvam deltok Vidar Berge og Solbjørg Tveiten. Vinnar av klassen vart Solbjørg saman med Åshild Vetrhus frå Suldal, der dei framførte gravferdssongar saman med noko tekstar av Jon Fosse. Dei to var og ein del av den store og svært gode kvedargruppa «dei syngjande» som let seg høyra ved mange høver gjennom kappleiken.

Durspel senior: I denne klassen gjorde Ingrid Standal Sørheim seg bemerka med ein sterk andre plass!

Hardingfele klasse A: dette er «elitedivisjonen» i hardingfelespel, og Arngunn Timenes Bell rykte opp i fjor. Slik sett ein debut i klassen, - med høg poengsum og nr. 14 av 21 er det framifrå levert!

Som avslutning på kappleiken var det folkemusikkmesse sundagen. Der var Kvemmingen også godt reprensentert – Arngunn, G**o, Hanne og Liv var med og spelte, Brit og Per Øyvind sytte for dansen saman med eit par frå Ullensvang. Organist for dagen var Sevinj Asgarova Øvrehus. Liturgien er skriven av Rannveig Djønne. Takk for at me fekk vere med!
https://www.facebook.com/share/v/1aFqfUSRB8/

05/07/2025

Landskappleiken, del 1:
Landskappleiken er den lengstlevande festivalen i landet, og i år kom den att til Hardanger og i Eidfjord. Nær tusen unike deltakarar var med og tevla, med mykje publikum, frivillige og alle andre som trengst for å få alt til å gli vart det mykje folk i Eidfjord!
Me var også sterkt engasjert som frivillige, og som deltakarar i tevlingar, konsertar og program.
Opningskonserten «Her har me butt», var ein presentasjon av Hardanger i fortid og notid, naturleg nok med fokus på folkemusikken og dansen. Lajla Renate Buer Storli- frå Kvalvik rett over fjorden- hadde hand om regien og med svært godt resultat.
Her fekk me , Kvemmingen spel-og dansarlag- ei eigen «avdeling» med musikk av Arngunn Timenes Bell og Vidar Berge, supplert med dans. Dansarane (G**o Bell Berge, Hanne Berge, Liv Rogdaberg, Martha Strømme , Eline Lunestad, Gunvor Blytt Kjosås, Per Øyvind Tveiten , Brit Karin Sørland ) fekk syna vår Gangar frå Kvam.
Takk for opplevinga!
Film: Astrid Byrkjeland Lunestad

Adresse

Øystese

Telefon

+4797515156

Nettsted

Varslinger

Vær den første som vet og la oss sende deg en e-post når Kvemmingen spel og dansarlag legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Organisasjonen

Send en melding til Kvemmingen spel og dansarlag:

Snarveier

Del

Type