Veldeke Wieërt

07/06/2026

WAAT E FIEËST!
Finale Veldeke Declamatiewédstriêd 2026

Aafgeloupe zaoterdig (6 juni) waas in Keenter Hart Wieërt de Limburgse finale vanne jaorlikse Declamatiewédstriêd van Kuuëninklik Veldeke Limburg. 'nen Aafgelaaje zaal mét (groeët)aojers, femiêlie en ânger pebliek zoog 22 basisschoeëlwichter uut Limburg vôl inzét stri-jje vörre ieër van béste vuuërdracht van zelf uutgekoeëze en/of geschrieëve gedichte in eur eîge Limburgs dialect.

Apaart vanne optraejes vôl belaeving vieël op det 't jónk vôlk mieër as eins koeës vör e gedicht det oeëvertuuëgendj mer ouch mét humor aandacht vroog vör 't gebroêk van 'Os Moôdertaal' as ieërste en neet as twieëdje taal. “D’r és nog hoeëp” huuërdje ve zégke inne zaal. En zoeë blieëk ouch.
De jóng daelnemers uut Wieërt, Echt, Susteren, Venlo en Tegelen énne zaal genoeëte van dieës demonstratie van waatter 'Plat eweg' woort nieërgezatte doeër 'n now generatie Limburgers, aaneîn gekaldj doeëre Wieërter prizzentator Ton Thijssen. En wi-j de jury in beraod góng, woort de zaal getraktieërdj op e schoeën intermezzo van August Green métte Theaterkist.

Winnaars
Vuuërzitter Frits Nies vanne thoêskrînk Wieërt zag waal det alle kandidate op vuuërhând winnaars wore, mer toch móste de Limburgse jurylede Peggy Alofs, Peter van den Bosch, Frank Giese, Joris Jentjens en Andrea Peeters drej winnaars keze vör edere basischoeëlafdaeling. Métte volgendje uutslaag.

Groep 1, 2, 3 en 4:
1. Alice Ogier mét 'Stappe' (Weert)
2. Flore Joosten mét 'Vlinderke' (Susteren)
3. Ilvy van Herten mét 'Mien Moortje' (Susteren)

Groep 5, 6:
1. Noud op het Veld mét 'Oos sjieke taal' (Echt)
2. Lauren Leurs mét 'Kakeltante' (Susteren)
3. Teun Wolters mét 'Ich haoj van game' (Echt)

Groep 7, 8:
1. Sophie Rours mét 'Gruuëtsj det ich van Zöstere bun' (Susteren)
2. Bo(dine) Swinkels mét 'Oppe Dörpel' (Susteren)
3. Lucy van de Ven mét 'De Roëze van meneer Knoterbóks' (Venlo)

De Aanmoedigingspriês góng nao Eline van Velthoven uut Wieërt mét 'Oeës Mack'.

Tevrieëje
Veldekekrînk Wieërt és tevrieëje en goodgemoodj oeëver ’t optraeje én enthousiasme vanne declamieërendje wichter. Zieëker ouch vanne Wieërter finaliste Alice Ogier, Eline van Velthoven, Evi Prijs, Milan Overheul, Jamie Ogier en Aivi van Gansewinkel.
Ónger ’t towzeendj oug vanne körsvörse wethaojer Peter Mols krieëge alle daelnemers ’n oorkonde van Veldeke Limburg en ’n exemplaar van ‘t doeër Veldeke Wieërt pas uutgegaeve wichterbukske 'Wichterverhäölkes uut 't Wieërterlând - um te laeze of vuuër te laeze'.

Foto's Wes van Renswouw Fotografie : https://www.facebook.com/wvr88/ https://www.instagram.com/wesvanrenswouw/

05/06/2026

Mêrge ésj te doon in

04/06/2026

Om het Limburgse dialect bij de jeugd onder de aandacht te brengen, zet Veldeke Limburg jaarlijks een declamatiewedstrijd voor basisschoolleerlingen op touw.

Lees hier meer 👉 https://shorturl.at/dbMmI

04/06/2026

29/05/2026

'FIEËST VANNE MOÔDERTAAL'
Finale Veldeke Declamatiewédstriêd 2026 in Wieërt

Zaoterdig 6 juni a.s. és weer de provinsjale finale vanne jaorlikse Declamatiewédstriêd van Kuuëninklik Veldeke Limburg. Nao de lokale hâlve finales in Ech, Sustere, Venlo, Tegele en Wieërt staon zaoterdigmiddig 6 juni dertig jóng finaliste op 't podium van Zaal Keenter Hart in Wieërt vör dit jaorliks 'Fieëst vanne Moôdertaal'.

Nao alle vuuërrondes kaome d'r oette viêf (dael)kringe van Veldeke eder zés winnaars vanne hâlve finale. Det zeen de nómmers eîn en twieë vanne basisschoeëlaafdaelinge 3-4, 5-6 en 7-8. De wichter/kînjer drage eder e gedicht vuuër in eur eîge dialect. De gedichte hebbe ze zelf gekoeëze oette declamatiebundel of hebbe ze zelf gemaaktj. D'r zeen d'r di-j ouch verkledj zeen en/of passendje attribute gebroêke.

'ne Jury van viêf kinners oette previnsie beoeërdeîltj alle dertig vuuërdrachte en keêsj vör eder aafdaeling weem de nómmers 1, 2 en 3 waere vanne Kuuëninklik Veldeke Limburg Declamatiewédstriêd 2026. Alle kandidate kriêge 'n bezûnjer aandînke en vör edere winnaar éster 'ne Veldeke Trofee. Daonaeve kinne vae ounog eîne aanmoedigingspriês.

De jury: Peggy Alofs, Peter van den Bosch, Frank Giesen, Joris Jentjens en Andrea Peeters.
Prizzentator: Wieërtenaar Ton Thijssen.
Kînjerteatermaker Willem Hoeben verzörgtj 'n pauze-act.

Limburgse Finale Declamatiewédstriêd 2026,
Zaoterdig 06 juni, 13.30 oor,
Keenter Hart, St. Jozefskerkplein 3, 6006 ZH Wieërt.

Vae gaon klappe 👏vör alle daelnemers mér vuuëral vör oeës wieërter kanjers!
Oppe foto de winnaars 1, 2 en 3 vanne halve finale Veldeke Wieërt.

--------------------------------------------------------------------------

'FIEËST VANNE MOÔDERTAAL'
Finale Veldeke Declamatiewedstrijd 2026 in Wieërt

Zaterdag 6 juni a.s. vindt weer de provinciale finale plaats van de jaarlijkse Declamatiewedstrijd van Veldeke Limburg. Na de lokale halve finales in Echt, Susteren, Venlo, Tegelen en Weert staan zaterdagmiddag 6 juni dertig finalisten op het podium van zaal Keenter Hart in Weert voor dit jaarlijkse 'Fieëst vanne Moôdertaal'.

Elk van de vijf deelnemende plaatsen in Limburg vaardigt zes winnaars af van de halve finale. Het betreft de nummers 1 en 2 van de basisschoolcategorieën groep 3-4, groep 5-6 en groep 7-8. Zij dragen ieder een gedicht voor in hun lokale dialect. De gedichten zijn een eigen keuze uit de declamatiebundel of van eigen makelei. Diverse deelnemertjes maken ook gebruik van passende uitdossing en/of attributen.

Een jury van vijf deskundigen uit de provincie beoordeelt alle dertig optredens, kiest voor elke categorie (groepen 3-4, 5-6 en 7-8) wie de nummers 1, 2 en 3 worden van Veldeke Limburgs Declamatiewedstrijd 2026. Alle deelnemers ontvangen een speciale herinnering en voor de winnaars zijn er de Veldeke trofeeën. Daarnaast is er één aanmoedigingsprijs.

De provinciale jury: Peggy Alofs, Peter van den Bosch, Frank Giesen, Joris Jentjens en Andrea Peeters.
Presentator: Weertenaar Ton Thijssen.
Kindertheatermaker Willem Hoeben verzorgt een optreden in de pauze.

20/05/2026

Dânke Francien Clijsters, vör ‘t insteure…

02/05/2026

Het evenement ‘Veldeke op Paad, eder stad Plat’ heeft zaterdag in Weert gezorgd voor een geslaagde en sfeervolle ochtend. Op het Sint Raphaëlpad stond

02/05/2026

Schoeën spektakel vanmêrge op ‘t Raphaelpad … mét as klapper ‘nen ieëremedalie vör Mark Bouwmans van Veldeke Limburg vör al zien dialectverdeenste in ‘t Wieërterlând.
En ‘t besteur van Veldeke Wieërt mét de decorandus Mark oppe foto.

Jubileumtour "Veldeke op Paad" van Veldeke Limburg kwam vanochtend naar Weert.
Veldeke Wieërt
Bekijk de foto's op de site.

https://wvrfotografie.nl/veldeke-op-paad-in-weert-2026/

28/02/2026

Schoeën plan van woeë ânger oprechte en gewaardieërdje bewakers en bewaarders van êrfgood in , zoeë ouch Veldeke ̈rt, gaer aan mejwêrke.

In 2026 bestaat de Zuid-Willemsvaart 200 jaar. Twee eeuwen geleden werd het kanaal voltooid, een waterweg die Weert en de regio blijvend heeft gevormd.