03/06/2026
𝐉𝐨𝐡𝐧 𝐒𝐭𝐨𝐫𝐦 𝐕𝐫𝐞𝐞𝐣𝐰𝐢𝐥𝐥𝐢𝐠𝐞𝐫 𝐯𝐚𝐧 '𝐭 𝐣𝐚𝐨𝐫
Al jaore is John ein bekind gezich binne
Vastelaovesvereiniging de Wien. As man met de bel oftewaal de sirremoniemeister van de hoeëge wieze raod van elf haet hae zoewaal dae raod as ós trio’s jaorelank begeleid binne de Venlose Vastelaovend. Altied good gemuts en in veur ein grepke is wie weej John kinne. Maar wis geej det John op andere vlakke ouk zien beejdrage haet geleverd? Zoeë is hae beveurbeeld jaorelank lid gewaes van ós Joekskemissie. Ouk is hae ózze eige ambassadeur veur de verbinding tösse de Wien en ós zustervereiniging de Vogelhut. Hae waas in 2012 hoeëgheid beej V.G. De
Vogelhut, maar in 2019 ouk adjudant beej hoeëgheid Rob I binne de Wien.
John is eine verbinder, zoewaal tösse vereiniginge as binne de Wien. Ouk as zenger haet John ein groeëte beejdrage geleverd aan de muzikale historie van de Wien. Of ‘t noow waas met zien vrinde van ‘Dreej en ‘n half tönke’ of same met ziene raodskumpel Rik waomei hae aafgeloupe jaor de ierste pries wis te winne op ós
jaorliks leedjesfestival.
Al haope we in John nog jaore ein actief lid en lid van de
raod van elf te meuge hebbe, ‘t haet ‘t bestuur van Vastelaovesvereiniging de Wien
noow al behaag um John op ózze lejedaag aafgeloupe zaoterdaag oet te rope as
vreejwilliger van ‘t jaor veur al zien verdeenste binne ós vereiniging.
Weej winse John en zien vruike Caroleyn dan ouk van herte
perfitsia met deze bezóndere onderscheiding.
