VG De Törvers - Venlo

Startpagina
Nederland
Venlo
VG De Törvers - Venlo

Routebeschrijving Website

Vastelaovesgezelschap De Törvers oet de Heilig Hartparochie in Venlo! Waat doon weej? Dit gebeurt al jaore beej ós gezelschap. Altied volle bak.

Ten ierste is ‘t de bedoeling det de kultuur behalde blief en dao is Vastelaovend ein ónderdeil van. Weej doon dit in ós wiek de Heilig Hartperochie wao weej alle bewoeëners beej betrekke.

‘t Organisere van ein dergelik fees geit ‘t ganse jaor door en weej zien ‘t ganse jaor bezig um alles te vernieje of beej te sture. Want veurbereidinge gebeure in de loup van ‘t jaor en de oetveuring tiedes de daag. Idderein dink det ‘t allein maar feeste is, maar det kin allein as d’r ein good plan en oetvoering aan ten gróndslaag ligge. Diverse kemissies zien
bezig um ‘t idderein nao ziene zin te make. Dao-euver kint geej mier laeze op de andere pagina’s van ós site. Weej zörge dat idderein oet de wiek Vastelaovend kint viere op de meneer die beej um pas. Weej beginne met ein groeëte zitting met oetrope van ózze nieje Prins en Adjudante. Heej nao traejt ein keur van topartieste op. Ein euvervolle zaal en kefee doon de res. Daonao begint ein toch langs alle vereiniginge binne ós wiek, waobeej zeker de jeugbewaeginge neet vergaete waere. Ein lös veur ‘t oug om alle jeug te zeen genete van alle activiteite. De zustervereniginge waere ouk bezóch en de
ervaringe oetgewisseld. Ein waek veur de Vastelaovend is ‘t zier drök veur ós gezelschap. Dinsdaag is steevas d’n aovend veur de seniore oet de wiek. Zeej kriege eine prachtige aovend veurgeschótteld met ouk weer topartieste. Woensdaagaovend zien de leje van de Zónnebloom Vastelaovend aan ‘t viere. Sinds 1976 zien weej aanwezig beej deze zier intense aovend. Eine aovend wao ech wuurt genaote van alles det met Vastelaovond te make haet. De letste jaore regele weej iets mier met de
Zónnebloom om same tot ein moeëj programma te kómme. Dan gaon weej op nao de Vastelaovend en bezeuke weej de schoeële en op Vastenlaoveszóndaag besloete weej met ein bezoek aan De Wendel in Blerick. Heej nao besloete weej ós aktiviteite met ‘t aaflegge van de mantels en mutse van de Prins en Adjudante. Det gebeurt in de zaal wao zeej dreej waeke ierder zien oetgekómme. Tiedes de Vastelaoves daag zien weej vreej um met hiel Venlo te viere. Door ‘t jaor haer haole weej iddere maond in ós wiek ald pepeer op um alle koste te kinne betale. Op dees meneer kriege alle wiek bewoeëners ook d’r weer waat veur truuk. En zoeë make weej de Vastelaovend kómpleet voor alle wiek bewoeëners en umgaeving. Um door ‘t jaor haer vaerder de bande aan te haole binne ós gezelschap is d’r ein fietstocht en nog waat vaerdere aktiviteite. Dus VG De Tövers is altied bezig!

22/10/2026

Kómmende zaoterdaag is 't weer zoeë wied, dan kómme weej weer 't ald pepeer ophaole in 't Heilig Hart Parochie. Gaer 't pepeer netjes gebundeld aanbeeje. Vestes bedank names alle vreejwilligers van VG De Törvers

03/10/2026

Gister haet in ozze Windmeule de vorstewissel plaats gevonden van os jeugvereiniging VG de Törfkes.

Tygo Cuijpers haet ziene scepter mit gruuetsigheid euvergedrage aan de nieje vors Esmée Bollen.

Weej wille names de Törvers Tygo bedanke veur zien fantastische inzet!

En weej wille Esmée feliciteren en hiel vuuel sukses winse in eur nieje functie.

07/09/2026

Aafgelaupe 3 daag haet VG de Törvers de bezeukers van ozze stads bariton Sef Thissen, meuge veurzeen van ein lekker drenkske.

Os vreejwilligers hebbe 3 leuke daag achter de rök beej Viva Classic Live.
# bardeens

15/08/2026

Auk os twiede ploog steit veur og klaor!
Zeej hebbe dr hiel vuuel zin in.

Kom gezellig un wienke of speciaalbiertje drinke.

Wies dalik!

15/08/2026

Zuas al mierdere jaore staon de Törvers auk dit jaor weer veur og klaor op de zomerparkfeeste.

Heb geej zin in ein lekker wienke of speciaalbiertje? Os vreejwilligers helpe og gaer.

Zeen weej og in ut Julianapark?

Wies strakkes!

15/08/2026

31/07/2026

Bedank veur alles, Martin.
Rös zaach.

Adres

Straelseweg 162A
Venlo
5914AS

Website

http://www.detorvers.nl/

Meldingen

Wees de eerste die het weet en laat ons u een e-mail sturen wanneer VG De Törvers - Venlo nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.