05/05/2021
Hopi bia nos ta pensa ku traha duru ta e kos i ku si nos traha duru nos lo logra! Pero si bo para ketu i pensa bon, traha duru no ta e úniko kos ku bo mester pa bo por tin éksito.
Un ehèmpel di esaki ta: imaginábu, tin 10 blòki ku bo mester karga i hiba di punto A na punto B. Un hende ku ta traha duru lo lanta e blòkinan un pa un te ora e kaba. Kisas e trabou a tumá henter dia pa kaba. Si nos analisá e ehèmpel ku a wordu duná bo ta traha duru pero e trabou por a wordu hasí mas simpel sin ku bo mester kansa bo kurpa asina tantu dor di djis usa un krenwá. Akínan bo por mira ku dor di analisá i pensa por trese un solushon mas sabí pa ehekutá e trabou.
Di einan lo bo por konkluí ku traha duru i traha sabí te kos.
Imaginabu ku dor di usa krenwá a tumábu mitar di bo dia pa kaba e trabou. Loke hopi di nos ta hasi ta, warda i nos no ta kuminsá mesora, paso nos sa ku nos tin un “as bajo la manga” i dor di esei bo ta kuminsá mas lat ku e trabou. Pero imaginábu ku ora bo kaba ku e dies blòkinan ei, pa mañan tambe bo mester move 10 blòki mas di punto A pa punto C. Esun ku ta traha sabí i duru lo kaba nan porta, pero dor di keda warda te último momento e lo okashoná strès i lo bo no ta usando bo tempu efisientemente.
Un persona ku ta traha duru, sabí i efisiente lo sa ku e mester hisa e 10 blòkinan di punto A hiba na punto B i esun di siguiente dia di punto A na punto C. Dor di esaki e lo sòru pa hisa tur e 20 blòkinan husando un krenwá i e lo kuminsá na tempu ku su trabou. Hasiendo esaki lo bo ripará ku bo por asta kuminsá ku e trabou di siguiente dia(punto A na punto C.)Esaki bo ta logré dor di traha un planning.
Dus pa bo por saka mas for di bo mes: -Traha duru; -Traha sabí; -Traha efisiente(planning).
