Karnavalsvereniging de Mammoeters

14/06/2026

De funkeleers waore weer present💪💪🔴🟡🟢⚫️🔴

11/06/2026

🔴🟢🟡⚫️⚫️

Mestreech, 11 juni 2026

COMMUNIQUÉ Aanders es aanders, veur tout Mestreech!

MESTREECHTER VASTELAOVENDSLEEDSJES KONKOER DOOR DE SAMEWÈRKENDE MESTREECHTER VASTELAOVENDSVEREINEGINGE

‘t Is officieel:

‘t MESTREECHTER VASTELAOVENDSLEEDSJES KONKOER (MVK) kump dit jaor aanders oet te zien. Es SAMEWÈRKENDE MESTREECHTER VASTELAOVENDSVEREINEGINGE (SMV) hōbbe v’r geluusterd nao de stum vaan ‘t volk – sjrijvers , componiste, artieste, vereineginge én publiek – en veure veer veranderinge door.

Ein orkes, vaste zengers
Dit jaor goon veer wèrke mèt ‘n orkes. Veer zien hiel verhäög mèt de oetveuring door ‘t Mestreechs Vastelaovends Orkes, boe-in de muzikante same mèt versjeie zengers en zangeresse optrejje. Alle leedsjes kriege dezelfde muzikaole basis, zoetot ‘t leedsje zelf tèlt, en neet de band of d’n arties drachter.

Nuien opzat wildcard
Oet alle inzendinge weurt 1 wildcard getrokke dee geliek nao de finaal geit. Zoe geve veer ouch die sjrievers en componiste die aanders meugelek neet door de jurering zouwe zien gekoume ‘ne kans. Op dees meneer krijg eder leedsje ‘nen ierleke kans. Mèt de wildcard debij koume 8 leedsjes in de finaal.

Veur de deilnummers
- Insjriefgeld veur ’t insjikke vaan ’n leedsje blijf € 22,00. - Bijdraog finaliste is verlieg nao € 99,00 (waor € 222,00). - Midifile vervèlt. - Utersten daotum veur insjikke vaan ‘t leedsje is 11-08-2026. - De winner vaan ‘t MVK is vrij in de käös vaan studio en oetveurend arties.

Jurering

Ierlek en transparant. Nao de rippetities späōlt ’t orkes alle finaleleedsjes veur aon de jury. De jury bepaolt 40% vaan d’n oetslaag vaan de ierste runde. De aander 60% bepaolt ‘t volk op d’n daag vaan ‘t MVK. Veer wèlle daomèt ‘n professioneel beoordeiling in combinatie mèt de stum en ’t geveul vaan de zaol bereike.

Jäõgleedsje
Jäög op ’t groete podium: zjus wie de aofgeloupe jaore krijg ’t jäögleedsje ‘n optrejje op d’n daag vaan de finaal vaan ‘t MVK. Zoe bringe veer jäög en groet vastelaovendvierend Mestreech nog korter bijein.

Daotum & gasvereineging
Zoondag 15 november 2026. Start program 14:11 oor. Ind MVK-program roond 19.00–20.00 oor, mėt meugeleken oetloup. Gasvereineging, zjubilerend 4*11 jaor: CV De Mineurs, die aon de res vaan d’n aovend hăör eige invölling gief.

Beerpries EUR 3,00.

Locatie: Atrium Daalhof, Aureliushof 160, 6215 SW Mestreech.

Kaartverkoup
De kaartverkoup is gestart. Kaarte zien online te koup veur € 7,00 via de site www.smv.nl.

Vernuiing
Mèt dees aonpassinge wèlle veer es SMV ‘t konkoer korter bij de sjrijvers, componiste en zeker ‘t Vastelaovendvierend volk vaan Mestreech bringe.

MVK 2027: vaan oonderop veranderingsgezind, participatief, luusterend en publieksgeriech.

es aanders [email protected] www.smv.nl

03/06/2026

Leef lui veer zien weer on tour noe in de Geusselt bij de bokkerijers🔴🟡🟢⚫️🔴

29/05/2026

Hieperdepiep hoera! Vendaog is Stefan jaorig. Vaan harte perficia🔴🟡🟢⚫️🔴

13/05/2026

En veer höbbe weer eine. Wat? 'Ne jaorige! Dees kier is Ronald aon de b***t vaan harte perficia🔴🟡🟢⚫️🔴

10/05/2026

Veer höbbe eine gevoonde! Zeet geer benuid wee? 21 november kint geer koume kieke m.m.v. Tonca!🔴🟡🟢⚫️🔴

09/05/2026

Leef lui...vendaog weer 'ne jaorige! Euze Opper vaan deens, Harrie is jaorig. Vaan harte perficia🔴🟡🟢⚫️🔴

06/05/2026

En veer höbbe weer 'ne jaorige! Jean-Paul vaan harte perficia mèt diene verjaordaag🔴🟡🟢⚫️🔴

03/05/2026

Vendaog is dr weer 'ne jaorige...Dit kier is Kenny aon de b***t. Perficia mèt diene verjaordaag 🔴🟡🟢⚫️🔴

21/04/2026

Onlangs kraoge veer 't trieste beriech dat euze Aajd Hoeglöstigheid vaan 2011, Fred, is gestorve. Veer es Mammoetfemilie winse de naobestaonde hiel väöl sterkte in dees lestige tied🙏🏻🕯