CV 't Knölleke

Startpagina
Nederland
Leunen
CV 't Knölleke

Routebeschrijving Website Contact opnemen met de organisatie

De carnavalsvereniging van het dorp Leunen in de gemeente Venray.

14/08/2026

𝗦𝗖𝗛!𝗞 𝗲𝗻 𝗗𝗝 𝗕𝗮𝘀, 𝗱𝗲 𝗺𝘂𝘇𝗶𝗸𝗮𝗹𝗲 𝗸𝗿𝗮𝗰𝗵𝘁 𝗮𝗰𝗵𝘁𝗲𝗿 𝗟𝗠𝗟
Eur breeje repetoire speult SCH!K 't gânse jaor dur. Òp elk fieëst wieëte zeej âltied 'n geweldige sfeer naer te zette.

Wie kent 'm nie? DJ Bas, heej zal zörge dat de zaal ien de pauze en òp de afterparty nie stil zal gaon staon!

Òp 12 september zullen SCH!K en DJ Bas d'r same mit de artieste van LML dan ók vur gaon zörge dat 't dak van de tent wért áfgeblaoze!

Dit fieëst wilde nie misse!
Kártjes zien te verkriëge via www.knolleke.nl/nejs/kaartverkoeep-loense-meense-live

01/08/2026

Wilde geej net às de artieste van Lönse Meense Live zinge òp de Lönse podia?
Gaef òw dan òp vur ’t Liedjesfestijn 2027! Kómend jaor zal dat plâtsviende òp zaoterdág 9 jannewarie 2027.

Meld òw vur 1 september 2026 án via ’t volgende contactformulier: https://www.knolleke.nl/zeg-t-mar/liedjesfestijn

Wilde gaer mit doēn, már geej héd gén idee waor te beginne. Nim dan contact òp mit de commissie via [email protected].

25/07/2026

𝗔𝗿𝘁𝗶𝗲𝘀𝘁𝗲𝗻 𝗟𝗠𝗟 𝟮𝟬𝟮𝟲 (3/𝟯):
Gear stelle weej de artieste van Lönse Meense Live 2026 án òw vur:

𝙀𝙫𝙞 𝘾𝙡𝙖𝙚𝙨𝙨𝙚𝙣𝙨
Enthousiast en unne perfectionist, dat bin ik! En às ik iets doej, goaj ik d’r vur de volle 100% vur. Òndaanks ’n tikkeltje spanning, zin um d’r volòp van te gaon geniete!

𝙅𝙤𝙧𝙙𝙮 𝘾𝙤𝙧𝙣𝙚𝙡𝙞𝙨𝙨𝙚𝙣
Vrolijk en mit ’n glimlach, dat bin ik! Às ik örges án mitdoej, gaoj ik d’r ók âltied vol vur um d’r iets goēds van te máke, dus ik heb d’r enorm veul zin ien!

𝙇𝙚𝙤𝙣 𝙈𝙞𝙘𝙝𝙚𝙡𝙨
Normaal zing ik beej Rockinrooy. Nów meug ’t ien Luuëne, dat viend ik wel moj!

𝙍𝙚𝙣é 𝙎𝙩𝙞𝙥𝙝𝙤𝙪𝙩
Ik bin René. Ik woeën ien de Gussenstraat. Ik tennis, zing en prebieër òk nóg te hardloeëpe.

𝙈𝙞𝙧𝙟𝙖𝙢 𝙏𝙝𝙚𝙪𝙣𝙞𝙨
Ik bin Mirjam, bin getrouwd mit Tonny en de grötse moēder van Tom en Roel. En de nóg grôtsere oma van Daan. Ik waerk beej ’t leukste grand café van Rooy. Lánge tied heb ik vreejwillegerswaerk gedaon ien de kantine, beej Leontien en hieël vroeger nóg beej de ponyclub en de KPJ.

𝙂𝙪𝙪𝙨 𝙂𝙞𝙚𝙡𝙚𝙣𝙨
Dágeleks zörg ik vur ozze âldere medemeens en ien ’t waekend speul ik nóg gaer ’n pötje voetbal. Mit ’n pilsje ien de hând âltied ien vur ’n fieëstje.

𝙂𝙞𝙟𝙨 𝙆𝙤𝙤𝙣𝙞𝙣𝙜𝙨
Ik bin Gijs Koonings, 22 jaor âld. In mien vreeje tied bin ik duk mit kamereuj òp pad, drink ik gaer ’n pilsje en bin ik âltied wel ien vur gezelligheid. Mien motto is veural: Nie te veul naodaenke, gewoeën doēn. Daorum viend ik ’t òk super leuk um mit LML mit te meuge doēn!

𝙍𝙞𝙘 𝙙𝙚 𝙇𝙤𝙪𝙬
Ik bin Ric, 60 jaor, en mit mien overleeje vrouw heb ik twieë dochters. Tot driej jaor geleeje heb ik de kieëswinkel ien Venroj gehad. Nów fiets ik veul, o.a. vur Kika, en doej verschillende dingen beej SV Leunen. Ók klus ik gaer.

𝘽𝙚𝙧𝙩 𝙒𝙞𝙡𝙡𝙚𝙢𝙨
Ik hâld van zang en meziek, már kan d’r zelf niks van! Ik hâld van zelfspot mit mezelf en zéker òk mit die van ândere.

Weej zien urlie òp 12 september òp 't dörpsplein ien Luuëne!

15/07/2026

𝗔𝗿𝘁𝗶𝗲𝘀𝘁𝗲𝗻 𝗟𝗠𝗟 𝟮𝟬𝟮𝟲 (2/𝟯):

Gear stelle weej de artieste van Lönse Meense Live 2026 án òw vur:

𝘽𝙧𝙖𝙢 𝙇𝙞𝙩𝙟𝙚𝙣𝙨
’t Liefst zing ik aachter de computer òp kântoeër, tusse ’t klantcontact en ’t braendjes blusse dur. Àn ’t einde van de dág is traine beej Sterkmakers mien uutlaotklep, en geniet ik mit volle teuge às ik ien ’t waekend wér ’n uitje heb.

𝙋𝙖𝙪𝙡 𝙃𝙚𝙣𝙙𝙧𝙞𝙭
Mien naam is Paul Hendrix en kom netuūrlek uut Luuëne. Ik heb d’r hieël veul zin ien en hoeëp dat d’r veul meense naor Lönse Meense Live komme vur un groeët fieëst!

𝙇𝙤𝙚𝙨 𝙒𝙚𝙞𝙟𝙨
Ien ’n femilie vol mezikaal talent mós ik netuūrlek ók ’n poging waoge. Ondanks ’n klaen bitje podiumervaring, vuult ’t toch ’n bitje às buute mien comfortzone. Mit gezoonde spanning, ’n vleugje podiumvrees en veural hieël veul enthousiasme staoj ik òp 12 september klaor um d’r sáme mit urlie ’n fantastisch fieëst van te máke!

𝙃𝙚𝙣𝙧𝙞 𝙍𝙤𝙣𝙜𝙚𝙣
Hoewel ik nie mér ien Luuëne woeën, bin ik nóg âltied gaer betròkke beej ’t dörp. Bekend às Elvis mit carnaval, breng ik veural ieën ding: Gezelligheid!

𝘼𝙡𝙗𝙚𝙧𝙩 𝙅𝙞𝙡𝙚𝙨𝙚𝙣
Dizze goēdlachse, räöstige, kersverse opa hált d’r van um ien control te zien. Vur LML stap ik toch uut mien comfortzone. Spannend, már ik heb d’r hieël veul zin ien.

𝙅𝙖𝙣𝙣𝙚 𝘾𝙡𝙖𝙨𝙨𝙚𝙣𝙨
Ik bin Janne Classens-Jacobs (38). Sáme mit mien man Roel heb ik driej kiender: Loet, Fie en Krijn. Weej woeëne òp de Kraakse Pas, waor weej volop geniete van ’t hobbyboērdereejlaeve. Ien ‘t dágeleks laeve waerk ik às docent verpleegkunde en ien mien vreeje tied bin ik ’n fanatieke hardloeëpster.

𝙈𝙚𝙞𝙠𝙚 𝙑𝙪𝙡𝙡𝙞𝙣𝙜𝙨
Ha! Mien naam is Meike. ’t Liefst staoj ik dágeláng ien de keuke. Már nów ruil ik de keuke ien vur ’t podium en kan ik nie waachte um d’r mit urlie ’n geweldige aovend van te máke!

𝘾𝙡𝙖𝙪𝙙𝙞𝙖 𝘽𝙧𝙤𝙠
Mien naam is Claudia Brok-Jetten, 31 jaor âld, vrouw van Thomas en mama van Milan en Nina. Ik viend ’t ontzettend leuk dat ik mit meug doēn àn LML, en kiēk d’r enorm naor uut!

Weej zien urlie òp 12 september òp 't dörpsplein ien Luuëne!

01/07/2026

🔥Kaartverkoeëp Lönse Meense Live 2026 nów Live!🔥

Vanaf nów kunde geej òw kártje bemachtige vur Lönse Meense Live 2026. De Kártjes zien te koeëp via: https://cv-t-knolleke.fairtix.io/p/lml-2026 of de QR-code.

🎟 17,50 euro
📅 12 september 2026
🕢 Oop: 19.30 uur / Ánvang: 20.00 uur
📍 Dörpsplein Luuëne

Mit 'n fantastische line-up: Janne Classens, Evi Claessens, Meike Vullings, Gijs Koonings, Linda Baeten, Mirjam Theunis, Loes Weijs, Bram Litjens, Claudia Brok, Franca Weijs, Stijn Puts, René Stiphout, Mees Scholten, Henri Rongen, Paul Hendrix, Leon Michels, Edwin Berden, Ric de Louw, Bert Willems, Albert Jilesen, Geert Poels, Nick Litjens, Guus Gielens, Paul Nabben, Guus Reintjes en Jordy Cornelissen!

Már òk: Feest en Coverband SCHIK en DJ Bas!

Bestel snel òw ticket, òp = òp!

25/06/2026

𝗔𝗿𝘁𝗶𝗲𝘀𝘁𝗲𝗻 𝗟𝗠𝗟 𝟮𝟬𝟮𝟲 (𝟭/𝟯):

Gear stelle weej de artieste van Lönse Meense Live 2026 án òw vur:

𝙂𝙪𝙪𝙨 𝙍𝙚𝙞𝙣𝙩𝙟𝙚𝙨
Mien naam is Guus Reintjes. Allerurst bin ik trots òp mien gezin, bestaonde uut mien vrow Ellen en dochters Mille en Jip. Geej kunt meej kenne van ReintjesAdvies, ’t belasting/administratiekântoeër waor ik sáme mit mien vader André de leiding heb. Ien mien vreeje tied voetbal ik gaer òp ’t veld beej SV Leunen en ien de zaal beej ZVV Leunen, waor ik òk van beide verieëneginge penningmaester bin.

𝙋𝙖𝙪𝙡 𝙉𝙖𝙗𝙗𝙚𝙣
Ik bin Paul Nabben. Samewoeënend mit Kirsten, Jace en Nala ozze hoond. Ien augustus zal òs gezin uutgebreid werre mit ’n twèdde zoeëntje.

𝙈𝙚𝙚𝙨 𝙎𝙘𝙝𝙤𝙡𝙩𝙚𝙣
Ik bin Mees Scholten, 20 jaor âld. Durdewaeks en òp zondág zie ik duk te viende beej SV Leunen. Daornaeve drink ik ien ’t waekend gaer ’n pilsje mit mien kamereuj. Ik viend ’t super leuk um mit LML mit te meuge doēn!

𝙉𝙞𝙘𝙠 𝙇𝙞𝙩𝙟𝙚𝙣𝙨
Ik bin Nick Litjens, en woeën sáme mit mien gezinneke van vier òp de Trijnestraat. Mien passie is bbq’en en carnaval viēre. Ik kiēk d’r naor uut um mit urlie ’n fieëstje te bòwwe òp 12 september!

𝙎𝙩𝙞𝙟𝙣 𝙋𝙪𝙩𝙨
Ik bin Stijn en bin 20 jaor âld. Ik speul ien de band The Sheds. Daor speul ik gitaar en zing ik òp de aachtergroond. Dizze kieër bin ik de frontman wat ik nie gewend bin, maar ik heb d’r wel hieël veul zin ien!

𝙁𝙧𝙖𝙣𝙘𝙖 𝙒𝙚𝙞𝙟𝙨
Ik bin Franca Weijs en woeën al 40 jaor ien Luuëne. De Ziggo is erg groeët!!! Már ien Luuëne wért ’t GRÖTS!! Tot 12 september!

𝙇𝙞𝙣𝙙𝙖 𝘽𝙖𝙚𝙩𝙚𝙣
Ik bin Linda Baeten, getrowd en moēder van twieë fantastische kiender. Ik bin werkzaam às docent ien ’t MBO-ònderwiēs ien Eindhoven. Ik vuul meej ’n aechte Lönse en viend ’t fantastisch um dees editie às artiest beej Lönse Meense Live te zien!

𝙂𝙚𝙚𝙧𝙩 𝙋𝙤𝙚𝙡𝙨
Ik bin Geert Poels, getrowd mit Josina en vader van Stef en Iris. Ik waerk às medisch technicus ien ’t ziēkehuus en ien mien vreejetied zit ik ien ’t bestuur van SV Leunen.

𝙀𝙙𝙬𝙞𝙣 𝘽𝙚𝙧𝙙𝙚𝙣
Ik bin Edwin Berden en goj d’r sáme mit urlie ’n moj fieëstje van máke tiejes LML! Proost!!!

Kártjes zien vanaf 1 juli 19.00 uur te koeëp via https://cv-t-knolleke.fairtix.io/p/lml-2026

30/05/2026

Zét ’t ien òw agenda! Kaartverkoeëp Lönse Meense Live 2026!

Òp woensdág 1 juli um 19.00 uur gaon de kaarte ien de verkoeëp vur Lönse Meense Live 2026. Daor wilde beej zien!

Dit jaor staon òp de bühne: Janne Classens, Evi Claessens, Meike Vullings, Gijs Koonings, Linda Baeten, Mirjam Theunis, Loes Weijs, Bram Litjens, Claudia Brok, Franca Weijs, Stijn Puts, René Stiphout, Mees Scholten, Henri Rongen, Paul Hendrix, Leon Michels, Edwin Berden, Ric de Louw, Bert Willems, Albert Jilesen, Geert Poels, Nick Litjens, Guus Gielens, Paul Nabben, Guus Reintjes en Jordy Cornelissen!

📅 Zaoterdág 12 september 2026
🕢 19.30 uur
🎟️ 17,50 euro per ticket
📍 Dörpsplein Luuëne

Vur alle làtste informatie en de vurverkoeëp informatie vur vrienden en steunende leeje kiēk òp https://knolleke.nl/neejs/lml2026-1

07/03/2026

Hiēr zien ze dan... de deelnemers van Lönse Meense Live 2026!

Zet 𝟭𝟮 𝘀𝗲𝗽𝘁𝗲𝗺𝗯𝗲𝗿 𝟮𝟬𝟮𝟲 groeët ien òw agenda en kom dees toppers toejuichen!
Janne Classens, Evi Claessens, Meike Vullings, Gijs Koonings, Linda Baeten, Mirjam Theunis, Loes Weijs, Bram Litjens, Claudia Brok, Franca Weijs, Stijn Puts, René Stiphout, Mees Scholten, Henri Rongen, Paul Hendrix, Leon Michels, Edwin Berden, Ric de Louw, Bert Willems, Albert Jilesen, Geert Poels, Nick Litjens, Guus Gielens, Paul Nabben, Guus Reintjes en Jordy Cornelissen!

Háld de socials ien de smiēze vur mieër informatie.

18/02/2026

Vastelaovend 2026 zit d'r wér òp!

Names Prins Stef d'n Urste, Adjudanten Jop & Bart en Lynn, 't boerebruudspaar Rik en Annemieke, 't jeugdkwartet Job, Fien, Lizz en Luuk en de leeje van de carnavalsverieëneging: HIEËL VEUL BEDANKT vur enne prachtige vastelaovend!

'T digitale Knölleke laeft às noeëts te veure. En dit jaor gaon weej nie ien zòmmerslaop, már zien snel genoeg wér terug!
We wille iederieën bedanke vur alle correcties, opmerkingen, reacties en complimenten!

Bekiēk nów alle foto's òp òs site via https://www.knolleke.nl/neejs/vurbeej2026

❤️💛💚

17/02/2026

Luuëne bedánkt!

Dit was vastelaovend 2025-2026!

❤️💛💚

Adres

Albionstraat 26
Leunen
5809AD

Website

http://www.knolleke.nl/

Meldingen

Wees de eerste die het weet en laat ons u een e-mail sturen wanneer CV 't Knölleke nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.

Contact Opnemen Met De Organisatie

Stuur een bericht naar CV 't Knölleke:

Wilt u dat uw organisatie hét hoogst genoteerde non-profit organisatie in Leunen wordt?