03/02/2026
De Auwt Prinse Bor “Gouwe Paplaepel”
Vraog aan eine prins wie hae mit de vastelaovend in aanraking is gekómme en hae zal dich warsjienlik zègke dat hae de vastelaovend mit de paplaepel haet bènnegekrege. Vastelaovend is get wat veer ouch in Bor hoag mótte hawte. En wie kènt dat baeter dan de jeug al van jongs aaf aan betrèkke bie de vastelaovend. Es eine in Bor dat in de gate haw, dan waor ’t waal ózze Auwt Prins Jack Maosse dae ós helaas väöl te vreug is óntvalle. Jack gaof op de basissjoale van Bor vastelaoveslèsse óm zoa de jeug veur de vastelaovend te motivere.
Óm Jack te ere mer meë nog óm zien enthousiasme door te gaeve aan de Borse jeug én aangezeen veer in Bor geine kènjeroptoch meë höbbe, höbbe de Auwt Prinse Bor ‘ne nuje optochpries in ’t laeve gerope. ‘Ne wisselpries dae wurt oetgereik aan dae groep in d’n optoch dae zich dit jaor ‘t meiste sjterk haet gemaak veur ’t betrèkke bie en ‘t doorgaeve van de vastelaovend aan de Jeug van Bor. Dus awwesj, sjnap de kènjer achter dat sjerm oet en kènjer, trèk de pap en de mam van de bank, gaef uch op veur d’n optoch, goaj uch d’r door en vier mit ós vastelaovend en maak kans op dae "Gouwe paplaepel"..... En wae wèt wurt eine van uch later ouch prins of prinses van Bor..
