Federatie Somalische Associaties Nederland - FSAN

17/06/2026

Dowlada Netherlands waxay dib-u-habayn ballaaran ku samaysay nidaamkeeda magangalyada iyo socdaalka, iyadoo qodobbada ugu muhiimsan ay dhaqangaleen 12-kii Juun, 2026, taasoo waafaqsan Heshiiska Magangalyada iyo Socdaalka ee Midowga Yurub (EU).

Xeerarka cusub waxay meesha ka saarayaan oggolaanshaha sharciga deganaansha rasmiga ah ee shanta sanno, iyadoo lagu badelay mid saddex sanno ah, waxaana la soo dedejiyey waqtiga uu qaadanayo codsiga magangalyo-doonka.

Isbeddellada ugu saamaynta weyn waxaa ka mid ah:
• Lama bixin doono oggolaanshaha deganaanshaha magangalyada ee rasmiga ah (permanent). Oggolaanshaha magangalyada ee cusub ama kuwa la cusboonaysiiyay waxay hadda shaqayn doonaan ugu badnaan 3 sano, halka ay markii h**e ka ahaayeen 5 sano. Dadka haystay oggolaansho rasmi ah oo ansax ah isbeddelkan ka hor waxay sii haysan doonaan oggolaanshahooda.

• Waaxda Socdaalka iyo Jinsiyadda (IND) ayaa hadda si dhaqso ah go’aan uga gaari doonta codsiyada.

• Codsiyada caadiga ah waxaa qorshahu uu yahay in go’aan looga gaaro muddo 6 bilood ah, halka codsiyada ay soo gudbiyaan magangalyodoonka ka imaanaya waddammada ammaanka ah lagu xalin doono muddo 3 bilood ah oo keliya.

• Dawladda Nederlands waxay adkaynaysaa shuruudaha qaadashada jinsiyadda (naturalization), oo ay ku jirto in la kordhiyo muddada ugu yar ee deganaanshaha sharciga ah ee loogu talagalay qaadashada jinsiyadda, taasoo laga dhigay 10 sano halka ay markii h**e ka ahayd 5 sano, iyo in kor loo qaado shuruudda aqoonta luqadda oo laga dhigay heerka B1.

• Shuruudo ka adag kuwa h**e ayaa sidoo kale lagu wajahayaa qorshayaasha shaqaalaysiinta iyo muhaajiriinta xirfaddoodu sarrayso, si loo xaddido guud ahaan heerarka socdaalka.

03/06/2026

Sida ay sheegtay waaxda gaadiidka dadweynaha ee dalka Netherlands, waxaa 15-ka Bishan June bilaabanaya barnaamij isdiiwaangelin ah oo qiimo aad u jaban dadka ay ku raaci doonaan tareenada waqtiga kuleylaha ama xagaaga, kuna eg ilaa bisha 1-da September ee sanadkan 2026.

Lacagta qofka uu bishii bixinayo ee uu tareenada ku raaci karo ayaa ah €49 bishii, saacadaha aan mashquulka aheyn iyo maalmaha fasaxa ee tobaadka. Waxaa xusid mudan in qofka uu meeshii uu doono dalka oo dhan ku raaci karo qiimahaasi. Taasii markii h**e ahaan jirtay €128 bishii.

Arrinta ayaa bilow u ah, qorshe ay dowlada Netherlands ku doonayso in qarashka lagu raaco gaadaadika dadweynaha laga dhigo mid la awoodi kaeo, maadaama uu kor u kacay qiimaha shidaalka, lana doonayo dadku ay iska dhigaan baabuurta, ayna safaradooda u isticmaalaan tareenada iyo basaska dowlada.

Linkaga hoose ka eeg halka aad ka dalban karto qiimaha ka soo jebiyey oo ka bilaaban doona 15-ka bishan June.
https://www.ns.nl/abonnementen/dal-vrij

03/06/2026

Golaha wasiirada xukuumada dalka Netherlands ayaa qoraal u direen baarlamaanka dalka ku baaqay in duqaha magaalooyinka dalka la siiyo awoodo dheeraad ah si ay uga hortagaan mudaharaadyada sii xoogeysanaya ee isku badelaya rabshadaha iyo in ciqaabo adag lagu soo rogo dadka ku lug yeesha rabshadaha.

Toddobaadyadii u dambeeyay, mudaaharaadyo looga soo horjeeday xarumaha la qorsheeyay ee la dejinayo magangelyo-doonka ayaa isu beddelay rabshado, iyadoo mudaharaadayaashu ay booliiska ku tuurayeen rash (fireworks), ayna ku dhawaaqayeen hal-ku-dhegyo la xiriira kooxaha midigta fog, isla markaana ay xannibayeen gaadiidka gurmadka degdegga ah.

Bishii h**e, adeegyada tareennada ayaa hakad galay kadib markii dibadbaxayaal ka tirsan kooxo la baxay magaca (Extinction Rebellion) ay saacado badan xannibeen khadka tareenka ee u dhow Utrecht iyagoo dul fuulay tareennada dushooda, sitayna boorar ay ku qoran yihiin farriimo ka dhan ah xasuuqa. Sidoo kale, waxaa waxyeello loo geystay dhismayaal jaamacadeed intii fowdadaasi oo ay sameeyeen kooxo taageersan Falastiin.

Wasiirka arrimaha gudaha Pieter Heerma iyo wasiirka caddaaladda David van Weel ayaa sheegay in sharciga mudaharaadyada dib loo eego si duq magaalooyinka loogu oggolaado inay qaadaan tallaabooyin ka hortag ah oo yareyn kara khatarta rabshadaha.

Photo: Dutch News
Photo: ANP

Duq magaalooyinka waa in la siiyaa awoodo gaar ah oo degdeg ah si ay ula tacaalaan mudaharaadyada inta ay socdaan, sida inay amri karaan mudaharaadayaasha inay u guuraan meel kale, ayay wasiirradu ku qoreen warqad ay u direen baarlamaanka. “Xuquuqda mudaharaadku waa xuquuq aasaasi ah waana qayb muhiim ah oo ka mid ah dimuqraadiyaddeenna,” ayay qoreen.

“Tobankii sano ee la soo dhaafay tirada mudaharaadyadu waxay korortay in ka badan saddex laab. Nasiib wanaag, inta badan mudaharaadyadu waxay u dhacaan si nabad ah oo aan wax dhibaato ahi ka dhalan. Hase yeeshee, kororka tirada mudaharaadyada ayaa sidoo kale sababay in tirada guud ee mudaharaadyada ay ka keenaan rabshado.”

01/06/2026

Wareysi ku saabsan waxqabadka ururka u dooda xaquuqda haweenka iyo caruurta ee WAKA oo ka mida dallada FSAN. Khadra Guutale

20/05/2026

20/05/2026

Vorige week waren voorzitter Abdi Mohamed en vicevoorzitter Osman Abukar namens het bestuur van de Federale Somalische Associatie uitgenodigd bij de opening van Stichting Samen Omhoog in Zwolle. Het was een inspirerende en indrukwekkende avond waarbij veel betrokken organisaties, sleutelfiguren en inwoners aanwezig waren, waaronder burgemeester Peter Snijders.

Wat Stichting Samen Omhoog bijzonder maakt, is de manier waarop zij jongeren centraal zetten en perspectief bieden. Jongeren krijgen hier niet alleen de kans om praktisch met hun handen te werken, zoals in de bouw, techniek, fietsenmakerij of het kappersvak, maar ook om zich te ontwikkelen in de wereld van digitalisering en media. Denk hierbij aan contentcreatie, AI, podcasting en andere digitale vaardigheden die aansluiten bij de toekomst van vandaag.

Het mooie aan deze stichting is dat er gewerkt wordt vanuit ervaring, betrokkenheid en vertrouwen. Jongeren worden gezien, gehoord en gestimuleerd om hun talenten te ontdekken en verder te ontwikkelen. Daarmee is Stichting Samen Omhoog een prachtig voorbeeld voor heel Nederland van hoe je jongeren kansen en perspectief kunt bieden.

Namens het bestuur willen wij Abdiwahab Ali bedanken voor de uitnodiging en de geweldige avond. Ook een speciale dank aan Marijn Hageman voor de warme ontvangst en hun enorme inzet voor jongeren en de samenleving.

Wij wensen Stichting Samen Omhoog heel veel succes voor de toekomst en hopen dat zij nog vele jongeren mogen blijven inspireren en ondersteunen.

11/05/2026

Dhowaan waxaa Markab dalxiis oo la yiraahdo MV Hondius ka dilaacay xanuunka Hantavirus oo markiisii h**e ka yimid xayawaanka jiirka laakiin u gudbay bani’aadamka.

Markabkab ayaa marayey badda Atlantic-kada, waxa uuna ku soo xirtay jasiiradaha Canary Islands. Markabkan ay musiibadu ka dhacday waxaa saarnaa dad badan oo dalxiis ku jiray.

Wasiirka caafimaadka ee dalka Spain ayaa sheegay in la soo afjaray maalintii koowaad ee daadgureynta dadka saarnaa markabka dalxiiska (cruiseship). Maanta ayaa haddaba markabka laga soo dejiyey dad ka kooban 94 qof oo u kala dhashay 19 wadan oo kala duwan.

Duulimaadyada daadgureynta ee hoos ku qoran ayaa kala ahaa:
• 14 qof oo loo qaaday Madrid
• 5 qof oo loo qaaday Faransiiska
• 4 qof oo loo qaaday Canada
• 26 qof oo loo qaaday Nederland
• 22 qof oo loo qaaday Ingiriiska
• 2 qof oo loo qaaday Ireland iyo
• 3 qof oo loo qaaday Turkiga

Sida uu sheegay wasiirku, wax walba waxay u dhaceen sidii loogu talagalay. Labada duulimaad ee ugu dambeeya oo ku sii jeeda Australia iyo Nederland waxay bixi doonaan berri gelinka dambe. Rakaabka raacaya duulimaadyadaas waa inay hal habeen oo kale sii seexdaan markabka dhexdiisa.

Xanuunkan ayaa oo ah virus ayaa la sheegay in lagu kala qaado neefsashada.
Ururka Caafimaadka Adduunka ee WHO ayaay durbo ka digay xanuunkan oo la kala qaadi karo, mana leh ilaa hadda talaal looga hortagi karo.

29/04/2026

Sida uu ka digay bankiga ABN Amro, qiimaha lagu iibsado raashinka yaalla suuqyada dalka Netherlands ayaa laga yaabaa inuu sare u kaco sanadka 2027, maadaama uu sare u sii kacayo qiimaha tamarta (korantada iyo gaaska), taasoo saameynteedu ay ka timid xirnaanshaha marinka Hormuz ee Iran.

Durba sicir-bararka ayaa la dareemay, iyadoo qiimaha lagu iibsado ukunta uu sare u kacay 18.4% bishii Maarso ee la soo dhaafay, halka hilibka uu sare u kacay 10% nus-rubacii h**e ee sanadkan. Waxaa Iyana qiimahii uu sare u kacay 10.4% cabitaanada.

Shirkadaha cuntada badankood waxay galeen qandaraasyo tamar oo qiimahoodu go’an yahay ka dib dhibaatadii tamarta ee 2022, taas oo ka difaacday kor u kaca qiimaha. Laakiin qandaraasyadaas ayaa bilaabanaya inay dhacaan dabayaaqada sannadkan, marka loo eego dagaalka ka socda Bariga Dhexe, kharashyada sare waxay dhowaan saameyn doonaan badeecadaha yaalla khaanadaha dukaamada.

Warshadaha cuntada iyo cabitaanka ee dalkaas waxay si weyn ugu tiirsan yihiin gaaska dabiiciga ah, kaas oo ka dhigan qiyaastii 70% tamarta ay isticmaalaan, sida uu bangigu ku sheegay warbixintiisa rubuc-laha ah ee waaxdaas.

Photo: Depositphotos.com

29/04/2026

Tuulada Loosdrecht ee dalka Netherlands, nin 34 jir ah ayaa lagu xiray baaritaan ay boolisku ku hayaan weerar ay koox qaswadayaal ah ku qaadeen xafiis h**e oo ay dowladda hoose lahayd, kaas oo qorshuhu yahay in loo beddelo hooy ku-meel-gaar ah oo loogu talagalay qaxootiga.

Boolisku waxay sheegeen in koox qiyaastii 50 qof ka kooban ay ku yaaceen dhismahaas oo qaybi ka mid ah marneyd oo ku yaalla Loosdrecht, una dhow magaalada Hilversum. Falkan ayaa la sheegay inuu xuddun u ahaa toddobaad ay socdeen dibadbaxyo rabshado wata.

Ninka la xiray ayaa ka soo jeeda deegaanka Ermelo ee gobolka Gelderland, oo 50km u jira Loosdrecht, qiyaastiina ah saacad baabuur lagu safro.

Dadka deegaanka ayaa horay u sheegay inay rumeysan yihiin in dibadbaxyada ay hurinayeen dad u dhaqdhaqaaqa arrimaha qaaxooti naceybka oo ka yimid meelo ka baxsan tuuladaasi.

Dad wejiyada soo duubtay ayaa dhagaxaan, baaruudda qaraxda, iyo dhalooyin a ku jiraan dareere wax guba ku tuuray booliska rabshadaha ka hortaga ee loo soo diray inay kala eryaan dadkaas. Mid ka mid ah raggii goobta joogay ayaa lagu helay dambi ah inuu toosh holcaya ku tuuray booliska.

Wasiirka Caddaaladda dalka Netherlands, David van Weel ayaa sheegay in uusan meesha ka saarayn suurtogalnimada in dibadbaxyadu ay noqdeen "kuwa soo jiitay kooxaha leh ujeedooyinka xun ama u soo baxay inay rabshado sameeyaan."

Golaha deegaanka ee magaalada Wijdemeren ayaa toddobaadkii h**e hoos uga dhigay tirada ragga magangalyo-doonka ah ee keligood ah ee degi doona xarrunta kumeel-gaarka ah, iyadoo laga dhigay 70 halkii ay markii h**e ka ahaayeen 110, ka dib markii ay dhaceen dibadbaxyo. Waxay sheegeen in tirada yar ay "aad ugu habboon tahay xaaladda deegaanka." Sidoo kale, xilliga ay xarruntu furmayso ayaa dib loo dhigay labo toddobaad ilaa May 6.

Hase yeeshee, dadka deegaanka ayaa ku dhaliilay golaha deegaanka inay ku dhawaaqeen qorshaha muddo gaaban gudaheed iyadoo aan lala tashan dadka ku nool agagaarka goobtaas.

Photo: Depositphotos.com

22/04/2026

Aqalka sare ee baarlamaanka dalka Netherlands oo diiday sharci loo soo gudbiyey oo dembi ka dhigayey in qof uu qaxootinimo isaga dhiibo dalka. Arrintan ayaa waxay farxad gelinaysaa magangalyo doon badan oo iska dhiibay Netherlands. Gudoomiyaha ururka SSGVI ee Ijmond, Abdiqani Elmi Gelle ayaa ka waramaya arrintan.