Sokoto Women Zakat and Waqf Initiative

14/08/2026

14/08/2026

🌱 MU HAƊA KAI DOMIN GONAR WAQAFI TA MARAYU! 🌱

Assalamu Alaikum Warahmatullahi Wabarakatuhu.

Sokoto Women Zakat and Waqf Initiative na neman haɗin kan dukkan al’umma wajen bayar da gudummawar kuɗi ko kayan aiki domin zagaye da bunƙasa Gonar Waqafi ta Marayu, dake Wajeki, Wamakko, Sokoto State.

🎯 Jimillar kuɗin da ake buƙata: ₦5,730,000

Muna roƙon kowa ya bayar da ₦1,000 ko fiye a kowane wata na tsawon watanni huɗu (4).

Idan muka haɗa kai, da yardar Allah za mu cimma wannan buri. 🤲

🌿 Ko ₦1,000 ne kawai—kada ka raina gudummawarka. Allah yana karɓar sadaka kuma yana ninka ladanta.

Ka/ki tabbatar kun bayar da gudummawarku yau, domin gudummawarka na iya zama Sadaqah Jariyah wadda za ta ci gaba da amfanar marayu da al’umma na dogon lokaci.

🤲 Allah Ya saka da alheri, Ya karɓi sadakarmu, Ya sanya wannan aiki ya zama Waqfi mai ɗorewa. Ameen.

📞 Don ƙarin bayani da gudummawa:
Hadiza Musa Salka
PRO, Sokoto Women Zakat and Waqf Initiative
📱 0803 684 3162

30/07/2026

KUNGIYAR SOKOTO WOMEN ZAKAT AND WAQF INITIATIVE TA KADDAMAR DA RIJIYOYI GUDA UKKU GA AL'UMMA

Alhamdulillah! Alhamdulillah!

A yau, Kungiyar Sokoto Women Zakat and Waqf Initiative (SOKWOZAWI) ta sake cimma wani babban nasara a cikin ayyukanta na jinƙai, inda ta yi nasarar kaddamar da rijiyoyi uku da aka kammala domin samar wa al'umma ruwan sha mai tsafta da sauƙin samu.

An gina kuma an kaddamar da rijiyoyin ne a wurare kamar haka:

- Gidan Jariri
- Mabera Bayan GGC
- Unguwar Rogo – Makarantar Ibn Taymiyyah Islamiyya

Bikin kaddamarwar ya samu halartar Shugabannin Kungiyar, mambobin kungiyar, shugabannin al'umma, wadanda s**a amfana da aikin, masu sa kai da sauran masu fatan alheri, domin shaidar kammala wannan muhimmin aikin ci gaban al'umma.

Samar da tsaftataccen ruwan sha yana daga cikin manyan bukatun al'umma. Wadannan rijiyoyi za su taimaka matuka wajen rage wahalar neman ruwa, musamman ga mata da yara, tare da inganta tsafta da muhalli, kare lafiya, tallafa wa rayuwar yau da kullum da kuma bunkasa walwalar iyalai a yankunan da s**a amfana.

Da take jawabi a wajen taron, Shugabar Kungiyar Malama Amina Musa Sakaba ta sake jaddada kudirin kungiyar na ci gaba da aiwatar da ayyukan jinƙai ta hanyar amfani da Zakkah da Waqafi, domin samar da ayyukan ci gaba masu dorewa da ke magance matsalolin al'umma, musamman masu rauni da marasa galihu.

Ta kuma bayyana cewa zuwa yanzu kungiyar ta gina rijiyoyi sama da ashirin (20) a sassa daban-daban na Jihar Sokoto, inda ta kashe fiye da Naira miliyan goma (₦10,000,000) wajen samar da tsaftataccen ruwan sha ga dubban al'ummar jihar Sakkwato.

Wadanda s**a amfana da wannan aiki sun bayyana matuƙar godiyarsu ga kungiyar, masu bayar da gudummawa, abokan hulɗa da duk wadanda s**a ba da tasu gudummawa wajen ganin an kammala wannan aiki cikin nasara. Sun kuma yi addu'ar Allah (SWT) Ya saka wa kowa da kowa da alkhairi, Ya sanya wannan aiki cikin mizanin kyawawan ayyukansu.

Kaddamar da wadannan rijiyoyi uku na kara tabbatar da jajircewar Sokoto Women Zakat and Waqf Initiative wajen inganta rayuwar al'umma, samar da tsaftataccen ruwan sha da kuma ci gaba mai dorewa a fadin Jihar Sokoto.

Muna roƙon Allah (SWT) Ya karɓi wannan aiki a matsayin Sadaka Jariya, Ya albarkaci duk masu bayar da gudummawa, abokan hulɗa, masu sa kai da masu tallafawa wannan ayyukan, Ya kuma ci gaba da ba Kungiyar Sokoto Women Zakat and Waqf Initiative ikon gudanar da irin waɗannan ayyukan alheri domin amfanin al'umma.
Ameeeeeen
Ameeeeeen.
Ameeeeeen

Reported by
Aminu Bello Isah
Admin secretary Sokoto Women Zakat and Waqf Initiative

10/07/2026

29/06/2026

SOKOTO WOMEN ZAKAT AND WAQF INITIATIVE
RAHOTON KADDAMAR DA GONAR MARAYU TA WAQAFI DA SHUKA ITATUWAN WAQAFI

A ranar Asabar, 27 ga Yuni, 2026, kungiyar Sokoto Women Zakat and Waqf Initiative ta gudanar da bikin kaddamar da Gonar Marayu ta Waqafi da Shuka Itatuwan Waqafi a Wajeki District, Barkeji Village, Wamakko Local Government Area, Sokoto State.

An fara taron da addu'a, wanda Malama Maryam Dalha ta Jagoranta. sannan aka karanta Al-Qur'ani Mai Girma daga bakin Hajiya Huraira Isah Illo, tare da jawaban maraba daga mai tsare tsaren ƙungiya Hajiya Kulu Ahmad.
Shugabar kungiyar, Malama Amina Musa Sakaba, ta bayyana cewa wannan shiri an kirkiro shi ne domin samar da hanyar samun kudaden shiga mai dorewa don tallafa wa marayu ta hanyar tsarin Sadaqah Jariyah. Ta kuma yi kira ga Al'umma dasu taimaka wurin ganin anyi shingen wannan Gonar.

Babban bako, Mai Girma Sadaukin Sakkwato, kuma Shugan Hukumar Zakka da Waqafi ta Jahar Sakkwato Malam Muhammad Lawal Maidoki ya gabatar da jawabi mai cike da hikima wanda ya ratsa zukatan mahalarta taron. Ya yi cikakken bayani kan muhimmancin yin Waqafi, musamman dasa itatuwa, yana mai jaddada cewa amfaninsu yana ci gaba har tsawon shekaru masu yawa, wanda ke sanya mai yin waqafi ya ci gaba da samun lada bayan rasuwarsa. Ya kuma yi kira ga al'umma da su rungumi wannan kyakkyawan aiki domin cigaban addini da al'umma. A ƙarshe, ya yi addu'ar Allah Ya sanya albarka a wannan gona ta waqafi, Ya sanya ta zama sanadin tsira garemu da marayu da sauran al'umma gaba daya.

A nasa jawabin, Mai Girma Magajin Barkeji ya bayyana matuƙar farin cikinsa da wannan gagarumin shiri da matan Jihar Sakkwato da s**a kawo. Ya yabawa kungiyar bisa hangen nesanta da kokarinta na tallafa wa marayu ta hanyar da za ta dore. Haka kuma ya yi alkawarin cewa masarautarsa za ta kula da gonar yadda ya kamata, sannan ya ba da gudummawar bulu dari (100 blocks) domin yin shingen (fencing) gonar.

Bayan jawabban, an gudanar da aikin dasa itatuwan waqafi inda aka shukka itace 55 da ke bada yaya kamar su Mangoro, Dabino, Guiba, tare da addu'ar neman albarkar Allah ga wannan shiri. Taron ya samu halartar manyan baki, shugabannin al'umma, malamai, mata da matasa daga sassa daban daban na Jihar Sakkwato.

An kammala taron cikin nasara da kyakkyawan fata cewa wannan Gonar Marayu ta Waqafi za ta kasance wata muhimmin hanya ta samar da tallafi mai dorewa ga marayu, tare da ƙarfafa al'ummar jihar su rungumi waqafi da ayyukan Sadaqah Jariyah domin samun lada mai ɗorewa.
Anrufe taron da addu'o'i na musamman daga bakin Malama Hafsat Ismail

Aminu Bello Isah
Admin Secretary
Sokoto Women Zakat and Waqf Initiative