19/10/2025
Town Crier: Kere ooo 📯 kere ooo📯! As e hot, As e hot, As e hot!
Villager: Abeg wetin dey hot again?
Town Crier: You remember say I tell una say I go come back tell una if an ogbonge (big, important) news don show face?
Villager: Yes, we remember well well.
Town Crier: Na anoder ogbonge news don land o! Una no say me, I be olofofo (town crier/gossip), abi?
Villager: Oya, yarn (talk) the matter, no waste our time because time na money for we hand.
Town Crier: I don get the time and the day wey the DYC FESTIVAL go hold!
Villager: 💃💃💃🕺🕺🕺, Oya, give us the gist (details) sharp sharp!
Town Crier: Na from the meeting wey our Oba (king) just finish now I dey come. He say make I tell una say this year DYC FESTIVAL go hold ooo, on November 29, 2025. And the theme for the festival na Through him mercy (BY HIS MERCY), wey dem comot for the festival overall manual page, EZRA chapter 9, number 8 to 12. Na wetin him talk be that.
Villager: This one na correct news! Make we go dey tell our people now, since you don tell us first.
Town Crier: As I don come, I suppose thank una because if no be for una, many people no go hear this matter. Also, the Oba say make I tell all of una make una go to all the four villages—Living Spring, Seed of Abraham, New Dominion, and Dominion Arena—wey we get friends, make we go remind them, because this festival na for all of una wey be villagers, most especially, and all the neighbours like Rccg, Winners, CAC, MFM, C&S and so on.
Villager: We go do pass wetin the Oba send us to do!
Town Crier: Before I forget, the place wey e go hold na Village Square, Dominion Arena, behind Ejigbo Garage, Dada Estate, Osogbo, Osun State. Abeg, miracle, signs, and wonders go dey, and menu menu (plenty food/refreshments) too go dey!
Villager: Greet the Oba for us and tell am say happy festival preparation. And the festival go successful well well for him time ooo. The God wey help all the other Obas before am go help am too.
Town Crier: I go deliver all una messages to the Oba.
Town Crier: If anoder ogbonge news show face, I go surely bring am come.
Town Crier: I think say I don talk well, abi?
Villager: You don talk well ooo!
