National Association Sullubawa Awareness of Nigeria.

16/11/2025

JAWABIN GODIYA DA SAKON TARO

Alhamdulillah!
Muna gode wa Allah Maɗaukaki, wanda Ya ba mu ikon gudanar da wannan taro cikin lafiya da nasara. Wannan taro ya kasance ne domin zaman lafiya, fahimtar juna, da haɗin kai tsakanin al’umma.

GODIYA GA MANYAN BAKI DA SHUGABANNINMU

Muna miƙa godiya ta musamman ga:

Mai Martaba Sarkin Kano, Alhaji Muhammadu Sanusi II, jagoran adalci da ci gaban al’umma.

Sarkin Sullubawan Jihar Kano, Alhaji Idriss Sanusi Ado Bayero, wanda ya wakilci Mai Martaba a wannan taro.

Mai Girma Gwamnan Jihar Kano, His Excellency Alhaji Abba Kabir Yusuf.

Mai Girma Kwamishinan Raya Dabbobi da Ma’aikatar Makiyaya, Dr. Aliyu Isah Aliyu.

Dukkan shugabannin Fulani,

Dukkan shugabannin manoma,

Hukumar INEC,

Dukkan jami’an tsaro,

Da dukkan mashawartan Gwamna, musamman:

Hajiya Rukayya, SA kan harkokin makiyaya,

Hajiya Maimunatu, SA kan harkokin tsaro.

MUHIMMANCIN TARON

Taron da aka gudanar a Kano State Library ya mayar da hankali kan manyan batutuwa guda uku:

1. Haɗin kai tsakanin manoma da makiyaya domin tabbatar da zaman lafiya mai ɗorewa.

2. Ƙarfafa tsaro da girmama dokoki a tsakanin al’umma.

3. Tura sakon haɗin kai da ci gaban al’umma ta fuskar siyasa, musamman wajen shiga tsarin dimokuraɗiyya.

KIRA GA DUKKAN FULANI MAKIYAYA

A cikin wannan taro, an yi babban kira ga dukkan Fulani makiyaya cewa:

> Su yi katin zabe (PVC), domin katin zabe shi ne makamin ɗan ƙasa wajen kare hakkinsa a ƙasa.

Wannan kiran na daga cikin manyan dalilan da s**a sa aka gudanar da taron domin wayar da kai cewa:

Ba za a iya samun wakilci na gaskiya ba sai da katin zabe.

Makiyaya suna da dama da ƙarfi a dimokuraɗiyya, kuma ya zama wajibi su tabbatar sun yi rajista sannan su yi zabe.

Idan muka yi watsi da katin zabe, muna barin wasu su yanke mana hukunci ba tare da mu ba.

SAKO GA AL'UMMA

Muna ƙara jaddada cewa:

Zaman lafiya,

Haɗin kai,

Girmama doka,

Da shiga cikin tsarin dimokuraɗiyya,

sune ginshiƙan ci gaban manoma, makiyaya da al’umma gaba ɗaya.

03/10/2025

Assalamu Alaikum Warahmatullahi Wabarakatuh.

Yau ina son yi Magana domin in ja hankalinmu gaba ɗaya akan wata matsala mai matuƙar muhimmanci wadda ta daɗe tana shafar ƙasarmu mai albarka, ita ce matsalolin da Fulani makiyaya ke fuskanta.

Maganar gaskiya, wannan matsala za a iya magance ta idan gwamnati, sarakunan gargajiya, malamai, da shugabannin Fulani makiyaya s**a tashi tsaye cikin gaskiya da adalci.

Bari mu yi magana kai tsaye:

Fulani makiyaya suna fuskantar matsalolin tsaro kullum. Ana sace musu shanu, ana cin zarafinsu, har ma wasu lokuta ana yi musu hukunci ba tare da adalci ba.

Sannan akwai rashin samun ilimi na addini da na zamani. Wannan yasa da dama daga cikin makiyaya da ‘ya’yansu ke komawa baya a cikin al’umma da take cigaba.

Abin bakin ciki kuma akwai rahotannin garkuwa da mutane da kuma cuɗanya, inda wasu daga cikin jami’an tsaro marasa gaskiya ke amfani da raunin makiyaya suna zaluntar su.

Idan har ana iya samar wa dabbobi tsari da dokoki don kula da su, to bai kamata a bar ɗan Adam, musamman Fulani makiyaya, a cikin rashin kariya da adalci ba. Malaman addini suna da muhimmiyar rawa wajen yin wa’azi da kira zuwa zaman lafiya. Sarakunan gargajiya bai kamata su yi shiru ba. Amma sama da kowa, gwamnati ce ke da babban alhaki wajen ɗaukar matakin gaskiya da nagarta.

Akwai muhimman matakai da za a iya ɗauka:

Samar da tsaro da kariya ga Fulani makiyaya.

Gina da tallafawa tsarin ilimi na musamman ga iyalan makiyaya.

Tabbatar da adalci da gaskiya ta hanyar hukunta duk wanda ya zalunce su.

Gina tsarin zaman lafiya tsakanin manoma da makiyaya bisa gaskiya da tattaunawa.

Idan gwamnati ta yi gaskiya, wannan matsala ba wahalar magancewa take da shi ba. Amma idan aka cigaba da zuba ido, to lalle matsalar za ta ƙara ta’azzara, kuma kowa zai ji ɗacin hakan. Wannan shi ne abinda ba ma fata, amma dole zai faru idan aka yi sakaci.

Allah Ya bamu ikon fahimtar wannan kira, Ya kuma bamu ikon samar da mafita domin samun zaman lafiya, adalci da haɗin kai a cikin al’umma.

01/10/2025

01/10/2025

Alhamdulillah!

National Association of Sullubawa Awareness of Nigeria (NASAN) tana samun nasarori masu kyau musamman a bangaren katin zabe. A wurare irin su Rugage, muna samun hadin kai sosai daga jama’a, suna fahimtar manufar wannan kungiya ta fadakarwa kan katin zabe da kuma muhimmancin yin zabe.

Gaskiya Fulani makiyaya sun rungumi wannan kuduri da hannu bibbiyu, inda maza da mata ke yin rajista da karbar katin zabe yadda ya dace. Wannan al’amari na kara mana kwarin gwiwa wajen ci gaba da wannan aiki mai albarka.

Haka kuma, muna samun hadin kai daga hukumar zabe a matakan jihohi da kuma kananan hukumomi. Wannan hadin kai ya zama ginshikin ci gaban nasarorin da ake samu.

Saboda haka, muna kira ga gwamnati da hukumar zabe ta kasa su ci gaba da ba da goyon baya da taimako domin ganin wannan aiki ya kara habaka a dukkan fadin Najeriya, kamar yadda ake ci gaba da aiwatarwa a yanzu.

19/09/2025

Assalamu alaikum wa rahmatullahi wa barakatuh.

Ya ku ‘yan uwa, muna fuskantar wata babbar matsala a ƙasarmu, wadda ke addabar jama’a musamman Fulani makiyaya. Wannan matsala ita ce rashin adalci da rashin imani irin na wasu daga cikin ‘yan sakai. Wannan hali ya zama ɗaya daga cikin silar matsalolin tsaro a ƙasarmu.

Na san wasu zasu tambaya: ta yaya? Bari mu waiwayi abin da ya faru kwanan nan. Makiyaya biyu masu neman halal da shanun su, s**a shigo wani gari. Ba su san komai ba, sai kawai aka ɗauke su da zargi saboda kwanaki kafin isowarsu an yi ta’addanci a garin. A karshe aka cutar da su ba tare da shari’a ba.

Ina tambaya: menene laifin waɗannan bayin Allah? Shin kawai kasancewarsu Fulani ne? Shin saboda sun zo daga waje ne, aka ɗauki rayuwarsu da wasa? Wannan ba adalci ba ne.

A al’ada, idan akwai tuhuma, akwai jami’an tsaro da kotu domin bincike. Amma ɗaukar doka a hannu – wannan da ake kira jungle justice – babban alamar rashin tsaro ne da rashin amana ga hukuma.

Wani abin da ya fi tayar da hankali shi ne yadda ake nuna bambanci a rahotanni da martanin gwamnati. Idan abin ya shafi wasu kabilu, sai ka ga an ɗauki tsauraran matakai da sauri. Amma idan Fulani ne abin ya shafa, sau da yawa shiru ake ji. Wannan ya haifar da ƙorafi, ƙyama, da jin cewa ba a ɗauki rayuwarsu da muhimmanci.

Illar wannan hali kuwa ta fi muni:

Yana ƙara rarrabuwar kawuna.

Yana sa rashin amana tsakanin al’ummomi.

Yana iya tura matasa su ɗauki fansa, wanda hakan ke ƙara ta’azzarar matsalar tsaro.

Me ya kamata mu yi?

Mu riƙa ɗaukar kowa da kowa a matsayin ɗan Najeriya, ba tare da nuna bambanci ba.

Hukuma ta ɗauki nauyinta wajen hana cin zarafi da ɗaukar fansa.

Malamai da shugabannin al’umma su riƙa wa’azi da wayar da kan jama’a cewa ba za a ɗauki laifin wasu a kan wasu ba.

Daga ƙarshe, ina addu’a: Allah Ya kare mu daga rashin adalci. Allah Ya kawo zaman lafiya a ƙasarmu. Allah Ya cire son zuciya da wariya daga zukatanmu, Ya sa mu zama al’umma ta adalci da amana.

Wassalamu alaikum wa rahmatullahi wa barakatuh.

19/09/2025

Peace be upon you all.

My brothers and sisters, today we face a serious challenge in our country, one that particularly affects the Fulani herders. This challenge is the injustice and lack of fairness shown by some local vigilante groups. This has become one of the root causes of insecurity in our nation.

Let me give you an example. Recently, two herders who were simply moving with their cattle in search of livelihood entered a town. Unknown to them, a violent attack had taken place in that area just a few days earlier. Immediately, they were unjustly accused and punished without trial.

I ask: what was their crime? Was it simply because they are Fulani? Was it because they came from outside the community? To take their lives or harm them for this reason is not justice.

Normally, when there is a crime, it is the duty of security agencies and the courts to investigate. But what we are seeing – people taking the law into their own hands, what is called jungle justice – is a sign of insecurity and loss of trust in our system.

What is even more disturbing is the imbalance in how cases are reported and handled. When other ethnic groups are affected, you often hear strong reactions and swift government action. But when it is the Fulani, too often there is silence. This creates frustration and the feeling that their lives are not valued equally.

The consequences of this injustice are dangerous:

It deepens division among communities.

It destroys trust between people.

It can push youths towards revenge, which only worsens insecurity.

So what should we do?

We must treat every Nigerian equally, without discrimination.

The government must take responsibility in preventing injustice and mob actions.

Religious leaders and community heads must raise awareness that no group should suffer for the crimes of others.

In conclusion, I pray: May Allah protect us from injustice. May He bring lasting peace to our country. May He remove bias and hatred from our hearts, and make us a nation built on justice and trust.

02/09/2025

Call to Our People: The Importance of Voter Registration and Participation

Our Fulani pastoralist brothers and sisters, and all our community members across the country, continue to enlighten one another on the importance of registering for your voter’s card and participating in the election itself. This is the very first step that will empower us to secure proper representation and protect our dignity.

Go into every corner and every settlement to raise awareness:

Registering for the voter’s card is the key to change.

When we register and also turn out to vote on election day, we can choose leaders who are just and care about our welfare.

If we remain silent, others will make decisions for us without our consent.

Rise up, unite, and encourage each other. Your voter’s card and your vote are the weapons to defend your rights.

02/09/2025

Kira Daga National Association of Sullubawa Awareness of Nigeria (NASAN)

Muna kira ga dukkan ‘yan’uwanmu Fulani makiyaya a ko’ina suke a fadin kasar nan: Ku fito da kanku da iyalanku ku yi katin zabe. Yin katin zabe da kuma yin zabe shi ne mataki na farko da zai ba mu damar kare muradunmu da ‘yancinmu a wannan kasa.

Idan ba mu da katin zabe, ba za mu iya zaben nagari ba, kuma ba za mu sami wakilcin da muke bukata ba.

Saboda haka, muna kira da babbar murya:

Ku fita ku yi katin zabe gaba daya.

Ku daina nesanta kanku daga harkokin gwamnati.

Ku tsaya ku zabi shugabannin da za su kare martabar Fulani da makiyaya a kasar nan.

Katin zabe shi ne makaminmu na farko. Idan muka ki yin shi, muna bai wa wasu damar yanke mana hukunci ba tare da mu ba.

11/08/2025

Jiya kenan lokacin da ake bude office na Qungiyar National Association of Sullubawa awareness of Nigeria ( NASAN )

Na Jahar Kaduna

11/08/2025

11/08/2025

Alhamdulillah!
Yau 09/08/2025, muna godiya ga Allah Maɗaukaki da Ya ba mu damar rantsar da shugabannin Excos na jiha, reshen Adamawa, a karkashin wannan ƙungiya tamu mai albarka — National Association of Sullubawa Awareness of Nigeria (NASAN).

Muna amfani da wannan dama da Allah Ya ba mu, domin miƙa gaisuwar girmamawa da fatan alheri ga dukkan mahalarta wannan taro, tare da addu’ar Allah Ya mayar da kowa gida lafiya, Ameen.

Bayan haka, muna sake tunatar da shugabannin da aka rantsar da su, su ji tsoron Allah wajen gudanar da jagoranci bisa gaskiya da rikon amana. Muna kira gare su da kada su karkata ga amfani da mukamin da Allah Ya ba su domin cutar da ‘yan uwa ko kuma yin abin da zai karya amana.

Haka kuma, muna ƙara jan hankali da a kiyaye dokokin ƙasa a cikin dukkan harkokin ku. A ƙarshe, muna addu’ar Allah Ya shiga cikin al’amuranku, Ya yi muku riko da hannayenku, kuma Ya ba ku nasara a dukkan al’amuranku, Ameen.