02/02/2026
30 Years After, Grammy Kneel Down Greet Fela
Fela no dey beg for validation when e dey alive, but validation still meet am for grave. Nearly three decades later, Grammy don bow honour the Afrobeat pioneer.
This award no be sympathy—na respect. Fela music still dey teach, dey provoke, dey shake table worldwide.
Dem fit delay am, but dem no fit deny am. Fela Anikulapo-Kuti don officially enter Grammy history as the first African to receive Lifetime Achievement Award—even if na posthumous.
Afrobeat no be noise; na movement. And Fela na the movement commander.
