Dogaro Da Kai

Dogaro Da Kai Wanzar da cigaban al'ummarmu ta hanyar kara yawa masu dogaro da kansu suna samar wa da yan uwa aikin yi.

20/09/2024

Labari Mara Daɗi:

Ba za ka iya gyara hauhawar farashi ba, ba za ka iya gyara tsadar rayuwa ba, ba za ka iya tursasawa shugabanni su yi abinda ya dace wanda zai sauƙaƙa ma ka rayuwa ba.

Labari Mai Daɗi:

Za ka iya bunƙasa samun ka ta gina sabuwar hanyar samun kuɗi, inganta sana'ar ka, gujewa siyan abinda bai zama dole ba. Haka kuma ka na da ikon tsayawa ka nutsu wajen zaɓen shugaba na kirki wanda zai sauƙaƙa ma ka rayuwa ba azzalumi ba.

15/08/2024

Idan ka na so ka yi nasara a SANA'A, ka daina kallon DUNIYA a yadda ta ke, ka fara kallon ta a yadda ya kamata ta zama.

08/08/2024

SANA'A a ba miƙaƙƙiyar HANYA ba ce. Ta na da kwane-kwane masu yawa 💰

19/07/2024

Akwai wani bawan Allah da na sani wanda ya ke da wani philosophy mai kyau dangane da tallafawa masu sana'a. Idan ya ga mutum ya fara wata sana'a, to duk lokacin da zai siya irin abin da wannan sabon mai sana'ar ke siyarwa, a wurinsa zai siya. Haka zai yi ta yi. Kai har wasu zai ke referring su na zuwa su say. Ya na yin haka ne don taimakawa a lokacin da age gina sana'a. Da zarar wannan mai sana'ar ya zauna da ƙafafuwansa, to zai daina siyayya a wurinsa. Sai kuma ya nemi wani wanda bai dade da fara irin ta ba. Shi ba loyal customer bane. Shi supportive customer ne. Wannan tunanin abin koyi ne a cikin al'ummar mu.


11/07/2024

KIRARIN KUƊI

Kuɗi shaɗin maza
ba da zumuɗi ake samunka ba
ba da kauɗi ba
kuɗi buɗi daga Allah
kuɗi me daɗi
ka fi maɗi daɗi
in babu kai, ba taɗi
in da kai, a kai baɗi ana yi
samun ka, sai an yi haɗi
da himma, an yi kaɗi da du'ai
sai an faɗi, sai an tashi
gamo da kai garɗi
gamo da kai, ba da katar ba
kuɗi, na kowa
kuɗi, son kowa
neman ka, sai gwarzo
tara ka, sai mai rabo
kuɗi, samuwar ka, da faɗi
rashin ka, da ƙunci
samun ka, yalwa
rashin ka talauci
kuɗi, a gurin wani, goriba
a gurin wani buhun riɗi
kuɗi, wanda ya same ka
shi ne mahadi mai dogon zamani

Ka yi sharing in ka ji daɗin kirarin 😊


10/07/2024

Kar ka kuskura ka fara sana'a yau da tunanin za ka yi kuɗi gobe. Yin sana'ar ne, na ka. Yin arziƙin, na Allah ne.

07/07/2024

Ƙarairayi 9 Da Su Ke Hana Kasuwancinka Cigaba 👇

1. Da Kuɗi ake neman kuɗi.

2. Rashin daidaituwar al'amurra ne ya sa ban yi nasara ba.

3. Zan iya yin kasuwanci na ni kaɗai ba tare da wani ya taimaka min ba.

4. Kasuwanci wahala ne.

5. Kasuwanci na na ƙara yin kyau kullum.

6. Na yi tsufa/yarinta da fara sabuwar sana'a.

7. Sai iyaye na su na da arziki sannan zan iya fara kasuwanci.

8. Sai ina da ilimin zamani sannan zan iya fara kasuwanci.

9. Duk abinda mai siya ya yi, daidai ne.

Daga cikin littafin 9 Lies That Are Holding Your Business Back na Steve Chandler


04/07/2024

Skills Guda 6 Da Duk Mai Sana'ar Da Bai Koye Su Ba, An Bar Shi A Baya 👇

1. Rubuta proposal.

2. Rubuta grant (grant writing) don samun tallafin kuɗi.

3. Storytelling. Iya bayarda labari na impact.

4. Negotiation skill. Iya ciniki.

5. Application na local da global opportunities.

6. Yadda ake gina business structure.


27/06/2024

Tsaraba Mai Tsada Ga Masu Sana'a A Ranar Masu Ƙananan Sana'o'i Ta Duniya 👇

1. Manufa. Ka sani cewa ba burin ka kawai ka samu kuɗi ba, babbar manufar mai sana'a da kasuwanci ita ce, warwarewa al'umma wata matsala ko sauƙaƙa mu su samun abinda ya ke damun su. Wannan manufar ita ce jigon duk wata nasara da za ka samu.

2. Zage damtse. Ka zage damtse ka nemi arziƙi ta hanyar sana'ar ka. Kasuwanci a yau ba ya yiwuwa sai da jarumta. Rago ba ya iyawa. Akwai wahalhalu. Akwai ƙalubale iri-iri. Wahalar nema ta fi wahalar ƙunci da talauci sauƙi.

3. Wayewa. A kasuwanci na zamani a yau, akwai damarmaki masu tarin yawa waɗanda ba kowa bane zai same su sai wanda ya nemi ilimi na kasuwanci kuma ya samu wayewa gudanar da harkokin kasuwanci a zamanance.

4. Fitila. Kowace irin sana'a ka ke yi, za ka iya haska ta da fitilar taimakawa mutane ta hanyar sanya social impact a kasuwancin ka. Ka yi kokarin yiwa al'umma wata hidima da sana'arka ko ribarka don bayar da ta ka gudummawar wajen cigaban duniya.

5. Tallan haja. Ka sanya tallan sana'arka a cikin sahun gaba na abubuwan da su ka fi komai muhimmanci a kasuwancinka. Mai talla shi ke da riba.

6. Social media. A wannan gaɓar, babu wani abu da ya ke saurin taimakon masu sana'a kamar social media. Access aka ba ka da kwastomomi iya tunanin ka. In ka san mai ka ke yi, sai ka nemi fa'idar social media akan yadda za ta bunƙasa ma ka kasuwancinka.

7. Wutar lantarki. Bincike ya nuna cewa masu ƙananan sana'o'i Na kashe kusan kaso 40% na working capital ɗin su a wutar lantarki. Idan ka na sana'a kuma ka na amfani da wutar lantarki, ka fara tunanin yadda za ka samu sabuwar hanyar samun wuta cikin sauƙi don samun riba da ɗorewa a sana'arka.

8. Ka bawa branding da packaging muhimmanci sosai. Ka bambanta kan ka da kishiyoyinka, ka zama zakaran gwajin dafi. Ka koyi bundling, de-bundling da offering complimentary products.

9. Ka rage kashe kuɗi a abubuwan da ba su da muhimmanci a sana'arka. Ka yi rayuwa mai sauƙi a wannan yanayin na matsin tattalin arziƙi.

10. Ka yi SHARING post ɗin nan don masu ƙananan sana'o'i da ka sani da ma waɗanda ba ka sani ba su amfana.

Allah ya ƙarawa nema albarka!


27/06/2024

Faɗi hanya ɗaya da ka sani wadda za ta taimaki mai ƙaramar sana'a don murnar Ranar Masu Ƙananan Sana'o'i ta Duniya!

27/06/2024

Yau ranar masu ƙanana da matsakaitan sana'o'i ta duniya. Duk mai sana'a ya ce, "Alhamdulillah".

23/06/2024

Mafi nutsuwa a cikin matasa, su ne waɗanda su ka fi damuwa da ina su ka dosa a rayuwa, ba sauri ba. Sauri ba wurin zuwa wauta ne.

Address

Kano
703111

Telephone

+2348122235981

Website

Alerts

Be the first to know and let us send you an email when Dogaro Da Kai posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Dogaro Da Kai:

Shortcuts

Share

Category