Gwammaja Development Forum

Call Directions

Gwammaja Development Forum Gwammaja

Hon. Bashir Hamza Gwammaja S.S.R PENSION BOARD.G. D. F ta shige Gaba Wajen taimakawa samun hakkokin GRATUITY (pension) n...
10/10/2026

Hon. Bashir Hamza Gwammaja
S.S.R PENSION BOARD.

G. D. F ta shige Gaba Wajen taimakawa samun hakkokin GRATUITY (pension) na wasu yan unguwar Gwammaja ciki harda marayu.

Kamar yadda yayi alkawari a yayin wani zama da GDF tayi dashi, ya karba, kuma ya bada karfin gwiwar tsayuwar sa akan nema musu hakkokinsu Na GRATUITY (fansho) a kowane lokaci dan inganta rayuwarsu.

G. D. F na yabawa Hon. Bashir Hamza Gwammaja ( S. S. R Pension Board ) . Bisa jajircewar sa Wajen taimakawa Al umma a unguwar sa da ma aikatarsa.

Allah ya bashi ikon cigaba da hidimtawa (Amin)

SANARWA GA AL'UMMAR GWAMMAJAGwammaja Development Forum (GDF) na farin cikin sanar da al’ummar Gwammaja cewa, bayan nasar...
06/10/2026

SANARWA GA AL'UMMAR GWAMMAJA

Gwammaja Development Forum (GDF) na farin cikin sanar da al’ummar Gwammaja cewa, bayan nasarar shirin Duba Idanu da Bada Gilashi Kyauta da gidauniyar Seeweell hadin guiwa da GDF s**a gudanar har karo 2.

A wannan karon, Nigerian Optometric Association (NOA), Kano State Chapter, ƙungiyar ƙwararrun likitoci masu kula da lafiyar ido ta Jihar Kano, za ta gudanar da World Sight Day Eye Health Outreach a Gwammaja


Za a duba tare da ba da magani,aiki da kuma shawarwari kan matsalolin ido kamar yanar ido, amosanin ido, ciwon ido, kaikayin ido, jan ido, dusar ido da sauran matsalolin gani, tare da gwajin ƙarfin gani da ba da glasses ga waɗanda s**a cancanta.

ranar Alhamis, 8/10/2026.
Wuri:Gwammaja MCH

GDF na kira ga al’ummar Gwammaja da su yi amfani da wannan dama domin duba lafiyar idanunsu kyauta.

AN KAMMALA SHIRIN DUBA IDANU DA BADA GILASHI KYAUTAAlhamdulillah, an kammala kashi na biyu na shirin duba idanu da bada ...
28/09/2026

AN KAMMALA SHIRIN DUBA IDANU DA BADA GILASHI KYAUTA

Alhamdulillah, an kammala kashi na biyu na shirin duba idanu da bada gilashi kyauta, wanda aka gudanar na tsawon kwana uku a MCH Gwammaja.

A yayin shirin, mutane fiye da 250 sun amfana da duba idanunsu, tare da samun gilashi kyauta ga waɗanda s**a cancanta.

Muna godiya ga dukkan masu ruwa da tsaki da waɗanda s**a bayar da gudummawa wajen ganin wannan shiri ya samu nasara.

GWAMNATIN KANO TA AMINCE DA SABUNTA TITIN GWAMMAJA–MUMBAYYA–KOFAR RUWAGwamnan Jihar Kano, Mai Girma Abba Kabir Yusuf, ya...
26/09/2026

GWAMNATIN KANO TA AMINCE DA SABUNTA TITIN GWAMMAJA–MUMBAYYA–KOFAR RUWA

Gwamnan Jihar Kano, Mai Girma Abba Kabir Yusuf, ya amince da aikin sabunta titin Gwammaja–Mumbayya zuwa Kofar Ruwa, wanda za a gudanar da shi kan kuɗi har naira biliyan 3.5.

Wannan amincewa ta zo ne bayan ƙoƙarin Gwammaja Development Forum (GDF) na isar da buƙatun al’ummar Gwammaja ga hukumomin da abin ya shafa, musamman game da lalacewar titin da matsalolin ambaliyar ruwa da ke addabar yankin.

GDF na nuna matuƙar godiya ga Mai Girma Gwamna Abba Kabir Yusuf da Gwamnatin Jihar Kano bisa wannan mataki na alheri da aka ɗauka domin inganta zirga-zirga da sauƙaƙa rayuwar al’ummar Gwammaja da mazauna yankunan da titin ya haɗa.

Muna fatan za a fara aikin cikin gaggawa tare da kammala shi cikin inganci, domin amfanin al’umma baki ɗaya.

Muna godiya a madadin Gwammaja Development Forum (GDF).

SANARWA GA MASU NEMAN SCHOLARSHIPKwamitin Ilimi na Gwammaja Development Forum (GDF) na sanar da dukkan waɗanda s**a nemi...
25/09/2026

SANARWA GA MASU NEMAN SCHOLARSHIP

Kwamitin Ilimi na Gwammaja Development Forum (GDF) na sanar da dukkan waɗanda s**a nemi Scholarship ɗin karatu kyauta na Sadiq International Schools Kano cewa yau Juma’a za a gudanar da tantancewa (Screening) domin zaɓar yaran da s**a cika sharuddan.

Saboda haka, ana umartar wakilan yaran da s**a nemi wannan dama da su zo tare da yaran domin tantancewa.

📍 Wuri: Ofishin GDF, cikin Gwammaja Primary School
🕓 Lokaci: Ƙarfe 4:00 na yamma

Kwamitin Ilimi
Gwammaja Development Forum (GDF)

SANARWA GA AL’UMMAR GWAMMAJAKungiyar Gwammaja Development Forum (GDF) tare da haɗin gwiwar Gwammaja Media Connect da See...
24/09/2026

SANARWA GA AL’UMMAR GWAMMAJA

Kungiyar Gwammaja Development Forum (GDF) tare da haɗin gwiwar Gwammaja Media Connect da Seewell and Care Consult, na sanar da daukacin al’ummar Gwammaja cewa, karo na biyu za a sake gudanar da:

DUBA IDANU DA BADA GILASHI KYAUTA

Shirin zai gudana na tsawon kwana uku, domin bai wa masu fama da matsalar gani damar samun duba ido kyauta, tare da ba da gilashi kyauta ga waɗanda s**a cancanta.

RANA: Juma’a 25/09/2026 zuwa Lahadi 27/09/2026
LOKACI: Ƙarfe 10:00 na safe
WURI: MCH Gwammaja, Layin Uba Gaya

Ana gayyatar al’ummar Gwammaja da su halarta domin cin gajiyar wannan shiri na musamman na lafiya.

Allah Ya ba da sa’a.

GDF TA JAGORANCI ALBINT ORPHANS FOUNDATION WAJEN RABON UNIFORM, LITTAFAI DA BIRO GA MARAYU DA MARASA KARFI A GJSS GWAMMA...
21/09/2026

GDF TA JAGORANCI ALBINT ORPHANS FOUNDATION WAJEN RABON UNIFORM, LITTAFAI DA BIRO GA MARAYU DA MARASA KARFI A GJSS GWAMMAJA

A yau cikin ikon Allah, Gwammaja Development Forum (GDF) ta jagoranci wata gidauniya mai suna *Albint Orphans Foundation* wajen rabon kayan karatu ga dalibai marayu da marasa karfi a makarantar GJSS Gwammaja.

Kayayyakin da aka raba sun hada da:
1. Uniform na makaranta
2. Littafai da littattafan rubutu
3. Biro (Phenex)

An gudanar da rabon ne a ofishin shugaban makarantar ta GJSS Gwammaja, inda wakilan GDF da wakilan gidauniyar s**a mika kayan ga daliban da s**a amfana. An kammala komai lafiya cikin farin ciki da annashuwa.

Da yake jawabi bayan kammala rabon, Shugaban Gwammaja Development Forum (GDF) ya bayyana godiyarsa ga Albint Orphans Foundation, inda ya ce:

“Muna matukar godiya da jinjina ga Albint Orphans Foundation bisa wannan karamci da s**a nuna wa ‘ya’yan mu marayu da marasa karfi a Gwammaja. Wannan aiki ya nuna kishin al’umma da son ganin yara sun samu ilimi ba tare da wani shamaki ba. GDF na kallon wannan aiki a matsayin hadin kai ne wajen yaki da jahilci da kuma tallafa wa gajiyayyu. Muna kira ga sauran kungiyoyi da masu hannu da shuni da su yi koyi da wannan gidauniya. Allah ya saka musu da alheri, ya mayar musu da alkhairi ninkin ba ninki.”

A karshe, GDF na mika godiya ta musamman ga shugabancin GJSS Gwammaja bisa karbar wannan tallafi da kuma Albint Orphans Foundation bisa amincewa su yi aiki tare da GDF.

Allah ya saka da alheri.

SANARWA KAN DAMAR KARATU KYAUTA (SCHOLARSHIP)Kwamitin Ilimi na Gwammaja Development Forum (GDF) na sanar da al’ummar Gwa...
20/09/2026

SANARWA KAN DAMAR KARATU KYAUTA (SCHOLARSHIP)

Kwamitin Ilimi na Gwammaja Development Forum (GDF) na sanar da al’ummar Gwammaja cewa Sadiq International Schools Kano ta bai wa GDF damar kawo yara guda 6 (shida) domin samun karatu kyauta (Scholarship).

Za a duba yaran da s**a cika waɗannan sharudda:

1. Maraya.
2. Yaro mara ƙarfi na hali wanda baya zuwa makaranta.
3. Yaro da zai fara karatu daga Nursery ko Primary.
4. Wakilin yaron zai iya kula da zuwansa makaranta kullum kuma akan lokaci.
5. Ya kasance ɗan unguwar Gwammaja.

Haka kuma, makarantar za ta kula da karatun Islamiya na waɗannan yara, bayan karatun boko da za su yi.

Wa’adin neman wannan dama zai ƙare ranar Asabar, 21 ga Satumba. Bayan haka, Kwamitin Ilimi na GDF zai tantance masu nema domin zaɓar yaran da s**a cika sharuddan.

Duk wanda yake da yaro da ya cika waɗannan sharudda, ko ya san wanda ya cika su, ya tuntubi:


07088651691

Gwammaja Development Forum (GDF)

GDF TA CI GABA DA AIWATAR DA AYYUKAN KULA DA LAFIYAR AL’UMMAA jiya Juma’a, 18/09/2026, Gwammaja Development Forum (GDF) ...
19/09/2026

GDF TA CI GABA DA AIWATAR DA AYYUKAN KULA DA LAFIYAR AL’UMMA

A jiya Juma’a, 18/09/2026, Gwammaja Development Forum (GDF) ƙarƙashin Kwamitin Lafiya ta sake miƙa katunan ganin likita (Outpatient Cards) guda 400 ga Asibitin Gwammaja MCH, domin ƙara sauƙaƙa wa al’ummar Gwammaja samun damar kula da lafiyarsu.

Haka kuma, GDF ta ci gaba da rabon gilashin ido guda 54 da kamfanin SEE WELL AND CARE CONSULTANT ya ɗauki nauyin samarwa ga waɗanda aka yi wa alkawari a lokacin shirin duba masu matsalar gani. An gudanar da rabon a ranakun Alhamis da Juma’a, 17–18/09/2026, a ofishin GDF, bayan an samar da gilashin da s**a dace da sakamakon gwajin kowanne mutum.

A yau Asabar, 19/09/2026, GDF ta kuma gudanar da dashen bishiyoyi guda biyu a harabar Asibitin Gwammaja MCH, a matsayin wani ɓangare na ƙoƙarin samar da kyakkyawan yanayi mai tsafta da armashi a asibitin.

GDF na ci gaba da tsayawa tsayin daka wajen tallafa wa lafiya, muhalli da jin daɗin al’ummar Gwammaja.

SANARWA GA IYAYEN YARABayan kokarin da ƙungiyoyin ci gaban al’umma, ciki har da Gwammaja Development Forum (GDF), s**a y...
17/09/2026

SANARWA GA IYAYEN YARA

Bayan kokarin da ƙungiyoyin ci gaban al’umma, ciki har da Gwammaja Development Forum (GDF), s**a yi na gabatar da buƙatun al’umma ga Gwamnatin Jihar Kano,tuni gwamnatin jihar Kano ta bada umarnin cigaba da ba da damar gudanar da ƙaramar sakandare (Junior Secondary) a cikin manyan sakandare.

Saboda haka, muna sanar da iyayen yara musamman na Gwammaja cewa yanzu za su iya kai ’ya’yansu domin yin Junior Secondary a makarantu kamar:

- GGAS (Filin Jet)
- Gwammaja One
- Gwammaja Two

Wannan dama za ta taimaka wajen rage wa iyaye wahalar neman makarantar Junior Secondary mai nisa, tare da ba yaran Gwammaja damar ci gaba da karatunsu a makarantun da ke kusa da su.

Iyaye, ku yi amfani da wannan dama domin ilimin ’ya’yanku.

Address

Kofar Wakili Gwammaja Special Primary School
Kano

Telephone

+2348069522096

Website

Alerts

Be the first to know and let us send you an email when Gwammaja Development Forum posts news and promotions. Your email address will not be used for any other purpose, and you can unsubscribe at any time.

Shortcuts

Share

Category