01/06/2026
Alhamdulillah!
Muna farin cikin sanar da al’umma cewa an yi nasarar gudanar da aikin tiyatar yarinyar da AILIM Foundation Gombe ta dauki nauyin kula da lafiyarta.
Bayan kiran da aka yi domin neman taimako ga wannan yarinya, wanda ya jawo hankalin al’umma da dama, Founder na AILIM Foundation Gombe, Alhaji Ibraheem Mohammad Liman ya dauki cikakken nauyin kula da lafiyarta tare da biyan kudin tiyatar da sauran bukatun jinyar.
A yau, wakilan AILIM Foundation Gombe sun kai ziyara asibiti domin duba halin da take ciki bayan tiyatar. Mun samu labarin cewa cikin ikon Allah an yi nasarar aikin kuma tana samun sauki a hankali.
Har ila yau, Foundation din na ci gaba da daukar nauyin zaman ta a dakin jinya na musamman har zuwa lokacin da likitoci za su tabbatar da cikakkiyar lafiyarta wanda muke fatan kasancewar shi nan kusa.
Muna gode wa duk wadanda s**a yi addu’a da nuna damuwa game da lamarin, Muna rokon Allah SWT Ya ba ta cikakkiyar lafiya, Ya saka da alheri ga duk masu hannu wajen taimakonta🤲
Ailim Foundation Gombe Aikin Alkhairi Bazai Tsayaba In sha Allah 🔥💪