Hisbah Girei Division

20/08/2026

Wannan mataki abin yabawa ne sosai. Samar da motocin aiki ga ofisoshin Hisbah na ƙananan hukumomi 27 zai iya ƙara wa jami’an Hisbah ƙarfi da saurin gudanar da ayyukansu, musamman wajen kai ɗauki, sintiri, sulhu da wayar da kan al’umma.

Amma ina ganin ya dace a tabbatar da cewa motocin ana amfani da su ne kawai domin ayyukan Hisbah, tare da samar da kuɗin man fetur, kulawa da gyaran su, da kuma tsarin kula da motocin domin su daɗe suna amfani ga al’umma.

Haka kuma, wannan ya k**ata ya zama abin ƙarfafa wa sauran jihohi su duba yadda za su inganta kayan aiki da walwalar jami’an Hisbah domin su samu damar gudanar da ayyukansu yadda ya k**ata.

Allah Ya saka wa Gwamnatin Jihar Jigawa da alheri, Ya sanya wannan tallafi ya zama sanadin inganta tsaro, tarbiyya da zaman lafiya a cikin al’umma.

20/08/2026

19/08/2026

HUKUMAR HISBAH TA KUBUTAR DA WATA BUDURWA DAGA YUNKURIN HALLAKA TA DA WUKA

Hukumar Hisbah ta samu nasarar kubutar da wata budurwa wadda ƙanwarta ta yi yunƙurin hallaka ta da wuƙa har guda biyu.

Lamarin ya faru ne a Gangaren Wakaji, cikin garin Dutsin-Ma.

Hukumar Hisbah ta samu kiran gaggawa domin kawo ɗauki da taimakon wadda aka farmaka.

Nan take jami’an Hukumar s**a isa wurin cikin lokaci, inda s**a samu nasarar kubutar da wadda ake yunƙurin hallakawa tare da k**a wadda ke yunƙurin aikata laifin.

A halin yanzu, wadda ke Kokarin Aikata laifin tana hannun Hukumar domin ci gaba da gudanar da bincike, kafin a mika lamarin ga inda ya k**ata domin ɗaukar matakin da ya dace bisa doka.

Hukumar Hisbah na ci gaba da jajircewa wajen kare rayuka da dukiyoyin al’umma tare da tabbatar da zaman lafiya da tsaro a cikin al’ummah.

16/08/2026

MUHIMMANCIN ZUCIYA A GUN ƊAN ADAM

Zuciya ita ce cibiyar ji da tunanin ɗan Adam. Ita ce ke ɗauke da ƙauna, tausayi, niyya, haƙuri da imani.

Idan zuciya ta kasance mai tsarki, mutum kan samu nutsuwa, ya kyautata wa mutane, ya yafe musu, kuma ya nisanci hassada da ƙiyayya.

Amma idan zuciya ta cika da ƙiyayya, hassada da mugun zato, hakan kan iya lalata rayuwar mutum da dangantakarsa da sauran mutane.

Saboda haka, mu kula da zukatanmu k**ar yadda muke kula da jikinmu. Mu yawaita zikiri, addu'a, istigfari da karatun Alƙur'ani.

🤲 Ya Allah, ka tsarkake zukatanmu, ka cika su da imani, tausayi da ƙaunar alheri.

16/08/2026

Ga Wata Na Tambaya?

16/08/2026

JUMU’A MUBARAK!

Juma’a rana ce ta rahama, gafara da sabunta alƙawarinmu da Allah.

A wannan rana mai albarka, muna roƙon Allah Ya karɓi ibadunmu, Ya gafarta mana kura-kuranmu, Ya albarkaci rayuwarmu da iyalanmu, Ya ba mu ikon aikata alheri da nisantar duk abin da bai yarda da Shi ba.

Ya Allah, Ka sanya mu cikin bayinKa waɗanda suke umarni da alheri, suna hana mummuna, suna taimakon juna a kan gaskiya da kyautatawa.

Mu tuna cewa girma ba shi ne yawan iko ba, amma amana ce, adalci ne da hidima ga al'umma.

Allah Ya albarkaci Hisbah Command Gombe State, Ya ƙara wa shugabanni da jami’an Hisbah hikima, haƙuri da basira wajen gudanar da amanar da aka ɗora musu.

Juma’a Mubarak.