JOHOR KMCC

28/09/2026

🌹 ഓർമ്മകൾക്ക് മരണമില്ല… 🌹

ദാതോ ഹാജി MTP ഷാഹുൽ ഹമീദ് സാഹിബ്

നമ്മെ വിട്ടുപിരിഞ്ഞിട്ട് ഒരു വർഷം തികയുന്നു.

കാലം ഒരു വർഷം മുന്നോട്ട് പോയെങ്കിലും, അദ്ദേഹത്തിന്റെ ഓർമ്മകൾ ഇന്നും നമ്മുടെ മനസ്സുകളിൽ മായാതെ നിൽക്കുന്നു. മലേഷ്യ KMCCയുടെ സ്ഥാപകനായി, ജോഹോറിലെ മലയാളി സമൂഹത്തിന് ഒരു വലിയ ആശ്രയവും കരുത്തും തണലുമായി അദ്ദേഹം നിലകൊണ്ടിരുന്നു.

ജാതിയോ മതമോ രാഷ്ട്രീയമോ. സംഘടനയോ നോക്കാതെ, സഹായം തേടി എത്തിയ മനുഷ്യനെ ഒരു മനുഷ്യനായി മാത്രം കണ്ട വലിയ മനസ്സിന്റെ ഉടമയായിരുന്നു അദ്ദേഹം. വിഷമഘട്ടങ്ങളിൽ കൈത്താങ്ങായും, പ്രയാസങ്ങളിൽ ആശ്വാസമായും, ആവശ്യസമയങ്ങളിൽ വഴികാട്ടിയായും എത്രയോ മനുഷ്യരുടെ ജീവിതത്തിൽ അദ്ദേഹം ഇടം നേടി.

ഷാഹുച്ച ഉള്ളത് ഒരു ആശ്വാസമായിരുന്നു. ഒരു ധൈര്യമായിരുന്നു. ഒരു സമാധാനമായിരുന്നു. ഏതു സമയത്തും അദ്ദേഹത്തെ വിളിക്കാനുള്ള സ്വാതന്ത്ര്യം എനിക്ക് നൽകിയിരുന്നു. ജോഹോർ കെഎംസിസി യുടെ ബൈത്തുറഹ്മയുടെ ഉൽഘടനത്തിന് വന്നപ്പോൾ എന്റെ വീട്ടിലേക്കു രണ്ട് പ്രാവശ്യം വന്നിരുന്നു വീട്ടുകാരുമായി നല്ല ബന്ധമായിരുന്നു 😍എന്റെ ഉപ്പയുടെ ആണ്ടിന്റെ അന്ന് രാത്രിയായിരുന്നു ഷാഹുചയുടെ മരണ വാർത്ത ഞാൻ അറിയുന്നത്. ഞാൻ ആ സമയത്തു നാട്ടിലായിരുന്നു 😥കേട്ടപ്പോൾ ആദ്യം വിശ്വസിക്കാനായില്ല എന്റെ ജീവിതത്തിൽ എനിക്ക് ഒരുപാട് സ്നേഹവും ബഹുമാനവും ആദരവും തോന്നിയ ഒരാൾ തന്നെ ആയിരുന്നു ഷാഹുച്ച.ആരോടും പറയാതെ ആരെയും കാത്തുനിൽക്കാതെ ആ മനുഷ്യൻ പെട്ടെന്ന് പോയി. പടച്ചവന് ഇഷ്ടപ്പെട്ടവരെ പടച്ചവൻ പെട്ടെന്ന് വിളിച്ചു കൊണ്ടുപോകുമെന്ന് പറയുന്നത് കേട്ടിരുന്നു ചിലപ്പോൾ അങ്ങിനെ കൊണ്ടുപോയതാവാം അല്ലേ 😰

അദ്ദേഹത്തിന്റെ വിയോഗം ഒരു വ്യക്തിയുടെ വേർപാട് മാത്രമായിരുന്നില്ല; ജോഹോർ KMCCക്കും മലേഷ്യയിലെ മലയാളി സമൂഹത്തിനും നികത്താനാവാത്ത ഒരു നഷ്ടമായിരുന്നു.😥

ചില മനുഷ്യർ നമ്മെ വിട്ടുപോകും…
പക്ഷേ അവർ പകർന്ന സ്നേഹവും ചെയ്ത നന്മകളും ഒരിക്കലും നമ്മെ വിട്ടുപോകില്ല.ഇന്നും അദ്ദേഹത്തിന്റെ വീടിന്റെ മുന്നിലൂടെ പോകുമ്പോഴും അറിയാതെ കണ്ണുകൾ അങ്ങോട്ടേക്ക് പോകും ഷാഹുച അവിടെ ആ വീട്ടിൽ തന്നെ ഉണ്ട് എന്ന് മനസ്സ് കൊണ്ട് വെറുതെ വിചാരിക്കും 😥എന്താ ഫൈസലേ എന്ന് വിളിക്കാൻ ഷാഹുച്ച ഇന്നില്ല 😰 നമുക്കൊക്കെ ഇത്ര സങ്കടം ഉണ്ടെങ്കിൽ ആ കുടുംബത്തിന്റെയൊക്കെ സങ്കടങ്ങൾ എത്രത്തോളമുണ്ടാകും 😰യാ അല്ലാഹ് നീ കുടുംബത്തിന് ക്ഷമ നൽകണേ അല്ലാഹ് 🤲

ഇന്ന് അദ്ദേഹം നമ്മോടൊപ്പമില്ലെങ്കിലും, അദ്ദേഹം ചെയ്ത നന്മകളും നൽകിയ സ്നേഹവും സഹായം ലഭിച്ചവരുടെ പ്രാർത്ഥനകളും എന്നും അദ്ദേഹത്തിന്റെ ഓർമ്മകളെ ജീവനോടെ നിലനിർത്തും.

അദ്ദേഹത്തിന്റെ പരലോകജീവിതം അല്ലാഹു പ്രകാശപൂരിതമാക്കട്ടെ. ചെയ്ത സൽകർമ്മങ്ങളെല്ലാം സ്വീകരിച്ച് പ്രതിഫലം നൽകുകയും, പാപങ്ങൾ പൊറുത്ത് ജന്നത്തുൽ ഫിർദൗസിൽ ഉന്നത സ്ഥാനം നൽകി അനുഗ്രഹിക്കുകയും ചെയ്യട്ടെ.

ആമീൻ യാ റബ്ബൽ ആലമീൻ. 🤲

🌹 പ്രാർത്ഥനകളോടെ…

ഫൈസൽ പാച്ചു
ജോഹോർ കെഎംസിസി ജനറൽ സെക്രട്ടറി

27/09/2026

27/09/2026

25/09/2026

അസ്സലാമു അലൈക്കും

പ്രിയപ്പെട്ടവരേ,

ജോഹോർ കെ.എം.സി.സി.യുടെ ആഭിമുഖ്യത്തിൽ, നമ്മുടെ ഏവരുടെയും പ്രിയങ്കരനായിരുന്ന ദാത്തോ ഷാഹുച്ചായുടെ നിര്യാണത്തിന് ഒരു വർഷം പൂർത്തിയാകുന്ന വേളയിൽ, അദ്ദേഹത്തിന്റെ സ്മരണക്കായി ഒന്നാം ആണ്ട് അനുസ്മരണവും പ്രത്യേക ദുആ മജ്‌ലിസും സംഘടിപ്പിക്കുന്നു.

അനുസ്മരണ പ്രഭാഷണം:
ഉസ്താദ് നാസിർ ഫൈസി അവർകൾ

ദുആ മജ്‌ലിസ് നേതൃത്വം:
ഉസ്താദ് ഖലീലുറഹ്‌മാൻ വാഫി

സമൂഹത്തിനും സംഘടനയ്ക്കും നൽകിയ വിലയേറിയ സേവനങ്ങളും സ്നേഹനിർഭരമായ പെരുമാറ്റവും കൊണ്ട് നമ്മളോടൊപ്പം എപ്പോഴും ഓർമ്മിക്കപ്പെടുന്ന മർഹൂം ദാത്തോ ഷാഹുച്ചായുടെ ആത്മാവിനുവേണ്ടി പ്രാർത്ഥിക്കാനും, അദ്ദേഹത്തിന്റെ ഓർമ്മകൾ പങ്കുവെക്കാനുമുള്ള ഈ ചടങ്ങിലേക്ക് ഏവരെയും സ്നേഹപൂർവ്വം സ്വാഗതം ചെയ്യുന്നു.

📅 തീയതി: 27/09/2026 (ഞായർ)
⏰ സമയം: 7:00 PM
📍 സ്ഥലം: AGN Convention Center, Setia Tropika

ഈ പവിത്രമായ ചടങ്ങിൽ എല്ലാ പ്രിയപ്പെട്ടവരും സംബന്ധിച്ച് പ്രാർത്ഥനയിൽ പങ്കാളികളാകണമെന്ന് വിനീതമായി അഭ്യർത്ഥിക്കുന്നു.

സ്നേഹത്തോടെ,
ഭാരവാഹികൾ / പ്രവർത്തകർ
ജോഹോർ കെ.എം.സി.സി.

25/09/2026

ഓർമ്മകളിൽ മായാതെ, ഹൃദയങ്ങളിൽ നിറഞ്ഞുനിൽക്കുന്ന പ്രിയനേതാവ്...

മലേഷ്യയിലെ പ്രവാസി സമൂഹത്തിന്റെ, വിശിഷ്യാ മലേഷ്യ കെഎംസിസിയുടെ സ്ഥാപകനും ജോഹർ കെ.എം.സി.സിയുടെ നെടുംതൂണും ആലംഭഹീനരുടെ ആശാകേന്ദ്രവുമായിരുന്ന കാരുണ്യത്തിന്റെ നിറകുടം, പ്രിയപ്പെട്ട മർഹും ദാത്തോ ഹാജി എം.ടി.പി. ശാഹുൽ ഹമീദ് ബിൻ ഹാജി എം.ടി.പി. അബ്ദുൽ ഖാദർ വിടപറഞ്ഞിട്ട് ഒരു വർഷം തികയുന്നു.
മലേഷ്യയിലെ പ്രവാസികൾ പ്രതിസന്ധികളിൽപ്പെടുമ്പോഴെല്ലാം ആദ്യമായി ഓടിയെത്താൻ ഒരു പേരുണ്ടായിരുന്നു - അത് ‘ദാത്തോ ശാഹുൽ ഹമീദ് ഹാജി’ എന്നതായിരുന്നു. ജാതിമത ഭേദമന്യേ പാവപ്പെട്ടവരുടെയും അഗതികളുടെയും കണ്ണീരൊപ്പാൻ ജീവിതം മാറ്റിവെച്ച ആ മഹാനുഭാവൻ ചെയ്ത നന്മകൾ വാക്കുകളിൽ ഒതുങ്ങുന്നതല്ല. മലേഷ്യ കെഎംസിസിയുടെ സ്ഥാപകനും ജോഹോർ കെ.എം.സി.സിയുടെ വളർച്ചയിലും ജീവകാരുണ്യ പ്രവർത്തനങ്ങളിലും അദ്ദേഹം നൽകിയ സംഭാവനകൾ ചരിത്രത്താളുകളിൽ തിളങ്ങിനിൽക്കുന്നതാണ്.

എല്ലാ പ്രതിസന്ധി ഘട്ടങ്ങളിലും ഞങ്ങൾക്ക് കരുത്തായി കൂടെയുണ്ടായിരുന്ന ആ പ്രിയനേതാവ് നമ്മെപ്പിരിഞ്ഞു അകന്നുപോയിട്ട് ഒരു വർഷം പിന്നിടുമ്പോഴും, അദ്ദേഹം ചെയ്ത നന്മകളിലൂടെയും കാരുണ്യപ്രവർത്തനങ്ങളിലൂടെയും അദ്ദേഹം എന്നും നമ്മുടെ ഓർമ്മകളിൽ ജീവിക്കുന്നു.
നാഥൻ അദ്ദേഹത്തിന്റെ സൽകർമ്മങ്ങൾ സ്വീകരിക്കുകയും, അദ്ദേഹത്തിന്റെ പാപങ്ങൾ പൊറുത്ത് ജന്നത്തുൽ ഫിർദൗസ് എന്ന ഉന്നതമായ സ്വർഗ്ഗത്തിൽ പദവി നൽകി അനുഗ്രഹിക്കുകയും ചെയ്യട്ടെ... ആമീൻ🤲

ജോഹോർ കെ.എം.സി.സി കുടുംബം.

23/09/2026

Congrats to all ….

22/09/2026

Congratulations all players….