09/07/2026
မလေးရှားပြည်ထဲရေးဝန်ကြီးဌာနမှဒုက္ခသည်မှတ်ပုံတင်ခြင်းကို ၂၀၂၉ခုနှစ်ဒီဇင်လကုန်ပြီးစီးရန်မျှော်လင့်
============================
မလေးရှားအစိုးရသည်ကုလသမဂ္ဂဒုက္ခသည်များဆိုင်ရာမဟာမင်းကြီးရုံး (UNHCR)ကတ်ကိုင်
ဆောင်ထားသူများအပြင်လူဝင်မှုကြီးကြပ်ရေး ထိန်းသိမ်းရေးစခန်းများ (DTI) ပြင်ပရှိ ဒုက္ခသည်များဟုဆိုသူများအတွက် မှတ်ပုံတင်ခြင်းလုပ်ငန်းစဉ်ကို ၂၀၂၉ ခုနှစ် ဒီဇင်ဘာလ ၃၁ ရက်နေ့တွင် အပြည့်အဝပြီးစီးရန် မျှော်လင့်ထားသည်။
ပြည်ထဲရေးဝန်ကြီး Datuk Seri Saifuddin Nasution Ismail ကဒုက္ခသည်မှတ်ပုံတင်ခြင်းစာရွက်စာတမ်း (DPP) အစီအစဉ်၏ အဆင့် ၂ ကိုယခုနှစ်ဒုတိယနှစ်ဝက်တွင်ဒုက္ခသည်အဆင့်အတန်း ဆုံးဖြတ်ရေးဌာနများတွင် စတင်မည်ဖြစ်ပြီး နောက်ပိုင်းတွင် ကြေညာမည်ဟု ပြောကြားခဲ့သည်။
"ပြည်ထဲရေးဝန်ကြီးဌာန (KDN)သည်
ဒုက္ခသည်များအတွက်မှတ်ပုံတင်ခြင်းလုပ်ငန်း စဉ်ကို ၂၀၂၉ ခုနှစ်ဒီဇင်ဘာလ ၃၁ ရက်နေ့တွင် ပြီးစီးရန်ရည်မှန်းထားသည်" ဟုလွှတ်တော်ဝက်ဘ်ဆိုက်တွင်ထုတ်ဝေထားသောစာဖြင့်ပြန်ကြားချက်မှတစ်ဆင့် Teresa Kok (PH-Seputeh) ၏မေးခွန်းကိုဖြေကြားရာတွင်၄င်းက ပြောကြားခဲ့သည်။
ဇန်နဝါရီလ ၁ ရက်နေ့တွင်စတင်ခဲ့သော DPP အစီအစဉ်ကိုအမျိုးသားလုံခြုံရေးကောင်စီ (MKN) ၏ညွှန်ကြားချက်အမှတ် ၂၃ (၂၀၂၃ ပြင်ဆင်ချက်)နှင့်အညီအကောင်အထည်ဖော်
လျက်ရှိပြီးပြည်ထဲရေးဝန်ကြီးဌာန (KDN) မှနိုင်ငံအတွင်းယာယီကာကွယ်မှုရှာဖွေနေသော ရွှေ့ပြောင်းနေထိုင်သူများ၏ဇီဝမက်ထရစ်မှတ်ပုံတင်ခြင်း၊ လုံခြုံရေးစစ်ဆေးခြင်း၊ အဆင့်အတန်းသတ်မှတ်ခြင်းနှင့် နိုင်ငံအတွင်း ရွှေ့ပြောင်းနေထိုင်သူများ၏အဆင့်အတန်းကို အတည်ပြုခြင်းတို့ကိုစီမံခန့်ခွဲလျက်ရှိသည်။
DPP မှတ်ပုံတင်ခြင်းကို ဒုက္ခသည်မှတ်ပုံတင်ခြင်းလုပ်ငန်းအဖွဲ့ (TPP) မှတစ်ဆင့်လူဝင်မူကြီးကြပ်
ရေးဌာနမှကိုင်တွယ်ဆောင်ရွက်ပြီးအစိုးရမဟုတ်သောအဖွဲ့အစည်းများ (NGO) များမပါဝင် ဟုဖော်ပြထားသည်။တိုးတက်မှုတစ်ခုအနေဖြင့် Saifuddin က ပြီးခဲ့သည့်ဇွန်လအထိ ပယ်ရပြည်နယ်၊ Bidor ရှိ ဒုက္ခသည်များနှင့် ခိုလှုံခွင့်တောင်းခံသူများအတွက်အထူးသီးသန့်စင်တာ (PPKPPS) တွင် အမျိုးသမီးတစ်ဦးအပါအဝင် ရိုဟင်ဂျာလူမျိုး ၇၈ ဦးကို DPP အရ ဒုက္ခသည်အဆင့်အတန်း ပေးအပ်ခဲ့ကြောင်း ပြောကြားခဲ့သည်။ သက်ဆိုင်ရာလုပ်ထုံးလုပ်နည်းအားလုံး ပြီးဆုံးသည်နှင့် ၎င်းတို့၏လွတ်မြောက်ရေးလုပ်ငန်းစဉ်ကိုဆောင်ရွက် သွားမည်ဖြစ်သည်။
"စမ်းသပ်စီမံကိန်းတစ်ခုအနေဖြင့် DPP အလုပ်အကိုင်အစီအစဉ်ကိုဒုက္ခသည်အဆင့်အတန်း ပေးအပ်ခံရသူ ၇၈ ဦးပါဝင်သည့်အကောင်အထည်
ဖော်ဆောင်ရွက်လျက်ရှိသည်။ထိုအရေအတွက်တွင် အလုပ်လုပ်ကိုင်ရန် အရည်အချင်းပြည့်မီသူ ၂၅ ဦးကိုရွေးချယ် ထားသည်" ဟု ၎င်းကပြောကြားခဲ့သည်။ DPP ၏ပထမအဆင့်သည်လူဝင်မူကြီးကြပ်
ရေးထိန်းသိမ်းရေးစခန်းများ (DTI) တွင်ထိန်းသိမ်းခံထားရသောမြန်မာနိုင်ငံမှရိုဟင်ဂျာလူမျိုးအများစုဖြစ်သည့်ထိန်းသိမ်းခံထားရသူများအပေါ်အာရုံစိုက်ထားကြောင်း၄င်းကထိန်းသိမ်းခံထားရသူ ၄၀၁၀ ဦးတွင်မြန်မာနိုင်ငံသား ၄၀၀၈ ဦးနှင့် ဆူဒန်နှင့် ဆီးရီးယားမှတစ်ဦးစီ ပါဝင်ကြောင်း ၎င်းကပြောကြားခဲ့သည်။ ပြီးခဲ့သည့် ဇွန်လအထိ မြန်မာနိုင်ငံမှရိုဟင်ဂျာလူမျိုး ၁၂၈ ဦး (အမျိုးသား ၁၂၇ ဦးနှင့်အမျိုးသမီး ၁ဦး) ကို ဒုက္ခသည်အဆင့်အတန်းဆုံးဖြတ်ခြင်း (PSP) လုပ်ငန်းစဉ်အတွက် Bidor PPKPPS စင်တာသို့ပြောင်းရွှေ့ခဲ့သည်။
Crd. Ai Lwin fb
