Daai Community Malaysia

05/06/2026

မလေးရှား နိုင်ငံအတွင်း ခိုလှုံဝင်ရောက်နေထိုင်နေကြသော ဒုက္ခသည်များနှင့် ခိုလှုံခွင့်တောင်းခံထားသူပေါင်း ၂၀၀,၀၀၀ ကျော်ကို စိစစ်ပြီးအရည်အချင်းပြည့်မီသူများကို နိုင်ငံအတွင်း လုပ်သားပြတ်လပ်နေသည့် ကဏ္ဍများတွင် ယာယီအလုပ်အကိုင်များ ဖန်တီးပေးသွားရန် မလေးရှားအစိုးရက စီစဉ်နေသည်။
မလေးရှား အစိုးရသည် ယခုနှစ်အစပိုင်းကတည်းက ဒုက္ခသည်များ၏ ဇီဝအချက်အလက် (Biometric Data)နှင့် ကိုယ်ရေးအချက်အလက်များ စုဆောင်း၍ Database စနစ်တစ်ခုပြုစုခဲ့ပြီး "ဒုက္ခသည် မှတ်ပုံတင်ခြင်းဆိုင်ရာ စာရွက်စာတမ်း" (DPP) အစီအစဉ်၏ စမ်းသပ်ကာလအဖြစ် ဒုက္ခသည်များကို မှတ်ပုံတင်ထားသည်။
ပြည်ထဲရေးဝန်ကြီး ဆိုင်ဖူဒင် နာဆူတီယွန် အစ္စမေးလ်က အဆိုပါအစီအစဉ်အောက်တွင် လက်ရှိအချိန်အထိ လူပေါင်း ၄,၀၀၀ ကျော်ကိုစိစစ်မှတ်ပုံတင်ပြီးဖြစ်သည်ဟု ပြီးခဲ့သည့်လအတွင်း ပြောဆိုခဲ့သည်။
အဆိုပါ စာရင်းအရ အသက် ၂၀ မှ ၄၀ ကြားရှိ ဒုက္ခသည်များကို ကုန်ထုတ်လုပ်မှု၊ ဆောက်လုပ်ရေး၊ စိုက်ပျိုးရေး၊ စိုက်ခင်းများနှင့်ဝန်ဆောင်မှုကဏ္ဍများ အပါအဝင် လုပ်သားအင်အား လိုအပ်ချက်ကြီးမားနေသည့် ကဏ္ဍများနှင့် ချိတ်ဆက်ပေးသွားမည် ဖြစ်သည်။
သို့သော် အဆိုပါအချက်အလက်ကောက်ယူနေသည့် အစီအစဉ်သည် အမြဲတမ်းနေထိုင်ခွင့် (PR) ရရှိရန် လမ်းစတစ်ခု မဟုတ်ဟု ဆိုင်ဖူဒင်က ပြောသည်။
အလုပ်သမားများကိုငှားရမ်းသည့် အလုပ်ရှင်များသည် တည်ဆဲလုပ်သားဥပဒေများကို လိုက်နာရမည်ဖြစ်ပြီး၊ တစ်လလျှင် အနည်းဆုံးလုပ်ခလစာ အမေရိကန်ဒေါ်လာ ၄၃၀ ခန့်ပေးရန်နှင့် သင့်လျော်သော နေထိုင်စရာနေရာ ဖြည့်ဆည်းပေးရန်တို့ ပါဝင်သည်။
စက်မှုစီးပွားရေးကဏ္ဍမှ လုပ်ငန်းရှင်များကလည်း ယခုအစီအစဉ်သည် ကုန်ကျစရိတ် ပိုမိုများပြားလေ့ရှိသည့် ပြည်ပရွှေ့ပြောင်းလုပ်သားများအပေါ် မှီခိုနေရမှုကို လျှော့ချရာတွင် အထောက်အကူပြုနိုင်သည်ဟု ဆိုသည်။
ဒုက္ခသည်အရေး လှုပ်ရှားတက်ကြွသူများကမူ ဒုက္ခသည်များကို အလုပ်အကိုင် အခွင့်အလမ်းများနှင့် ပတ်သက်၍ မလိုအပ်ဘဲ ကန့်သတ်ချုပ်ချယ်မှုများမခံကြရန် သတိပေးထားသည်။ လက်ရှိတွင် ဒုက္ခသည်များကို တတိယနိုင်ငံများသို့ ပြန်လည်နေရာချထားပေးရေး ကြိုးပမ်းမှုများ သိသိသာသာ နှေးကွေးသွားသလို သွားရောက်အခြေချမည့် နိုင်ငံများကလည်း ဒုက္ခသည်လက်ခံမှုပမာဏ လျှော့ချထားသည်။
မလေးရှားနိုင်ငံဆိုင်ရာ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) ၏ ကိုယ်စားလှယ် လူဝစ် အော်ဘင်က မှတ်ပုံတင်ထားသည့် ဒုက္ခသည်စုစုပေါင်း၏ ၁ ရာခိုင်နှုန်းမှ ၂ ရာခိုင်နှုန်းခန့်သာ တစ်နှစ်လျှင် တတိယနိုင်ငံများသို့ ပြန်လည်အခြေချခွင့်ရရှိပြီး ထိုအရေအတွက်သည်လည်း ပိုမိုနည်းပါးလာနေကြောင်း CNA သတင်းဌာနသို့ ပြောသည်။
“တစ်ကမ္ဘာလုံး အတိုင်းအတာနဲ့ကြည့်ရင် ဒုက္ခသည်တွေအတွက် တတိယနိုင်ငံတွေမှာ ပြန်လည်နေရာ ချထားပေးမယ့် နေရာအရေအတွက်ဟာ သိသိသာသာ လျော့နည်းသွားပါတယ်။ ဒါကြောင့် မလေးရှားနိုင်ငံက သူတို့အတွက် အလုပ်အကိုင်လမ်းကြောင်းတစ်ခု ဖန်တီးပေးဖို့လုပ်ဆောင်နေတာဟာ အရေးကြီးပါတယ်၊ ဘာလို့လဲဆိုတော့ ဒီဒုက္ခသည်တွေမှာလည်း ကျွမ်းကျင်မှုအချို့ ရှိနေကြလို့ပါပဲ” ဟု အော်ဘင်ကဆိုသည်။
မလေးရှားနိုင်ငံရှိ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR)၏ စာရင်းများအရ ၂၀၂၆ ခုနှစ် ဖေဖော်ဝါရီလကုန်အထိမှတ်ပုံတင်ထားသော ဒုက္ခသည်များနှင့် ခိုလှုံခွင့်တောင်းခံထားသူဦးရေ စုစုပေါင်း ၂၁၅,၆၀၀ ခန့် ရှိသည်။
မြန်မာနိုင်ငံမှ ၁၉၃,၈၂၄ ဦးခန့်ရှိပြီး ထိုအထဲတွင် ရိုဟင်ဂျာ ၁၂၆,၁၄၄ ဦး၊ ချင်းလူမျိုး ၁၅,၇၇၄ ဦးနှင့် မြန်မာနိုင်ငံအတွင်း ပဋိပက္ခဖြစ်ပွားရာဒေသများမှ သို့မဟုတ် ညှဉ်းပန်းနှိပ်စက်မှုများကြောင့် ထွက်ပြေးတိမ်းရှောင်လာကြသည့် အခြားတိုင်းရင်းသားလူမျိုးစုပေါင်း၃၃,၀၀၂ ဦးခန့်ပါဝင်သည်။
(မလေးရှားရောက် ဒုက္ခသည်အချို့ကိုတွေ့ရစဉ်။ ဓာတ်ပုံ- AFP)
Ref: Myanmar Now
Crd. Ai Lwin https://www.facebook.com/share/1D2U2cnajd/

04/06/2026

မလေးရှား DPP ဒုက္ခသည်မှတ်ပုံတင်စနစ် "ပထမအဆင့်" အကြောင်း သိကောင်းစရာ

ပြီးခဲ့သော ဇွန်လ (၁) ရက်နေ့မှစတင်ပြီး မလေးရှားအစိုးရအနေဖြင့် DPP ခေါ် ဒုက္ခသည်မှတ်ပုံတင်စနစ် ပထမအသုတ် (Phase One) ကို ရွှေ့ပြောင်းထိန်းသိမ်းရေးစခန်းများတွင် စတင်အကောင်အထည်ဖော်နေပြီ ဖြစ်ပါသည်။ အစိုးရအနေဖြင့် လုံခြုံရေးအရ စနစ်တကျ ခြေရာခံခြင်းဖြစ်ကြောင်း ပြောဆိုသော်လည်း လူ့အခွင့်အရေးအဖွဲ့များအနေဖြင့် ဤပထမအဆင့် လုပ်ဆောင်ချက်အပေါ် စိုးရိမ်မှုများစွာ ရှိနေကြပါတယ်။

ပထမအဆင့် (Phase 1) ဆိုတာ ဘာလဲ? ဘယ်သူတွေကို ပစ်မှတ်ထားသလဲ?
- ထိန်းသိမ်းခံထားရသူ (၄,၀၀၀) ကို အရင်စစ်မည်: ယခု ဇွန်လ (၁) ရက်နေ့တွင် စတင်လိုက်သည့် ပထမအဆင့်သည် တစ်နိုင်ငံလုံးရှိ လူဝင်မှုကြီးကြပ်ရေး ထိန်းသိမ်းရေးစခန်း (အချုပ်စခန်း) များတွင် ဖမ်းဆီးထိန်းသိမ်းခံထားရသည့် ဒုက္ခသည် ၄,၀၀၀ ခန့် ကို အဓိက ပစ်မှတ်ထားခြင်း ဖြစ်ပါသည်။ ၎င်းတို့ထဲတွင် မြန်မာနိုင်ငံမှ ရိုဟင်ဂျာဒုက္ခသည်များ အများဆုံး ပါဝင်နေပါတယ်။

- ဘီဒေါ (Bidor) အထူးစခန်းသို့ ရွှေ့ပြောင်းစစ်ဆေးမည်: အချုပ်စခန်းအသီးသီးရှိ အဆိုပါ ဒုက္ခသည် ၄,၀၀၀ ကို ပီရက်ခ် (Perak) ပြည်နယ်ရှိ ဘီဒေါ (Bidor) အထူးခွဲထုတ်ရေးစခန်းသို့ အသုတ်လိုက် ခွဲခြားပြောင်းရွှေ့သွားမည် ဖြစ်ပါသည်။ ဤစခန်းသည် DPP ဆိုင်ရာ ကတ် ထုတ်ပေးရန်အတွက် သီးသန့် ပြင်ဆင်ထားသော စခန်းဖြစ်သည်။

- အဆင့် ၂ ဆင့်ဖြင့် စိစစ်မည့် အစိုးရကော်မတီ: ဒုက္ခသည်များသည် စခန်းတွင် အစိုးရ၏ ကော်မတီ ၂ ခု၏ စစ်ဆေးမှုကို ဖြတ်သန်းရမည် ဖြစ်ပါသည်။ ၁။ Refugee Status Assessment Committee က အမှုတွဲကို ပထမဆုံး လူတွေ့မေးမြန်း စစ်ဆေးပါမည်။ ၂။ ထိုမှတစ်ဆင့် ထောက်ခံချက်များကို Special Committee on Refugee Status Determination ထံ တင်ပြပြီး ၎င်းကော်မတီကသာ ဒုက္ခသည်ဟုတ်မဟုတ် နောက်ဆုံးအတည်ပြုချက်ကို ဆုံးဖြတ်ကာ DPP ကတ် ထုတ်ပေးသွားမည် ဖြစ်ပါသည်။

ပထမအဆင့်အပေါ် အဘယ်ကြောင့် စိုးရိမ်နေကြတာလဲ?
- Fortify Rights အဖွဲ့၏ ထောက်ပြချက်အရ အစိုးရအနေဖြင့် အဆိုပါ ဘီဒေါ (Bidor) အထူးစခန်းတွင် ဒုက္ခသည်များကို ဘယ်လောက်ကြာကြာ ထိန်းသိမ်းထားမည်၊ စိစစ်ရေးလုပ်ငန်းစဉ် ဘယ်လောက်ကြာမြင့်မည်ဆိုသည်ကို တိတိကျကျ ချပြထားခြင်း မရှိသေးကြောင်း သိရပါသည်။

👉🏻မူရင်း သတင်းအပြည့်အစုံ - https://www.fortifyrights.org/mly-inv-2026-06-01/

01/06/2026

📢 Merchantrade မှအသိပေးကြေညာချက်

၂၀၂၆ ခုနှစ် ဇွန်လ ၁ ရက်နေ့မှ စတင်၍ UNHCR ကတ်ကိုင်ဆောင်ထားသော နိုင်ငံခြားသားများအတွက် DuitNow ငွေလွှဲခြင်းနှင့် QR ငွေပေးချေခြင်း ကန့်သတ်ပမာဏများ ကို အောက်ပါအတိုင်း ပြင်ဆင်သတ်မှတ်ထားပါသည်။

🔹 ငွေလွှဲခြင်း (Transfer)
• တစ်ကြိမ်လျှင် – RM ၁,၅၀၀
• တစ်နေ့လျှင် – RM ၁,၅၀၀
• တစ်လလျှင် – RM ၃,၀၀၀

🔹 QR ဖြင့် ငွေပေးချေခြင်း
• တစ်ကြိမ်လျှင် – RM ၃၀၀
• တစ်နေ့လျှင် – RM ၃၀၀
• တစ်လလျှင် – RM ၃,၀၀၀

⚠️ ငွေလွှဲအကောင့်နှင့် QR ငွေပေးချေခြင်းအကောင့်တို့သည် သီးခြားအကောင့်များဖြစ်ပါသည်။

30/05/2026

အီးမေးလ် ၁၀၁

UNHCR​၏ အကြံပြုချက်များ!
----------------------------

သင့်အီးမေးလ်ကို စီမံခန့်ခွဲပါ။သင့်အီးမေးလ်ကို စစ်ဆေးပါ။သင့်အီးမေးလ်ကို မှန်မှန်စစ်ဆေးပါ။အရေးကြီးသော
မက်ဆေ့ချ်များကို သင့်အီးမေးလ်သို့ ပေးပို့နိုင်ပါသည်။
အစိုးရ သို့မဟုတ် ဝန်ဆောင်မှု အပ်ဒိတ်များသည် အီးမေးလ်ဖြင့် ရောက်ရှိလာနိုင်ပါသည်။အရေးကြီးသော ဝန်ဆောင်မှုများအတွက် တူညီသော အီးမေးလ်ကို အသုံးပြုပါ။အီးမေးလ်ကို အသုံးပြု၍ရနိုင်သည်။
သင့်အီးမေးလ်ကို အသုံးပြု၍ရနိုင်ကြောင်း သေချာပါစေ
သင့်ဖုန်းနံပါတ်ကို ပြောင်းလဲပါက သင့်အီးမေးလ်ကို အပ်ဒိတ်လုပ်ပါ

UNHCR ကုလသမဂ္ဂ ဒုက္ခသည်အေဂျင်စီ

UNHCR ၂၀၂၆ | မလေးရှား

26/05/2026

ချစ်ခင်ရပါသော လူကြီးမင်းများခင်ဗျာ၊
မနက်ဖြန် (၂၇/၅/၂၀၂၆)* Eid Adha အစိုးရရုံးပိတ်ရက်အတွက် *UNHCR ရုံးကို ပိတ်မည်ဖြစ်ကြောင်း အသိပေးအပ်ပါသည်။
ကျေးဇူးတင်ပါတယ်။

26/05/2026

UFC world champion Joshua Van နှင့် နိုင်ငံကျော်အဆိုတော် ဖြူဖြူကျော်သိန်းတို့သည် မလေးရှားနိုင်ငံကွာလာလာမ်ပူမြို့သို့ရောက်ရှိနေကြပြီး ICC Hall တွင်ဖျော်ဖြေခဲ့ကြရာ ထောင်ပေါင်းများစွာသော ပရိသတ်များမှ အားပေးခဲ့ကြသည်။

ဓာတ်ပုံ-CRC

25/05/2026

မဲင်ဘာဝင်များ အများဆုံးနေထိုင်သည့်နေရာ Pudu Huluရပ်ကွက် လူအများအိပ်ချိန် ယနေ့မနက် (3:00)Am ဝန်းကျင် ရဲ အမြောက်အများ Uniformနဲ့ တချို့ အရပ်ဝတ်နဲ့တချို့ Flat တစ်ခုပြီးတစ်ခု ဓာတ်မီးနဲ့ထိုးပြီး တစ်ခုခုရှာဖွေနေကြဟန်ရှိကြောင်းကြားသိရပါသည်။တချို့က အော်ပရာစီဝင်တယ် ထင်ပြီး အချိန်မှီရှောင်ဖို့ အိမ်ပေါ်ကနေ အိမ်အောက်ဆင်းကြတဲ့အချိန် စစ်ဆေး ဖမ်းဆီးဖို့ နောက်ကနေ ရဲတွေလိုက်လို့ လွတ်အောင်မနည်းပြေးရတယ်လို့ကြားသိရတယ်။

ဘာကိစ္စ ဘာအကြောင်းကြောင့်ဆိုတာ မသိရပေမယ့် ညနက်ကြီး မလိုအပ်ဘဲ အပြင်သွားတာ Flatအိမ်တွေကြား လမ်းဘေးထိုင်ပြီး သောက်စားတာ စကားပြောကြတာမျိုး မလုပ်ကြဖို့ လေးလေးနက်နက် အသိပေးအကြောင်းကြားအပ်ပါသည်။အထောက်အထားရှိရှိ မရှိရှိ မိမိနှင့် မိမိပတ်ဝန်းကျင်အတွက် လုံခြုံရေးအတွက်တာဖြစ်သည်။

20/05/2026

REFUGEE MALAYSIA ဆက်သွယ်ရန်ဖောင် ယခု အပြည့်အဝ ပြန်လည်အသုံးပြုနိုင်ပါပြီ
ယခင်တွင် Refugee Malaysia ဆက်သွယ်ရန်ဖောင်တွင် ဖြစ်ပေါ်ခဲ့သည့် ပြဿနာများအတွက် မက်ဆေ့ချ်ပေးပို့ခဲ့ပြီးနောက်၊ ယခုအခါ ဝဘ်ဆိုဒ်ပေါ်ရှိ ဖောင်ကို အပြည့်အဝ ပြန်လည်အသုံးပြုနိုင်ပြီး လျှောက်ထားမှုများ တင်သွင်းနိုင်ပြီဖြစ်ကြောင်း အသိပေးအပ်ပါသည်။ ဖောင် မှာအလုပ်လုပ်စေခဲ့သော နည်းပညာဆိုင်ရာ ပြဿနာများကိုလည်း ဖြေရှင်းပြီးဖြစ်ပါသည်။
ဖြစ်ပေါ်ခဲ့သည့် အခက်အခဲများအတွက် တောင်းပန်ပါသည်။ သင်တို့၏ စိတ်ရှည်သည်းခံမှုကိုလည်း ကျေးဇူးတင်ပါသည်။

11/05/2026

လိမ်လည်မှုကို သတိပြုပါ- UNHCR

Rahaman / Soe Myint / Mirza Ali ဟု အမည်ပေးထားသော အမျိုးသားတစ်ဦးသည် UNHCR ရုံးဝင်းပြင်ပတွင် UNHCR စာရွက်စာတမ်းအတုများကို ရောင်းချနေကြောင်း UNHCR မှ သတင်းများ ရရှိထားပါသည်။

ဤသည်မှာ လိမ်လည်မှုတစ်ခုဖြစ်သည်။ UNHCR စာရွက်စာတမ်းများကို မှတ်ပုံတင်ပြီးမှသာ UNHCR ရုံးတွင် ထုတ်ပေးပြီး အခမဲ့ဖြစ်သည်။ တစ်စုံတစ်ဦးက UNHCR စာရွက်စာတမ်းအတွက် ငွေပေးချေရန် တောင်းဆိုပါက ၎င်းသည် အတုစာရွက်စာတမ်းဖြစ်သည်။

ကျေးဇူးပြု၍ သတိရပါ-
•UNHCR သည် သင့်အား ငွေဘယ်တော့မှ မတောင်းဆိုပါ။
•UNHCR စာရွက်စာတမ်းများကို ရယူခြင်း၊ UNHCR လုပ်ငန်းစဉ်များသို့ ဝင်ရောက်ခွင့်ကို လွယ်ကူချောမွေ့စေခြင်း သို့မဟုတ် ငွေပေးချေရန်အတွက် သင့်အမှုကို အမြန်ခြေရာခံခြင်းတို့ကို မည်သူမျှ မပြုလုပ်နိုင်ပါ။
•ထိုကဲ့သို့သော ဝန်ဆောင်မှုများကို ပေးဆောင်သည့် မည်သူ့ကိုမျှ ငွေမပေးပါနှင့်။
•သင့် UNHCR အမှုကို လွှမ်းမိုးနိုင်သည်ဟု ဆိုသူများနှင့် သင့်ကိုယ်ရေးကိုယ်တာအချက်အလက်များကို မမျှဝေပါနှင့်။

တစ်စုံတစ်ဦး၏ UNHCR ကတ်အတုများ သို့မဟုတ် အခြားသူတစ်ဦး၏ UNHCR ကတ်များကို အသုံးပြုခြင်း၊ ထုတ်လုပ်ခြင်း သို့မဟုတ် ရောင်းချခြင်းတို့ကို သင်သိပါက [email protected] သို့ အီးမေးလ်ပို့ပါ။ လိမ်လည်မှုအကြောင်း သတင်းပို့ခြင်းသည် UNHCR နှင့်အတူ သင့်အမှုကို နှောင့်နှေးစေမည်မဟုတ်သလို လိမ်လည်မှုအတွက် သင့်အား စုံစမ်းစစ်ဆေးခြင်းကိုလည်း မဖြစ်စေပါ။ UNHCR မှလက်ခံရရှိသော လိမ်လည်မှုဆိုင်ရာ အစီရင်ခံစာအားလုံးကို လျှို့ဝှက်ထားပြီး သင့်သဘောတူညီချက်မရှိဘဲ အခြားမည်သူ့ကိုမျှ ထုတ်ဖော်ပြောကြားခြင်းမပြုပါ။

မလေးရှားနိုင်ငံရှိ ဒုက္ခသည်အသိုင်းအဝိုင်းကြားတွင် အမြတ်ထုတ်လှည့်စားမှုများနှင့်ပတ်သက်သည့် နောက်ထပ်အချက်အလက်များအတွက် Beware of Scam စာမျက်နှာသို့ ဝင်ရောက်ကြည့်ရှုပါ။

Beware of Scams UNHCR does not tolerate any fraud, corruption, or exploitation. All application forms and services provided by UNHCR and its partners are free of charge. You cannot pay for registration or resettlement, or to process your case faster. Do not trust anyone or any organisation that asks...

09/05/2026

ပီနန်း​၏ကျန်းမာရေး ဝန်ဆောင်မှုသတင်း
~~~~~~~~~~~~~~~~~~~~~~~~~~~
📢 ပီနန်းရှိ အမျိုးသမီးများအတွက် အပတ်စဉ် ရွေ့လျားဆေးခန်း (မေ – ဇူလိုင် ၂၀၂၆)

MSF သည် ၂၀၂၆ ခုနှစ် မေလမှ ဇူလိုင်လအထိ ဗုဒ္ဓဟူးနေ့တိုင်း အမျိုးသမီးများနှင့် ကလေးများအတွက် ရွေ့လျားဆေးခန်းများ ကို ပြုလုပ်မည်ဖြစ်ပါသည်။ မေလအတွက် နေရာများမှာ အောက်ပါအတိုင်းဖြစ်ပါသည်။

📅 မေ ၂၀၂၆

📍 ၆ မေ ၂၀၂၆ – Simpang Ampat
KRT Taman Belibis, Lorong Belibis 14, Taman Belibis, 14100 Simpang Ampat, Penang

📍 ၁၃ မေ ၂၀၂၆ – St John Britto Church
139, Jalan Sungai Pinang, 10150 Georgetown

📍 ၂၀ မေ ၂၀၂၆ – Simpang Ampat
KRT Taman Belibis, Lorong Belibis 14, Taman Belibis, 14100 Simpang Ampat, Penang

❌ ၂၇ မေ ၂၀၂၆ – ဆေးခန်း မရှိပါ
အစိုးရရုံးပိတ်ရက် – Raya Haji

ဆေးခန်းများ ပြုလုပ်နေစဉ်အတွင်း စိတ်ကျန်းမာရေးဝန်ဆောင်မှုများ နှင့် ကလေးများအတွက် လှုပ်ရှားမှုများ လည်း ရရှိနိုင်ပါမည်။

ကျေးဇူးပြု၍ ဤအချက်အလက်များကို ပီနန်းတွင် နေထိုင်သော အမျိုးသမီးများနှင့် မိသားစုများထံ မျှဝေပေးပါ။