Islamic Circle of Malaysia

22/08/2026

18/08/2026

ان شاء اللہ

14/08/2026

کوالالمپور: پاکستانی سفارتخانے میں جشنِ آزادی کی پروقار تقریب

کوالالمپور میں پاکستانی سفارتخانے کے زیرِ اہتمام جشنِ آزادی اور پرچم کشائی کی پروقار تقریب کا انعقاد کیا گیا، جس میں ملائیشیا کے مختلف علاقوں سے پاکستانی کمیونٹی نے بڑی تعداد میں شرکت کی۔

تقریب میں محترم میاں انتظار حسین، سابق امیر اسلامک سرکل آف ملائشیا، کی سربراہی میں برادر یحییٰ حنیف اور دیگر ساتھیوں کے ہمراہ شرکت کی گئی۔ اس موقع پر پاکستان کے سفیر برائے ملائیشیا سید احسن رضا شاہ نے خطاب کرتے ہوئے آزادی کی قدر و قیمت، وطن سے محبت اور قیامِ پاکستان کے لیے دی جانے والی قربانیوں پر روشنی ڈالی اور شہدائے پاکستان کو خراجِ تحسین پیش کیا۔

تقریب میں پاکستانی پرچم لہرایا گیا اور وطنِ عزیز کی سلامتی، استحکام اور ترقی کے لیے نیک خواہشات کا اظہار کیا گیا۔ شرکاء نے ملی جذبے کے ساتھ پاکستان سے اپنی محبت اور وابستگی کا اظہار کیا۔

ملائیشیا میں مقیم پاکستانی کمیونٹی کی بڑی تعداد میں شرکت نے تقریب کو قومی یکجہتی، حب الوطنی اور وطن سے محبت کے جذبات کا خوبصورت مظہر بنا دیا۔

23/07/2026

إِنَّا لِلّٰهِ وَإِنَّا إِلَيْهِ رَاجِعُونَ
جماعتِ اسلامی کے معزز جنرل سیکرٹری جناب امیر العظیم صاحب کے انتقال کی خبر انتہائی رنج و غم کا باعث ہے۔
اللہ رب العزت مرحوم کی کامل مغفرت فرمائے، ان کی تمام لغزشوں سے درگزر فرمائے، ان کے درجات بلند فرمائے، انہیں جنت الفردوس میں اعلیٰ مقام عطا فرمائے، ان کی دینی خدمات کو اپنی بارگاہ میں شرفِ قبولیت بخشے، اور ان کے اہلِ خانہ، رفقائے کار اور تمام متعلقین کو صبرِ جمیل اور اجرِ عظیم عطا فرمائے۔
آمین یا رب العالمین۔

22/07/2026

15/07/2026

ملاکہ میں اسلامک سرکل آف ملائشیا کے زیر اہتمام درسِ قرآن کی روح پرور نشست

ملاکہ: گزشتہ دنوں صوبہ ملاکہ میں محترم برادرم اجبر خان کے ڈیرے پر اسلامک سرکل آف ملائشیا کے زیر اہتمام ایک خوبصورت اور روح پرور نشستِ درسِ قرآن کا انعقاد کیا گیا، جس میں بڑی تعداد میں احباب نے شرکت کی۔

نشست میں اسلامک سرکل آف جاپان کے سابق امیر محترم ملک امانت علی نے سورۃ العصر کی روشنی میں قرآن مجید کے پیغام، وقت کی اہمیت اور کامیابی کے اسلامی اصولوں پر فکر انگیز درس دیا۔

اس موقع پر اسلامک سرکل آف ملائشیا کے صدر محترم ڈاکٹر حیات خان نے تنظیم کے تحریکی سفر، دعوتی سرگرمیوں اور موجودہ دور میں اسلامی فکر کے فروغ کے حوالے سے گفتگو کی۔

پروگرام کی نظامت اسلامک سرکل آف ملائشیا کے سیکرٹری جنرل محترم سجاد اکبر نے انجام دی، جبکہ ڈپٹی سیکرٹری جنرل محترم محمد عظمت رانا بھی اس موقع پر شریک رہے۔

صوبہ ملاکہ کے ناظم محترم اجبر خان نے تمام شرکاء کے لیے پرتکلف کھانے کا بھی اہتمام کیا، جس پر حاضرین نے ان کا شکریہ ادا کیا۔ نشست میں حاضری قابلِ ذکر رہی اور شرکاء نے قرآن فہمی اور دعوتی گفتگو سے بھرپور استفادہ کیا۔

آخر میں پروگرام کا اختتام اجتماعی دعا کے ساتھ ہوا۔ شرکاء نے اللہ تعالیٰ سے دعا کی کہ وہ اس طرح کی دینی و فکری نشستوں کو قبول فرمائے اور تمام حاضرین کی حاضری کو اپنی بارگاہ میں شرفِ قبولیت عطا فرمائے۔ آمین۔
۔۔۔۔۔

افتخار احمد ناظم نشر واشاعت اسلامک سرکل آف ملائیشیا

13/07/2026

پترجایا: اسلامک سرکل آف جاپان اور اسلامک سرکل آف ملائشیا کے وفد کی ڈاکٹر زاکر نائک سے ملاقات

پترجایا: اسلامک سرکل آف جاپان کے سابق امیر محترم ملک امانت علی، نائب امیر محترم منور چوہدری اور ناظم شعبۂ بیت المال حافظ ذوالفقار نے اسلامک سرکل آف ملائشیا کے سیکرٹری جنرل سجاد اکبر اور ڈپٹی سیکرٹری جنرل عظمت رانا کے ہمراہ معروف اسلامی اسکالر ڈاکٹر ذاکر نائک اور ان کے صاحبزادے شیخ فارق نائک سے پترجایا میں ملاقات کی۔

ملاقات کے دوران باہمی دلچسپی کے مختلف امور، دعوتِ دین، اسلامی مراکز کی سرگرمیوں، مسلم نوجوانوں کی فکری و اخلاقی تربیت اور ملائشیا، جاپان سمیت مختلف ممالک میں دعوتی و رفاہی خدمات کے فروغ کے حوالے سے تبادلۂ خیال کیا گیا۔

اس موقع پر اسلامی تنظیموں کے درمیان باہمی تعاون کو مزید مضبوط بنانے، تجربات سے استفادہ کرنے اور امتِ مسلمہ کو درپیش چیلنجز کے تناظر میں مشترکہ کاوشوں کو فروغ دینے کی ضرورت پر بھی زور دیا گیا۔ وفد نے ڈاکٹر ذاکر نائک کی دینی و دعوتی خدمات کو سراہتے ہوئے نیک تمناؤں کا اظہار کیا، جبکہ ڈاکٹر ذاکر نائک نے بھی وفد کی آمد پر خوشی کا اظہار کرتے ہوئے ان کی دعوتی سرگرمیوں کے لیے دعا کی۔

اس موقع پر اسلامک سرکل آف ملائشیا کے سیکرٹری جنرل اور ناظم احبابِ جمعیت ملائیشیا محترم سجاد اکبر نے اسلامی جمعیت طلبہ پاکستان کے ناظمِ اعلیٰ محترم وسیم حیدر کا خصوصی پیغام بھی ڈاکٹر ذاکر نائک تک پہنچایا۔ انہوں نے اسلامی جمعیت طلبہ کے زیرِ اہتمام منعقد ہونے والے سیرت کوئز پروگرام میں شرکت کی دعوت پیش کی، جس پر ڈاکٹر ذاکر نائک نے نیک خواہشات کا اظہار کرتے ہوئے پروگرام کی کامیابی کے لیے اپنی دعاؤں کا یقین دلایا۔

ملاقات کے اختتام پر ڈاکٹر ذاکر نائک اور شیخ فارق نائک کو ان کی دینی، علمی اور دعوتی خدمات کے اعتراف میں اعزازی شیلڈ پیش کی گئی۔

13/07/2026

اسلامک سرکل آف جاپان کے وفد کا ایشیا پیسفک یونیورسٹی (APU) کا دورہ

گزشتہ دنوں بروز جمعہ اسلامک سرکل آف جاپان کے سابق امیر اور موجودہ رکنِ شوریٰ ملک امانت علی صاحب، رکنِ شوریٰ حافظ محمد ذوالفقار صاحب، ناظم بیت المال و رکنِ شوریٰ حافظ ذوالفقار بھائی اور نائب امیر اسلامک سرکل آف جاپان محترم منور چوہدری صاحب نے Asia Pacific University of Technology & Innovation (APU) کا دورہ کیا۔

وفد کا استقبال اے پی یو کے پروفیسر محترم حسن جمیل صاحب نے کیا۔ انہوں نے معزز مہمانوں کو یونیورسٹی کی مختلف فیکلٹیز، جدید تعلیمی سہولیات، تحقیقی مراکز اور کیمپس کے مختلف شعبہ جات کا تفصیلی دورہ کروایا اور یونیورسٹی کے تعلیمی و تحقیقی نظام سے آگاہ کیا۔

اس موقع پر اسلامک سرکل آف ملائیشیا کے ڈپٹی سیکرٹری جنرل محترم عظمت رانا صاحب بھی وفد کے ہمراہ موجود تھے۔
۔۔۔۔
افتخار احمد ناظم نشر و اشاعت اسلامک سرکل آف ملائشیا