31/12/2025
2025 Nøng dvpvt lvngdøm poq shádvzvr we!
*********************************************
🕛 Shóngshàì wē dvcìcèrì shvngbē shvng pàmvrā! 2025 Nøng lvngdøm nī høq pamvràcè cúnshì lúnbø shà rvt Gvray Jejú kaqsvng oqà wá mvtømshì.
🕛2025 nøng svng nø dēyaq kèní pàmvrà wàráìē.
🕛 Nvpnī nø nøngshvr svng vtō wè nvng tiqnøng døp dvpvt Gvray kaq ishøt røtshì lvm angnī ídø tiqdvchá Køqzøl cèrì shvngbē tiqdø rūngrūngwā shvrīng shvtàì sórí mvngū shìlvm ídaqē.
🕛 Wervt nøngshvr nī taq nø Rvwàng køqzøl róng gø bvnlì nār nø Gvray kaq vjúrøt shìwē wàlvm íē.
🕛 Nøngshvr 2 nī (Nár 5 nī) taqgø Rvwàng køqzøl róngò nønggøm lìpòng (Annual meeting) vl rvt nø róng mvpoq daqī.
🕛 Mvdøng mvdaq vchvk wē mvtúrì vldaq nìnø Róng yvng dvzømshì gølā svng phone kení dvmvn lúnshìē.
🕛 Nøngshvr taq Gvrayí dvgøò wē ishøtrì nvng tiqdø køqzøl cèrì shvngbēí nøtshøm dvbùlvm nvng mòngzøl lòng vtōshì laqlú:nì.
🕛 Nøngshvr svng dvbù nø:tní góng lúnlvm dvpvt dāng vrvm taq vyáshàì sórí cúnshì laqlúnì.
🕛 2026 nøng taq dvbùwē mvrshvm lànggá í laq vhø:mìé.
💜💜Shvngbē svng Pamvrà!💜💜
Shóngnøt kení dvshatwē,
RRC
