FRO Malaysia

12/08/2026

2026 CHIN KUMTHAR PUAI SAWMNAK
----------------------------------------
Chin mi pawl ih kan sunsak zetmi 'Chin Kumthar - Fanger Puai' cu tuik*m 2026 khalah MCCA Board cun tuah dingin relcatnak a nei ih a tu ah FRO in timlamnak kan nei rero zo. Malaysia um chin mi kan zatein a tanglam ni le can ah ra hmang cio dingah sawm theh kan si.

A ni: 15 October (Tlawngkai nili/Thursday)
A caan: 10 AM - 4 PM
A hmun: Golden Dragonboat Hall
10. Jalan Kampung Pandan, Kelab Golf di Raja Selangor,
55000 Kuala Lumpur, W.P Kuala Lumpur

Tuik*m cu danglam zetin ramdang ihsin special guest le singer khal sawm an si. Cuih hleiah hnamlaam, talent show, speech le kan sungih hlasak thiam zetzet hnen ihsin hlamawi ngainak pawl khal a um ding.

Mipi sung ihsin caan a hmangduhtu kan um a si ahcun hmin pek a theih ding. Talent show zawng in a silole, a bur ih hnamlam hmuhnak/laamnak zawngin caan hman a theih ding. Hminpeknak ding cu 011 7242 6912 - Sayamah Len hnenah a si ding.

Kan zatein a ni ah lungawi sopar teih puai hmang dingah sawm kan si.

FRO Malaysia

06/08/2026

Zualko
--------
Hmin : Kawl Lun Thiang
Suahni : 1 Nov 1975 (k*m 51)
Thihni : 5 Aug 2026
Nu & Pa : Pa Kap Ceu & Nu Dar Za Ting
Khua : Hlaingtaya, Kalaymyo

Kawl Lun Thiang cu Malaysia ah k*m reipi beunak hawl i hnatuan in um a si. Sunglam damlonak ruangah Kajang siizung pi ah mual in liamsan. Kawl Lun Thiang ih in tansannak ruangah kan riahsia in kan tuarpi zet. Unau sungkhat pawl Bawipa'n tuar theinak pe hramseh.

Ruang thuhla ah a tulmi pawl cu zunglam in tawlrel sak rero lai a si.

FRO Malaysia

05/08/2026

SCAM RALRING UHSI!
----------------------
011 2445 2100 | 011 2330 5769 | 011 6221 3684
A tlunih tarlanmi phone number pawl hi scam number an siih ralring dingah kan theihter duh.
Himi number pa3 pawl hin mipi phone call in UNHCR card le service dangdang caan tawite ah poisa pek in ngah a theih tiah an sim. Poisa a thawng lai in an dil tiah theih a si. Hitivek poisa thawn scam tum lakin ralring dingah UNHCR cun in theihter.

UNHCR cun ralring dingih simmi pawl:
-UN in an service thuthawn pehparaw in ziangtik hmanah poisa an dil lo (FREE theh a si)
-Zohman in poisa thawn UN process a rang ter thei lo
-UN process rang ter thei dingih a lo titu zo hnen hmanah poisa pek lo ding
-Hitivek in a ra lo pantu cu Anti-Fraud Focal Point ih gmail [email protected] ah report pek a theih

Scam nak a phunzakip lak ihsin ralring dingah kan sawm aw duh.

Duhsaknak thawn,
FRO Malaysia

05/08/2026

TINTUAH ZIR A THEIH
-----------------------
Ms Abigail Thawngte hi k*m reipi beautician rak tuan zo a siih real life experience tamzet nei zo a si. Tuitum a volunteer nak i zarah member sungin tintuah a zir duhtu kan um a sile bang man la lo rori in a zirh ding a si. Material man ah RM200 lak a si ding ih cumi cu zirlai ih hman dingmi le zir theh hnu ih mah ih colanta ding mi thilri pawl an si. A zirduhtu cun August thlasung hmin pe cio dingah kan sawm aw duh.

Hminpeknak : 018 260 2904
Zir man : FREE
Thilri man : RM 200
Zir ding ni : tlawngkai nili
A caan : Remcan bik caan hawl ding
A hmun : FRO Office
Priority : Single mothers

Himi course kan theh a si ahcun tin dawr ah entry-level staff dinhmun in kan lut thei ding beisei a um.
Ms Abigail thawngte in Pathian hnatuannak hrangah tiah a thiamnak cu midang hnenah zirhsawng in a teimaknak parah Pathian in a letza in malsawm hramseh.

FRO Malaysia

04/08/2026

REMINDER: UNHCR RENEW LE HLOTER
----------------------------------------
Kan UNHCR card tetdan tuu/renew a cuut tikah appointment pekni, asilole tetdan a cemni, zing n**i 8:00AM ah UN zung thleng dingin UNHCR cun a theihter.
UNHCR card kan hloter pang a si ahcun UN zung ah appointment diltul loin direct feh a theih a si. Zinglam 8:00AM ah thleng dingin UNHCR cun a theihter. Police report tuah a tullo a si.

Duhsaknak thawn,
FRO Malaysia

31/07/2026

REMINDER : ONLINE AH REFUGEE HUATNAK THU
---------------------------------------------
Tulai ah refugee thuhla thawn pehparawk in online sungah huatnak post a tamzet. UNHCR cun hivek thuhla share, comment le engagement tuah lo dingin a sawm. Hivek huatnak post hmuahhmuah hrial hi a himbik.

Ziangtin social media kan hmang ding:
-Huatnak le tongkam sia ih comment pawl reply lo ding
-a lo hrotu account pawl block men ding
-Na account setting check in post tete kan tuah duh a si khalle private in tuah ding
-organization, community lole tlawng page/account kaitu kan si ahcun ka post mi ah ralring ding
-na personal information; phone number, address, ID tivek le na location tivek online ah share lo ding
-Huatnak post kan hmuh mi pawl report kan tuah thei

Hminsin: Online ah huatnak post pawl let hnakin kan himnak ding kan focus a thupi sawn tiah UNHCR cun a sim.

Duhsaknak thawn,
FRO

31/07/2026

MYSERVICES ACCOUNT TUAH CAWL HRIH DING
------------------------------------------------------
Phone verification thu ah buainak a um ruangah Myservices account thar tuah cu UN in an khar hrih ding. Myservices account thar tuah cu a ngah hrih lo ding nan account hlun nei cia hrang ahcun login a ngah lai a si.
Thaten zohfel a siih an on sal hnuah thuhla kan than aw sal leh ding. Cumi hlan sung ahcun FRO zung khalah Myservices account thar tuah a ngah hrih lo ding. Thinsau le theihthiamnak thawn thuhla kan thansal hngak dingah kan sawm aw duh.

duhsaknak thawn,
FRO Malaysia

24/07/2026

NAUHAK HRANG REMEDI INSURANCE LEI A THEIHZO
-----------------------------------------------------
REMEDI Insurance cu a hlan ah cun k*m 18-60 karlak UN Card nei hrang lawng ah leitheih a si, asinan 1 August 2026 in thok nauhak hrang khal ah tuah thok theih a si. Nauhak suakpek ihsin thok UN card nei hmuahhmuah in REMEDI Insurance lei a theih a si.

Nauhak suakpek ihsin k*m 18 tang cu tuahman RM150 a siih, nu lole pa tal Insurance card nei cia mi si a tul. Kumkhat ah hman theih zat cu RM20,000 a siih veikhat hman ah RM10,000 a si ding. Card tuah hnu thlakhat ah card cu a nung dingih acozah siizung ah hman a theih ding.
Upa hrang khal ah pehzom in tuah theih ringring a si. Tuahman cu a kel RM183.60 a si ding ih hman theih zat cu nauhak thawn an bang aw a si.

August 1 ihsin thokin FRO zungah nauhak hrang REMEDI Insurance lei a theih ding a si.

Duhsaknak thawn,
FRO Malaysia

16/07/2026

HELP SITE & MYSERVICES PORTAL THU
----------------------------------------
A tu cu Malaysia UNHCR website kan lut tikah HELP site timi ah kan thleng ding. HELP site ahcun UN nei hrang information update tulmi, UN thuhla pawl le UN mithar dilnak a kim theh. UN nei zo hrangah HELP site ah a hnuailam thil pa(5) tuah a theih:
1. Family Inclusion ( Innsang bennak tuah)
2. Updating Phone number ( Phone number thleng thu theihter)
3. Voluntary Return ( Mai lungkimnak telin kawlram kirsal thu theihter)
4. Fraud, Corruption & Exploitation ( UNHCR thuhla ah bumawknak, poisa dilawknak thu )
5. Arrest & Detention ( Kaihkhih thu theihter)
HImi form pakhat khat kan phit tikah email address in dil dingih cumi email ah kan phitzo mi form le reference number in kuat ding a si.

HELP site sungah MYSERVICES PORTAL a um ih account kan tuah thei. Myservices cu UN a thar dilduhtu le UN appointment hngak rero lai (2019-2026 ih a rak dilzo pawl) in an tuah thei ding. UN card nei le appointment nei zo hrangah tuah a tullo a si. Myservices kan tuah tikah a tulmi pawl cu:
1. Email Address
2. Malaysia Phone number
3. Password ( account tuah tikah password lung 9 a tul)
4. Personal Information ( Hminpi, Suahni, Malay thlenni, Malay umnak, kan datpung/zuk le a hlan ah kan dildah a sile, dilnak reference number )
5. Documents ( community card, Malaysia suak naute hrangah Birth certificate )
6. Innsang ( Malaysia ah kan nupi, pasal lole fate an um a sile bet a theih)

Myservices account ahcun phone number update tivek le appointment kan neih le neih lo zoh a theih ding(appointment pek tikah an call ta theu). Account voikhat kan tuah tikah tuahbet a tul nawn lo. Kan email address ih password le Myservices account password thaten hminsin dingah kan sawm aw duh. Thuhla pakhat khat ruangah Myservices account kan lut thei nawn lo a si ahcun [email protected] timi email ah 'Myservices Account Issue' timi subject tarlang in bom dil a theih. Myservices account tuah dingah hmanhmawh a tullo ih mah le remcan tik ah nuam tein tuah ding a si.

2022 hlan shoh le RM-10- nei pawl cun a keltein 017 614 3810 ah tlawngkai ni3, n**i 2-4pm karlak ah call a theih ringring lai a si.
HELP site link: https://help.unhcr.org/malaysia/

Duhsaknak thawn,
FRO Malaysia

15/07/2026

UN NEI LO HRANGAH MYSERVICES NGAH ZO
-----------------------------------------
MYSERVICES timi cu UNHCR a thar dilnak, phone number update nak le thil dangdang tuah nak platform a si. UN a nei hrih lo tu zate, 2019-2026 karlak ih UN dilnak tuah tu pawl khal in tuahsal tengteng a tulmi a si. MYSERVICES cu account thar tuah in hman theihmi a si. Account thar tuahnak dingah a hleice in gmail le phone number neih tengteng a tul. Cutin account kan tuah hnu ahcun cumi hman lanta ding a si. MYSERVICES cu a tanglam ih kan tarlanmi link ah tuah a theih ding: Innsang nei pawl hrangah mi pakhat lawng in account pakhat tuah ding a siih nupi fate k*m 18 kim hrihlo pawl thawn hmun khat ah tuah ding a si, asinan k*m 18 tlun pawl cu mah ten account thar tuah ding a si.
https://help.unhcr.org/malaysia/contact-us/

Mi tampi in voi le khat ah kan try tlang a sile MYSERVICES in a neh lo thei. Curuangah hmanhmawh tuk lo dingah kan sawmaw duh. A thiam pawl cun mahte bulpak ih tuah khal a theih ih tuah a thiam lo tu cun FRO zung pan ding khalah kan sawmaw duh a si.

Duhsaknak thawn,
FRO Malaysia

Registration and documentation  To apply for registration, you will first need to submit a request for registration using the self-service portal My Services. This will also apply to applications submitted on the Refugee Malaysia website that are still pending registration.  If you are alrea...