Pravasi Malayalee Association, Malaysia

16/09/2026

Selamat Menyambut Hari Malaysia 2026!!!

12/09/2026

🎉 Celebrate Onam with us and stand a chance to fly !! As part of the Onnichoronam 2026 festivities, mynztrip.biz is bringing you an incredible Lucky Draw giveaway..

Stand a chance to win 2 return flight tickets to Cochin or a 3D/2N hotel stay in Delhi. Join us on 13 September 2026, from 11 AM–5 PM at SJK(C) Lai Meng, Bukit Jalil.

Register • Participate • Win • Make more memories! 💛✨

ഒന്നിച്ചൊരോണം 2026’ ആഘോഷങ്ങളുടെ ഭാഗമായി mynztrip.biz നിങ്ങൾക്കായി ഒരു കിടിലൻ ലക്കി ഡ്രോ സമ്മാനിക്കുന്നു.

കൊച്ചിയിലേക്കുള്ള 2 റിട്ടേൺ ഫ്ലൈറ്റ് ടിക്കറ്റുകളോ അല്ലെങ്കിൽ ഡൽഹിയിൽ 3 പകലും 2 രാവും തങ്ങാനുള്ള സൗജന്യ ഹോട്ടൽ പാക്കേജോ സ്വന്തമാക്കാനുള്ള സുവർണ്ണാവസരം!

തീയതി: 2026 സെപ്റ്റംബർ 13

സമയം: രാവിലെ 11:00 മുതൽ വൈകിട്ട് 5:00 വരെ

സ്ഥലം: SJK(C) Lai Meng, Bukit Jalil

രജിസ്റ്റർ ചെയ്യൂ • പങ്കാളിയാകൂ • സമ്മാനങ്ങൾ നേടൂ • മനോഹരമായ ഓർമ്മകൾ സൃഷ്ടിക്കൂ! 💛✨

Register here to win these and more amazing treats.

www.pmamalaysia.org

https://www.facebook.com/share/19jnK7SQzP/

08/09/2026

Win special prizes sponsored by mynztrip.biz NZ WORLD TOURS & TRAVEL SDN BHD now. Grab your tickets to the event to qualify!!!

08/09/2026

The journey has begun… 👑🔥

THE KING IS COMING BACK!

Get ready to welcome him at Onnichoronam 2026! 🌼💜

Grab your Onnichoronam 2026 tickets 💜✨
🎟️ Register now:
https://www.pmamalaysia.org
📅 13th September 2026
https://www.facebook.com/events/2487508101769713/

05/09/2026

05/09/2026

🇲🇾🇮🇳 *പുതുതായി ചുമതലയേറ്റ ഇന്ത്യൻ ഹൈക്കമ്മീഷണർ ശ്രീ. സോംനാഥ് ഘോഷ് പി എം എയുമായി കൂടിക്കാഴ്ച നടത്തി.*

ക്വാലാലംപൂർ, സെപ്റ്റംബർ 4:
മലേഷ്യയിലെ പുതുതായി ചുമതലയേറ്റ ഇന്ത്യൻ ഹൈക്കമ്മീഷണർ ശ്രീ. സോംനാഥ് ഘോഷുമായി മലേഷ്യയിലെ വിവിധ സംഘടനാ പ്രതിനിധികളുടെ കൂടിക്കാഴ്ച നടന്നു.

സെപ്റ്റംബർ 4ന് നടന്ന കൂടിക്കാഴ്ചയിൽ പ്രവാസി മലയാളി അസോസിയേഷൻ (പി എം എ) പ്രസിഡന്റ് മുജീബ് റഹ്മാൻ സംഘടനയെ പ്രതിനിധീകരിച്ച് പങ്കെടുത്തു.

മലേഷ്യയിലെ ഇന്ത്യൻ സമൂഹത്തിനിടയിൽ പ്രവർത്തിക്കുന്ന വിവിധ സംഘടനകളുടെ പ്രവർത്തനങ്ങളും സാമൂഹിക ഇടപെടലുകളും കൂടിക്കാഴ്ചയിൽ ചർച്ചയായി.

മലേഷ്യയിൽ വലിയ അംഗബലമുള്ള സംഘടനകളിലൊന്നായ പി എം എ നടത്തിവരുന്ന കാരുണ്യ പ്രവർത്തനങ്ങൾ ഹൈക്കമ്മീഷണർ സോംനാഥ് ഘോഷ് പ്രത്യേകം പ്രശംസിച്ചു.

പ്രവാസി സമൂഹത്തിന്റെ ക്ഷേമത്തിനും ദുരിതമനുഭവിക്കുന്നവർക്ക് സഹായമെത്തിക്കുന്നതിനുമായി പി എം എ നടത്തിവരുന്ന പ്രവർത്തനങ്ങൾക്ക് തുടർന്നും ഇന്ത്യൻ ഹൈക്കമ്മീഷന്റെ ഭാഗത്തുനിന്നുള്ള സഹകരണം ഉറപ്പാക്കുമെന്ന് ഹൈക്കമ്മീഷണർ അറിയിച്ചു.

ഹൈക്കമ്മീഷണറുടെ പിന്തുണയും സഹകരണവും പി എം എ യുടെ ഭാവി പ്രവർത്തനങ്ങൾക്ക് വലിയ പ്രോത്സാഹനമാകുമെന്ന് പ്രസിഡന്റ് മുജീബ് റഹ്മാൻ പറഞ്ഞു.

ഇതുവരെ പി എം എയ്ക്ക് നൽകിയ സഹകരണത്തിനും പിന്തുണയ്ക്കും അദ്ദേഹം ഹൈക്കമ്മീഷണറോട് നന്ദി രേഖപ്പെടുത്തി.

ഇന്ത്യ–മലേഷ്യ ബന്ധം കൂടുതൽ ശക്തിപ്പെടുത്തുന്ന സാഹചര്യത്തിൽ പ്രവാസി സംഘടനകളുമായുള്ള ഇത്തരം ആശയവിനിമയങ്ങൾ കൂടുതൽ സഹകരണത്തിന് വഴിയൊരുക്കുമെന്ന് പ്രതീക്ഷിക്കപ്പെടുന്നു.

05/09/2026

PMAയുടെയും ഇന്ത്യൻ ഹൈക്കമ്മീഷന്റെയും ഇടപെടൽ: ലൈല ബീവി നാട്ടിലെത്തി

ജോലി വാഗ്ദാനം ചെയ്ത് മലേഷ്യയിലെത്തിയ ശേഷം ദുരിതത്തിലായതായി പരാതി; ക്വാലാലംപൂരിൽ നിന്ന് സുരക്ഷിതമായി നാട്ടിലേക്ക് മടക്കം

ക്വാലാലംപൂർ: ജോലി വാഗ്ദാനം ചെയ്ത് മലേഷ്യയിലെത്തിയ ശേഷം ദുരിതത്തിലായതായി പരാതി ഉയർന്ന കേരള സ്വദേശിനി ലൈല ബീവി സുഹർബാൻ പ്രവാസി മലയാളി അസോസിയേഷൻ (PMA)യുടെയും ഇന്ത്യൻ ഹൈക്കമ്മീഷന്റെയും ഇടപെടലിനെ തുടർന്ന് സുരക്ഷിതമായി നാട്ടിലെത്തി.

2026 ഫെബ്രുവരി 26-നാണ് കേരളത്തിലെ കരുനാഗപ്പള്ളിയിലെ ഒരു ട്രാവൽ ഏജൻസി മുഖേന ലൈല ബീവി മലേഷ്യയിലെത്തിയത്. ഹോം നഴ്‌സായി ജോലി ലഭിക്കുമെന്ന ഉറപ്പിലാണ് ടൂറിസ്റ്റ്/വിസിറ്റ് വിസയിൽ മലേഷ്യയിലെത്തിയതെന്നാണ് ലഭിച്ച വിവരം.

ക്വാലാലംപൂരിൽ എത്തിയതിന് പിന്നാലെ പാസ്‌പോർട്ട് ഉൾപ്പെടെയുള്ള യാത്രാരേഖകൾ കൈവശം വെച്ചതായും, സ്വതന്ത്രമായി പുറത്തുപോകുന്നതിനും ബന്ധപ്പെടുന്നതിനും തടസ്സങ്ങൾ നേരിട്ടതായും, മാനസികവും ശാരീരികവുമായ ബുദ്ധിമുട്ടുകൾ അനുഭവപ്പെട്ടതായും പരാതി ഉയർന്നു.

ഇതിനിടെ, മലേഷ്യയിലെത്തിയതിന് രണ്ട് ദിവസത്തിന് ശേഷം, ഫെബ്രുവരി 28-ന് Malaysia Airlines MH-108 വിമാനത്തിൽ മടങ്ങുന്നതിനുള്ള ടിക്കറ്റ് മുൻകൂട്ടി എടുത്തിരുന്നതായും കണ്ടെത്തി. ജോലി വാഗ്ദാനം ചെയ്ത് മലേഷ്യയിലെത്തിച്ച സാഹചര്യത്തിൽ ഇത്തരത്തിൽ തിരിച്ചുള്ള ടിക്കറ്റ് നേരത്തെ തന്നെ ബുക്ക് ചെയ്തിരുന്നത് സംബന്ധിച്ചും സംശയങ്ങൾ ഉയർന്നു.

ലൈല ബീവി നേരിടുന്ന സാഹചര്യം സംബന്ധിച്ച വിവരം ലഭിച്ചതിനെ തുടർന്ന് പ്രവാസി മലയാളി അസോസിയേഷൻ (PMA) വിഷയത്തിൽ ഇടപെടുകയും ഇന്ത്യൻ ഹൈക്കമ്മീഷന്റെ ശ്രദ്ധയിൽപ്പെടുത്തുകയും ചെയ്തു. തുടർന്ന് ക്വാലാലംപൂരിലെ ഇന്ത്യൻ ഹൈക്കമ്മീഷനുമായി ബന്ധപ്പെട്ട് ആവശ്യമായ നടപടികൾ ഏകോപിപ്പിച്ചു.

ഇന്ത്യൻ ഹൈക്കമ്മീഷന്റെയും PMAയുടെയും ഇടപെടലിനെ തുടർന്ന് ബന്ധപ്പെട്ട മലേഷ്യൻ അധികൃതരുമായി ആവശ്യമായ ആശയവിനിമയം നടത്തുകയും ലൈല ബീവിയുടെ സുരക്ഷ ഉറപ്പാക്കുന്നതിനും യാത്രാ നടപടികൾ പൂർത്തിയാക്കുന്നതിനുമുള്ള സഹായം ലഭ്യമാക്കുകയും ചെയ്തു. തുടർന്ന് അവർ ഇന്ത്യയിലേക്ക് മടങ്ങി നാട്ടിലെത്തി.

സംഭവത്തിൽ തട്ടിപ്പ്, അനധികൃതമായി തടഞ്ഞുവെക്കൽ, മനുഷ്യക്കടത്ത് തുടങ്ങിയ നിയമലംഘനങ്ങൾ ഉണ്ടായിട്ടുണ്ടോ എന്നത് ബന്ധപ്പെട്ട അധികൃതരുടെ അന്വേഷണത്തിലൂടെ മാത്രമേ സ്ഥിരീകരിക്കാനാകൂ. എന്നാൽ വിദേശത്ത് ജോലി വാഗ്ദാനം ചെയ്യുന്ന ഏജൻസികളെയും വിസാ നടപടികളെയും തൊഴിലുടമകളെയും സംബന്ധിച്ച വിവരങ്ങൾ മുൻകൂട്ടി പരിശോധിക്കേണ്ടതിന്റെ ആവശ്യകത ഈ സംഭവം വീണ്ടും വ്യക്തമാക്കുന്നു.

പ്രവാസികൾ നേരിടുന്ന ഇത്തരം അടിയന്തര സാഹചര്യങ്ങളിൽ ഇന്ത്യൻ ഹൈക്കമ്മീഷനുമായി ഏകോപിച്ച് ആവശ്യമായ സഹായം നൽകുന്നതിനായി PMA തുടർന്നും ഇടപെടുമെന്ന് ഭാരവാഹികൾ അറിയിച്ചു.

04/09/2026

ഷംനാദിന്റെ കുടുംബത്തിന് അഞ്ച് ലക്ഷം രൂപയുടെ മരണാനന്തര സഹായം കൈമാറി

PMA കാരുണ്യനിധിയിലൂടെ പ്രവാസി കുടുംബത്തിന് കൈത്താങ്ങ്

ഗുരുവായൂർ: പ്രവാസി മലയാളി അസോസിയേഷൻ (PMA) അംഗമായിരുന്ന ഷംനാദിന്റെ മരണാനന്തര സഹായമായി അഞ്ച് ലക്ഷം രൂപ കുടുംബത്തിന് കൈമാറി. PMAയുടെ സാമൂഹിക സേവന പ്രവർത്തനങ്ങളുടെ ഭാഗമായി നടപ്പിലാക്കുന്ന കാരുണ്യനിധി പദ്ധതിയിലൂടെയാണ് കുടുംബത്തിന് സഹായധനം നൽകിയത്.

പ്രവാസി മലയാളികൾക്കും അവരുടെ കുടുംബങ്ങൾക്കും ദുരിതകാലങ്ങളിൽ സാമ്പത്തികവും മാനസികവുമായ പിന്തുണ നൽകുക എന്ന ലക്ഷ്യത്തോടെയാണ് PMA കാരുണ്യനിധി പ്രവർത്തിക്കുന്നത്. അംഗത്തിന്റെ മരണാനന്തര സഹായം, അടിയന്തര സാഹചര്യങ്ങളിലെ സാമ്പത്തിക സഹായം തുടങ്ങിയ വിവിധ ജീവകാരുണ്യ പ്രവർത്തനങ്ങളിലൂടെ പ്രവാസി കുടുംബങ്ങൾക്ക് ആശ്വാസമേകുകയാണ് കാരുണ്യനിധി.

ഷംനാദിന്റെ കുടുംബത്തിന് നൽകിയ അഞ്ച് ലക്ഷം രൂപയുടെ സഹായവും “പ്രവാസിക്ക് ഒരു കൈത്താങ്ങ്, കുടുംബത്തിന് ഒരു കരുതൽ” എന്ന PMAയുടെ സാമൂഹിക പ്രതിബദ്ധതയുടെ ഭാഗമാണ്. പ്രവാസ ജീവിതത്തിനിടയിൽ അംഗങ്ങൾക്കും അവരുടെ കുടുംബങ്ങൾക്കും ഉണ്ടാകുന്ന പ്രതിസന്ധികളിൽ ഒറ്റക്കല്ലെന്ന ആത്മവിശ്വാസം നൽകുകയാണ് ഇത്തരം പ്രവർത്തനങ്ങളിലൂടെ സംഘടന ലക്ഷ്യമിടുന്നത്.

സഹായധന കൈമാറ്റ ചടങ്ങിൽ ഗുരുവായൂർ MLA എൻ. കെ. അക്ബർ, ചാവക്കാട് ബ്ലോക്ക് പഞ്ചായത്ത് പ്രസിഡന്റ് അഡ്വ. ഷിബു കെ. കെ., ഗ്രാമ പഞ്ചായത്ത് മെമ്പർ ആർ. പി. ബഷീർ എന്നിവർ പങ്കെടുത്തു.

PMA അഡ്വൈസർമാരായ അഷ്റഫ് മന്തിയിൽ, മുഹമ്മദ് ബാദുഷ, റഷീദ് AKRD, ട്രഷറർ ജബ്ബാർ ഇടുക്കി, ജോയിന്റ് സെക്രട്ടറി അയൂബ് ഖാൻ, ഹെൽപ്പ് വിങ് ചെയർമാൻ കുഞ്ഞുമോൻ, സെൻട്രൽ കമ്മിറ്റി മെമ്പർമാരായ കബീർ എടക്കര, ജമാൽ ക്ലാങ് (സെലാങോർ സ്റ്റേറ്റ് സെക്രട്ടറി) എന്നിവരും ചടങ്ങിൽ സന്നിഹിതരായിരുന്നു.

കാരുണ്യനിധിയിലൂടെ കൂടുതൽ ജീവകാരുണ്യ പ്രവർത്തനങ്ങൾ ഏറ്റെടുത്ത്, പ്രവാസി സമൂഹത്തിനും അവരുടെ കുടുംബങ്ങൾക്കും ആവശ്യമായ ഘട്ടങ്ങളിൽ കൈത്താങ്ങായി തുടരുമെന്ന് PMA ഭാരവാഹികൾ അറിയിച്ചു.