15/10/2026
"हार्दिक श्रद्धाञ्जली तथा शोकसन्तप्त परिवारप्रति समवेदना विज्ञप्ति"
हालै मलेसियाको क्वालालम्पुरमा दुई नेपाली चेलीको भएको दुःखद तथा शङ्कास्पद मृत्युको खबरले जनउद्वार केन्द्र मलेसिया अत्यन्तै मर्माहत र स्तब्ध भएको छ। पेनाङमा कार्यरत दुई नेपाली चेलीको असामयिक निधनले सम्पूर्ण नेपाली समुदायलाई शोकमा डुबाएको छ।
यस दुःखद घडीमा दिवङ्गत आत्माहरूको चिरशान्तिको कामना गर्दै भावपूर्ण हार्दिक श्रद्धाञ्जली अर्पण गर्दछौँ। साथै, शोकसन्तप्त परिवारजन, आफन्तहरू प्रति गहिरो समवेदना प्रकट गर्दछौँ।
घटनाको वास्तविकता उजागर होस्, निर्दोष व्यक्तिले अनाहकमा सजाय भोग्न नपरोस् र दोषी कोही पनि उम्कन नपाओस्
मलेसियामा रोजगारी तथा विभिन्न पेसामा आबद्ध सम्पूर्ण नेपाली दाजुभाइ तथा दिदीबहिनीहरूलाई पनि आफ्नो सुरक्षा, आवास, कार्यस्थल र व्यक्तिगत सम्बन्धका विषयमा सचेत रहन हार्दिक आग्रह गर्दछौँ। कुनै पनि शङ्कास्पद परिस्थिति वा असुरक्षित अवस्थाको सामना गर्नुपरेमा सम्बन्धित निकायसँग समयमै सहयोग लिनुहुन अनुरोध गर्दछौँ।
अन्त्यमा, दिवङ्गत दुवै नेपाली चेलीप्रति पुनः भावपूर्ण श्रद्धाञ्जली अर्पण गर्दै शोकसन्तप्त परिवारजनप्रति गहिरो समवेदना व्यक्त गर्दछौँ। घटनाको निष्पक्ष छानबिन, सत्यतथ्य सार्वजनिक र न्याय सुनिश्चितताका लागि हामी सम्बन्धित सबै पक्षको गम्भीर ध्यानाकर्षण गराउँदछौँ।
भावपूर्ण श्रद्धाञ्जली!