Dzimwe Community Radio

Dzimwe Community Radio First Community Radio Station established in 1998 in Monkey Bay T/A Nankumba in Mangochi District Private Bag 4
Monkey Bay

18/03/2026



#

Zotsatira zosatsimikizika pakuwerengera malo onse 12 oponyera mavoti ku Mikongo Ward zili motere;

Onse omwe analembetsa: 15,174
Onse omwe avota: 4,445
Mavoti ovomerezeka: 4,399
Mavoti owonongeka: 46

Aisha Chikoloni (independent) = 143
Lackson Mustafa Jagaji (independent) = 188
Arthur M'dala Kunje (DPP) = 1,063
Ruth Makwinja (UDF) = 246
James Royidi (independent) = 2,624
Lackson Simba (independent) = 129

(Olemba: Michael Kabuwe - Mangochi)

18/03/2026





Zotsatira zosatsimikizika pakuwerengera malo 11 mwa malo 12 oponyera mavoti ku Mikongo Ward zili motere;

Onse omwe analembetsa: 13,665
Onse omwe avota: 4158
Mavoti ovomerezeka: 4114
Mavoti owonongeka: 44

Aisha Chikoloni (independent) = 143
Lackson Mustafa Jagaji (independent) = 168
Arthur M'dala Kunje (DPP) = 1,025
Ruth Makwinja (UDF) = 234
James Royidi (independent) = 2,412
Lackson Simba (independent) = 124

(Olemba: Michael Kabuwe - Mangochi)

Zotsatira zaku Centre ya Litete FP School ndizomwe zachedwetsa ntchito yomalizitsa kuonkhetsera mavoti m'dera la Mikon...
18/03/2026


Zotsatira zaku Centre ya Litete FP School ndizomwe zachedwetsa ntchito yomalizitsa kuonkhetsera mavoti m'dera la Mikongo ku mpoto chaku m'mawa kwa boma la Mangochi pa chisankho chapadera cha khansala chomwe chachitika dzulo m'derali.

Constituency Returning Officer wa chisankhochi a Nancy Ndazamo wati zotsatirazi zachedwa kaamba kakutitimira m'matope kwa galimoto lomwe limakatenga zotsatirazo kuchokera pa Centre yoponyera voti kufika ku Constituency Tally Centre komwe ndi ku Chimbende TDC.

Izi zili chomwechi potsatira mvula yosalekeza yomwe yakhala ikugwa dzulo lonse imene inakhudzanso ntchito yoponya mavoti.

Pomwe amapumila ntchito yotorera zotsatira m'banda kucha wapitawu a Ndazamo anauza omwe akugwira ntchitoyi kuti akapumire kaye poyembekezera zotsatira za ma Centre atatu a Mtuwa, Nsinjiri ndi Litete zomwe zinali zisanafike pa nthawiyo kaamba kakukokoloka kwa msewu chifukwa cha mvula yochuluka.

Iwo anati galimoto zonyamula zotsatirazo zimayenera kulawirira m'mawa kuti adzapitirize zonse kuyambira nthawi ya 8 koloko m'mawa koma kufikira pano zotsatira zomwe zafika ndi za ma Centre a Mtuwa ndi Nsinjiri pomwe ntchito yovuwula galimoto yotitimirayo inali ikupitirirabe.

Zikafika zotsatira zaku Centre ya Litete kukhala kutsiriza ntchito yotorera ndikuonkhetsera zotsatira zonse za chisankho cha khansala ku Mikongo Ward ndipo bungwe loyendetsa zisankho la MEC ndilomwe lilengeze zotsatira zovomerezeka za chisankho chapaderachi.

(Olemba: Michael Kabuwe - Mangochi)

18/03/2026


Ana awiri a banja limodzi omwe ndi ophunzira a Standard 1 pa Mpilipiri Primary School afa pomwe amafuna kuoloka m'tsinje wa Nanjati omwe unasefukira ndi madzi ku Makanjira m'bomali la Mangochi.

M'neneri wa Polisi ya Makanjira Constable Mike Kamba wati awiriwo ndi Rebecca Samu wa zaka 8 komanso Issah Samu wa zaka 6.

Iye wati anawo akumana ndi ngoziyi lachiwiri pa 17 March 2026 pamene amapita ku sukulu potsatira mvula yosalekeza yomwe yakhala ikugwa m'deralo kuyambira lachisanu pa 13 mwezi uno.

Rebecca ndi Issah Samu anali ochokera m'mudzi wa Mpangama kwa mfumu yaikulu Makanjira m'boma la Mangochi.

(Olemba: Michael Kabuwe - Mangochi)

ZOTSATIRA ZA FINAL YA AFCON ZASINTHIDWA.Zalengezedwa kuti Senegal yataya chikho cha Afcon pa masewero a m'ndime yomal...
18/03/2026




ZOTSATIRA ZA FINAL YA AFCON ZASINTHIDWA.

Zalengezedwa kuti Senegal yataya chikho cha Afcon pa masewero a m'ndime yomaliza omwe adachitika pakati pa timuyi ndi ya Morocco.

Malingana ndi CAF timu ya Morocco tsopano ndiwo akatswiri a chikhochi.

Mwa zina Caf yati timu ya Senegal inaphwanya malamulo pomwe inatuluka m'bwalo la masewero, posagwirizana ndi chiganizo cha yemwe ankayimbira masewerowa cha penalty, masewerowa asanathe.

(Olemba: Davie Elton Phiri)

18/03/2026



#

Zotsatira zosatsimikizika pakuwerengera malo 9 oponyera mavoti zili motere;

Onse omwe analembetsa: 8,952
Onse omwe avota: 2,741
Mavoti ovomerezeka: 2,720
Mavoti owonongeka: 21

Aisha Chikoloni (independent) = 131
Lackson Mustafa Jagaji (independent) = 85
Arthur M'dala Kunje (DPP) = 978
Ruth Makwinja (UDF) = 211
James Royidi (independent) = 1,195
Lackson Simba (independent) = 112

(Olemba: Michael Kabuwe - Mangochi)

#Pamene kuponya voti atseka nthawi ya 4 koloko madzulo ano pa malo ovotera a Malukula Polling Centre ntchito yowereng...
17/03/2026



#
Pamene kuponya voti atseka nthawi ya 4 koloko madzulo ano pa malo ovotera a Malukula Polling Centre ntchito yowerengera mavoti yatha pomwe anthu akuyembekezera mwachidwi kumva zotsatira.

Centre yi yomwe ili ndi ma Polling Station awiri anthu omwe analembetsa kuti adzavota analipo okwana 1913 ndipo omwe avota alipo 806.

Zotsatira zosatsimikizika kuchokera ku Malukula Polling Station 1 zikusonyeza kuti a Aisha Chikoloni a independent apeza mavoti 4, a Lackson Mustafa Jagaji a independent apeza mavoti 2, a Arthur M'dala Kunje a DPP apeza mavoti 174, a Ruth Makwinja a UDF apeza mavoti 94, a James Royidi a Independent apeza mavoti 113 ndipo a Lackson Simba a independent apeza mavoti 26.

Pomwe kuchokera ku Malukula Polling Station 2 zotsatira zosatsimikizika zikusonyeza kuti a Aisha Chikoloni a independent apeza mavoti 9, a Lackson Mustafa Jagaji a independent apeza mavoti 1, a Arthur M'dala Kunje a DPP apeza mavoti 151, a Ruth Makwinja a UDF apeza mavoti 89, a James Royidi a Independent apeza mavoti 115 ndipo a Lackson Simba a independent apeza mavoti 21.

Mavoti owonongeka kuchokera ku Malukula Polling Station 1 analipo asanu (5) pomwe ku Malukula Polling Station 2 voti yowonongeka inalipo imodzi (1) ndipo zotsatira zotsimikizika zikuyembekezeka kulengezedwa ndi bungwe loyendetsa zisankho la MEC likaunikira zonse kuphatikizapo mavoti owonongeka.

(Olemba: Michael Kabuwe - Mangochi)

17/03/2026


Senior Chief Lulanga yamdera la Makanjira m'boma la Mangochi yati nyumba zambiri zagwa pomwe zina mwalowa madzi ndipo anthu akusowa pokhala.

Iwo ati pakadali pano chiwelengero cha nyumba zomwe zagwa sichikudziwika.

Mfumuyi yati yadziwitsa kale ofesi ya bwanamkubwa wa boma la Mangochi ndi bungwe lowona ngozi zogwa mwadzidzi la Dodma za momwe zinthu zilili kudera kwake.

(Wolemba : Hope Nyondo)

#Vuto lalikulu lomwe lakhudza ntchito yoponya voti m'malo ambiri ku Mikongo Ward ndilokhudza nyengo m'mene kwachera ...
17/03/2026



#

Vuto lalikulu lomwe lakhudza ntchito yoponya voti m'malo ambiri ku Mikongo Ward ndilokhudza nyengo m'mene kwachera pomwe kabweredwe ka ovota kali konyinyirika.

M'malo ovotera omwe tayendera kale m'mawa uno monga kwa Malukula, Malombera, Chowe Primary komanso Secondary School, vuto la nyengo li ladzetsanso mdima m'makalasi momwe anthu akuvotera pamene kuponya voti sikukuchitikira pa bwalo monga mwa chikonzero cha MEC chifukwa cha mvula ya mphamvu.

Palibe malo oponyera voti omwe akumana ndi mavuto okhudza makina kapena network kupatula mdima omwe ovota akumadandaula kuti sakumaona ndipo akumagwiritsa ntchito matochi a phone kaamba koti nyali za bungwe la MEC sizingakwane mu ka booth kovotera.

Anthu okwana 15,002 ndamene akuyembekezeka kuti akhale ataponya voti ikamakwana nthawi ya 4 koloko madzulo a lero ku Mikongo Ward yomwe ikupezeka m'dera laku mpoto chaku m'mawa kwa boma la Mangochi.

(Olemba: Michael Kabuwe - Mangochi)

A Group a Kasankha amdera la Monkey Bay m'boma la Mangochi ati nyumba ziwiri ndi zomwe zadziwika kaye pakadali pano ku...
17/03/2026


A Group a Kasankha amdera la Monkey Bay m'boma la Mangochi ati nyumba ziwiri ndi zomwe zadziwika kaye pakadali pano kuti zagwa mdera lawo kutsatira mvula yomwe ikupitilira kugwa m'maboma ena akuchigawo chakumwera ndi m'mphepete mwa nyanja ya Malawi.

Iwo ati chiwelengerochi chitha kukwera kaamba koti pakadali pano anyamata awo akupitiliza kuyendera midzi yosiyanasiyana kuti awone momwe zinthu zilili popeza nyumba zambiri zazungulilidwanso ndi madzi.

Mfumuyi yati midzi yomwe ili pachiopsezo kwambiri ndi ya m'mbali mwa nyanja komanso wa Kamphande ndipo yati pakadali pano palibe yemwe wavulala.

Nthambi ya zanyengo inalosela kuti mvula ya mphamvu ipitilira kugwa m'maboma ena mchigawo chakumwera sabata ino zomwe zitha kupereka chiopsezo cha kusefukira kwa madzi.

(Olemba : Hope Nyondo)

Ngakhale kwacha kwa nyengo ya mvula koma anthu ayamba kale kuvota ku Mikongoko Ward ku Mangochi North East Constituen...
17/03/2026




Ngakhale kwacha kwa nyengo ya mvula koma anthu ayamba kale kuvota ku Mikongoko Ward ku Mangochi North East Constituency komwe kukuchitika chisankho chakhansala.

Pamene nthawi imakwana 6 koloko m'mawa pa Poling Station ya Malukula anthu anali atasonkhana kale.

Anthu okwana 1,913 ndiomwe akuyembekezeka kuvota pa Station-yi yomwe ili ndi mizere (polling centre) iwiri.

Anthu asanu ndi m'modzi (6) ndiomwe akupikisana pa chisankho cha khansala ku Mikongo Ward pamene anayi ndioyima paokha (independent) ndipo awiri akuimira zipani.

Anthuwa ndi a Aisha Chikoloni a independent, a Lackson Mustafa a independent, a Arthur Kunje M'dala a DPP, a Ruth Makwinja a UDF, a James Royidi a Independent ndi a Lackson Simba a independent.

Chisankho cha khansala ku Mikongo Ward sichinachitike pa 16 September 2025 potsatira imfa ya m'modzi wa opikisana nawo yemwe anamwalira pa ngozi m'mwezi wa August.

(Olemba: Michael Kabuwe - Mangochi)

Chenjezo la chiopsezo cha mvula ya mphamvu kuyambira mawa lachiwiri pa 17 March mpaka lachinayi pa 19 March 2026, mak...
16/03/2026



Chenjezo la chiopsezo cha mvula ya mphamvu kuyambira mawa lachiwiri pa 17 March mpaka lachinayi pa 19 March 2026, maka m'madera am'mbali mwa Nyanja komanso chigawo chaku Mwera.

Monga ku Thyolo,Salima, Nkhotakota, Dedza, Ntcheu, Blantyre, Mulanje ndi Chiradzulu.

Address

Monkey Bay
Mangochi

Opening Hours

Monday 06:00 - 22:00
Tuesday 06:00 - 22:00
Wednesday 06:00 - 22:00
Thursday 06:00 - 22:00
Friday 06:00 - 22:00
Saturday 06:00 - 22:00
Sunday 06:00 - 22:00

Telephone

+265991341998

Website

,

Alerts

Be the first to know and let us send you an email when Dzimwe Community Radio posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Dzimwe Community Radio:

Shortcuts

Share

Category