30/07/2026
Nkhani ya chisoniðŸ˜
Apolisi ku Zomba akufufuza za imfa yomwe akuganiza kuti ndi yodzipha, pambuyo poti mtembo wa mnyamata wa zaka 21 wapezeka utapachikidwa pa mtengo m'nkhalango ya Malosa pafupi ndi mtsinje wa Likwenu.
Malemuwa adziwika kuti ndi a Precious James, omwe anasowa pa 16 Epulo chaka chino ndipo thupili lapezeka dzulo, zomwe zathetsa miyezi ingapo ya kusadziwika komwe anali.
Malinga ndi Mneneri wa Polisi ya Zomba, constable Andrew Mwale, wati apolisi a dipatimenti ya Criminal Investigation (CID) ochokera ku Domasi Police Post anapita kumaloko atalandira lipoti la nkhaniyi.
APolisiwa ati mtembowo unapezeka utawonongeka kwambiri, utapachikidwa pa mtengo pogwiritsa ntchito chidutswa cha nsalu chomwe akukhulupirira kuti chinang'ambidwa kuchokera pa thalauza la malemuyo.
Ndipo atalipima thupilo pa chipatala cha St. Luke's zasonyeza kuti imfayo idachitika chifukwa chosowa mpweya kaamba kopindika pakhosi.
Polisi yatinso achibale a malemuyo anatsimikizira kuti mtembowo unali wa Precious James, ndipo chilolezo chokachita mwambo wamaliro chinaperekedwa.
Precious James amachokera m'mudzi wa Mtambo, Mfumu Yaikulu Malemia m'boma la Zomba ndipo ayikidwa m'manda lero m'mudzi wa Sakata, mfumu Yaikulu Malemia m'boma lomwelo.
Source jojofm
