16/05/2026
ޖަމިއްޔާތަށް ބާރުވެރިކޮށް ކުރިއެރުވުމަށް ގުޅިގެން ގިނަ މަސައްކަތްތަކެއްކުރެވި، އިޖުތިމާއީ ހަރަކާތްތައް ހިންގުމަށް ޖަމިއްޔާތަކަށް މާލީ އެހީތެެިކަން ފޯރުކޮށްދީ، ކުޅިވަރުގެ ދާއިރާއިން މީހުން ބިނާކުރުމަށް ށ.އަތޮޅު ކައުންސިލުގެ މި ދައުރުގައި ވަރަށް ގިނަ މަސައްކަތްތަކެއް ކޮށްފައިވާކަން ފާހަގަކުރަން. މިކަމަށްޓަކައި ޔުނިޓީ ސްޕޯޓްސް އެކަޑަމީގެ ހިންގާ ކޮމެޓީއާއި އާންމު މެމްބަރުންގެ ނަމުގައި، ށ.އަތޮޅު ކައުންސިލުގެ ރައީސް ޝިޔާންޓޭ، އެންމެހާ މެމްބަރުން، ސެކްރެޓަރީ ޖެނެރަލް އަދި އެންމެހާ މުވައްޒަފުންނަށް ހިތުގެ ފުންމިނުން ޝުކުރު ދަންނަވަން.
Shaviyani Atoll Council
ށ.އަތޮޅު ކައުންސިލްގެ ހަތަރުވަނަ ދައުރަކީ ހުރިހާ ދާއިރާއަކުންވެސް ފާހަގަކޮށްލެވޭ ފަދަ ބޮޑެތި ކުރިއެރުންތަކެއް ހާސިލުކޮށް، ނަމޫނާ ދެއްކި ކާމިޔާބު ދައުރެކެވެ. މި ކާމިޔާބީތަކަކީ ކައުންސިލްގެ މެންބަރުންނާއި މުވައްޒަފުން އެކުވެރިކަމާއެކު، އެއް ޓީމެއްގެ ގޮތުގައި ކުރެއްވި ބުރަ އަދި އިޚުލާޞްތެރި މަސައްކަތުގެ ފޮނި ނަތީޖާއެވެ.
ކައުންސިލްގެ ރައީސް ގެންގުޅުއްވި ހަރުދަނާ އުސޫލުތަކާއި، ދެއްކެވި ކެރޭ، ހިތްވަރުގަދަ އިސްނެންގެވުން އަދި ކައުންސިލްގެ މެންބަރުން ބެހެއްޓެވި ޝައުޤުވެރިކަމާއި އަހަންމިއްޔަތުކަމަށްޓަކައި މި ޓީމަށް ނުހަނު އިޚުލާޞްތެރިކަމާއެކު ޝުކުރު އަދާކުރަމެވެ.
އަތޮޅުގެ މުސްތަޤުބަލަށް އަމާޒުކޮށްގެން ކައުންސިލުން އެކުލަވައިލި ޕްލޭންތަކާއި ހިންގި ހަރަކާތްތަކަކީ، އޭގެ ހެޔޮ މަންފާ އެތައް ދުވަހަކަށް މި މުޖުތަމަޢަށް ފޯރާނެ މުހިންމު މަސައްކަތްތަކެކެވެ.
ށ.އަތޮޅަށާއި މި ގައުމަށް އަދަށްވުރެ ފަހި މާދަމާއެއް މިންވަރު ކުރައްވާށި! އާމީން!
