Soċjetà Filarmonika La Stella

25/10/2026

Dalgħodu, fit-Teatru Astra Cultural Hub, ġiet inawgurata “The Scenographer’s Opera”, esibizzjoni ddedikata lill-mixja artistika u l-wirt xenografiku tal-artist Għawdxi Joseph Cauchi.

Il-ftuħ sar fil-preżenza tal-Ministru għal Għawdex Clint Camilleri, b’diskors mill-artist Joe Scerri u konklużjoni mill-President tas-Soċjetà Michael Formosa, li sellem il-kontribut importanti ta’ Cauchi fil-produzzjoni tal-opra, fil-ħolqien tas-settijiet u fit-trawwim u fit-taħriġ ta’ ġenerazzjonijiet ta’ voluntiera.

24/10/2026

Aġġornament fuq proġetti (3)

Fl-aħħar jiem, il-foyer tat-Teatru Astra kompla jissebbaħ bl-installazzjoni ta’ sitt globi ta’ ħġieġ fin u artiġjanali.

Dan huwa pass ieħor fil-pjan kontinwu ta’ tisbiħ u riġenerazzjoni tal-Każin u l-ispazji kummerċjali li beda fl-2020.

L-amministrazzjoni tas-Soċjeta’ La Stella hi grata lejn benefattur partikolari li ffinanzja dan il-proġett.

21/10/2026

18/10/2026

Fi ftit ġimgħat oħra, il-Banda Ċittadina La Stella se tkun qed ittella’ programm mużikali ddedikat għall-mużika tal-kompożitur ċelebri John Williams. 🎥

Dan il-kunċert, taħt id-direzzjoni ta’ Mro John Galea, se jinkludi wkoll is-sehem tal-Kor Piccole Stelle, taħt id-direzzjoni ta’ Ms Sylvana Attard, kif ukoll il-parteċipazzjoni speċjali tal-vjolinista Bernard Curmi Puse. 🎶

Il-biljetti jinsabu għall-bejgħ minn 👉 https://teatruastra.org.mt/events/2026/a-celebration-of-john-williams

Il-membri tas-Soċjetà li ħallsu l-miżata tas-sena 2026 jistgħu jirreġistraw għall-biljett tagħhom fuq 👉 https://forms.gle/5WD6rBvCPXzUM71HA

16/10/2026

Aġġornament dwar Proġetti (2)

Bi tħejjija għall-ftuħ tal-istaġun il-ġdid tat-Teatru Astra, fl-aħħar ġranet ġew konklużi fażijiet importanti ta’ manutenzjoni u rinovament li se jkomplu jsaħħu l-infrastruttura u l-potenzjal operattiv tat-teatru.

Fost ix-xogħlijiet oħra li tlestew hemm:

▫️l-estensjoni u r-rinovament tal-orchestra pit;

▫️is-sostituzzjoni tal-aperturi kollha tul il-kurituri tal-ewwel livell tat-teatru; u

▫️’membrane’ ġdid fuq sezzjoni mill-bjut tal-istess teatru.

Dan l-investiment sar ukoll bl-għajnuna tal-Iskema Wirt Kulturali, fond amministrat mill-Kunsill Malti għall-Arti, u jkompli jixhed l-impenn kontinwu lejn il-konservazzjoni, it-titjib u l-iżvilupp tal-faċilitajiet tat-Teatru Astra.

12/10/2026

Serata mużikali mill-isbaħ organizzata mill-Iskola tal-Mużika tal-Banda Ċittadona La Stella il-bieraħ 11 ta’ Ottubru fit-Teatru Astra Cultural Hub. 🎶

Matul is-serata, l-istudenti kellhom l-opportunità juru t-talenti tagħhom permezz ta’ solos, biċċiet ta’ chamber music u, fi tmiem il-programm, bħala ensemble.

L-istudenti ġew imħarrġa mill-għalliema Michael Bonnanno u Michela Schembri fis-sezzjoni tal-qasba, kif ukoll minn George Camilleri fis-sezzjoni tar-ramm.

Fi tmiem l-attività, il-President tas-Soċjetà Filarmonika La Stella, Michael Formosa, irringrazzja lill-għalliema, lill-istudenti u lill-ġenituri għall-impenn tagħhom. Huwa stqarr li, fost il-ħafna proġetti u attivitajiet li torganizza s-Soċjetà La Stella, l-Iskola tal-Mużika tibqa’ l-isbaħ proġett tagħha, filwaqt li ddeskriva s-serata bħala wieħed mill-isbaħ avvenimenti tas-sena għax titfa’ dawl fuq il-futur u fuq il-ġenerazzjoni li se tkompli tibni fuq il-wirt mużikali tas-Soċjetà.

Is-serata ttellgħet bl-għajnuna tal-Ministeru għal Għawdex u bl-appoġġ tal-Aġenzija Żgħażagħ u l-Għaqda Każini tal-Banda.

Is-serata kienet ippreżentata minn George Cassar.

📸 Joe Attard

09/10/2026

Ibda esperjenza li twassalek għall-mixja fil-mużika, volontarjat u kontribut fil-kommunita’. 🎼

Ingħaqad illum mall-Banda Ċittadina La Stella. 🎷

👉 Għamel kuntatt magħna fuq din il-paġna jew fuq [email protected].

08/10/2026

Aġġornament dwar proġetti.

Fi ftit ġimgħat oħra t-Teatru Astra ser jiftaħ staġun ieħor impenjattiv, bi programm mimli attivitajiet u produzzjonijiet.

Matul l-aħħar xhur saru u għadhom għaddejjin diversi xogħlijiet ta’ manutenzjoni u titjib fil-propjeta tas-Soċjeta’, bil-għan li jkomplu jsaħħu l-faċilitajiet offruti u jiffaċilitaw l-operat tat-Teatru u l-Każin.

Fost ix-xogħlijiet, bħalissa qed jsir: ir-ristrutturar tal-kmamar tal-banju li ser iservu t-tielet sular tat-Teatru, interventi fil-garaxxijiet u l-imħażen tal-backstage, kif ukoll l-installazzjoni ta’ railings ġodda fuq il-bjut, sabiex jissaħħu aktar il-livelli ta’ sigurtà u aċċessibbiltà.

Fil-ġranet li ġejjin ser inkunu qed naqsmu aktar dettalji dwar proġetti importanti oħra li tlestew matul dawn l-aħħar xhur u li qed ikomplu jtejbu l-infrastruttura u l-faċilitajiet tat-Teatru Astra.

08/10/2026

F’anqas minn xahar, l-opra popolari Madama Butterfly se tittella’ fit-Teatru Astra. 🦋

Dan l-artiklu ta’ Times of Malta jagħti ħarsa lejn il-kast internazzjonali li se jagħti l-ħajja lil din il-produzzjoni.

Biljetti jistgħu jinxtraw online fuq 👉 https://teatruastra.org.mt/events/2026/madama-butterfly

Puccini’s enduring masterpiece will be presented on October 29 and 31

04/10/2026

Is-Soċjetà Filarmonika La Stella tingħaqad mal-Komunità Franġiskana Konventwali tal-Belt Victoria fiċ-ċelebrazzjoni tal-festi solenni u l-anniversarju speċjali ta’ San Franġisk t’Assisi, filwaqt li twassal l-awguri tagħha għal din l-okkażjoni.