Akkademja tal-Malti

20/06/2026

L-Akkademja tal-Malti tifraħ lid-Dipartiment tal-Malti tal-Università ta' Malta fit-tnedija tal-proġett Dizzjunarju.mt

https://dizzjunarju.mt/

Dawn huma l-ewwel passi biex ikollna dizzjunarju nazzjonali diġitali tal-Malti bħala riżorsa ta’ referenza awtorevoli, moderna u aċċessibbli minn kulħadd mingħajr ħlas.

Nawguraw li dan il-proġett jissokta matul is-snin biex ikollna dizzjunarju li tassew jirrifletti lsienna.

Għal aktar dettalji żur: https://dizzjunarju.mt/dwarna.html

"L-ewwel pass l-aktar iebes, għalhekk min jibda, għal li ma jasalx, ikun mexa aktar minn min warajh jissokta u jtemm" - Dun Karm, "Il-Malti", 1933, Nru III, p. 34.

Dizzjunarju.mt hu d-dizzjunarju nazzjonali diġitali tal-Malti li qed jinbena mid-Dipartiment tal-Malti fl-Università ta’ Malta bħala riżorsa ta’ referenza awtorevoli, moderna u aċċessibbli minn kulħadd mingħajr ħlas.

01/06/2026

Nirringrazzjaw lil Dr Patrick Sammut għall-ħarġa oħra ta' "Il-Pont" (nru 90, Ġunju 2026).

01/06/2026

https://tvmnews.mt/news/jien-illum-inhossni-nannu-tal-malti-ghax-ghallimt-il-bicca-l-kbira-tan-nies-li-studjaw-il-malti/

Lill-Professur Manwel Mifsud ħafna jafuh fil-qasam tal-Malti. B***a tgħallmu mingħandu minn fuq il-bank tal-iskola u…

28/05/2026

Kors qasir f'Lulju u Awwissu
TISĦIĦ FIL-KITBA TAL-MALTI GĦALL-ISTUDENTI KOLLHA TAL-UM

Fit-8 ta' Lulju 2026 jibda l-kors qasir online DGP0453 Tisħiħ fil-Kitba tal-Malti 1 għall-istudenti kollha tal-UM.

Kull nhar ta' Erbgħa, 3:00pm - 5:00pm. Tmien lezzjonijiet ta' sagħtejn il-waħda. Lettur: Keith Attard.

Biex tinkitbu: Ċemplu 2340 2555 jew iktbu lil [email protected] jew idħlu hawn:

https://www.um.edu.mt/study/degreeplus/registration/form/

26/05/2026

Kors qasir f'Lulju u Awwissu għal KULĦADD
IL-LINGWA TAS-SAĦĦA, IS-SAĦĦA TAL-LINGWA

Fit-8 ta' Lulju 2026 jibda l-kors DGP0457 Il-Lingwa tas-Saħħa, is-Saħħa tal-Lingwa għall-istudenti kollha tal-UM u għall-PUBBLIKU.

Kull nhar ta' Erbgħa, 5:00pm - 7:00pm. Tmien lezzjonijiet ta' sagħtejn il-waħda. Lettriċi: Theresa Tabone Abdilla.

Biex tinkitbu: Ċemplu 2340 2555 jew iktbu lil [email protected] jew idħlu hawn:

https://www.um.edu.mt/study/degreeplus/registration/form/

19/05/2026

L-AKKADEMJA TAL-MALTI ssellem lil P. Norbert Ellul Vincenti OFM li ħalla din id-dinja fl-età ta’ 88 sena. Huwa kien jinsab għall-kura fl-Isptar Mater Dei minħabba problemi respiratorji.
Fr Norbert twieled il-Gżira fis-27 ta’ Ġunju 1937 u studja fl-iskola ta’ St Joseph u dik tas-Salesjani f’Tas-Sliema. Studja wkoll fis-Seminarju ta’ Malta u f’Colchester, ir-Renju Unit, fejn iggradwa bil-M.A. mill-Università ta’ Oxford.

Daħal fl-Ordni tal-Franġiskani Minuri fl-1953 u ħa l-professjoni tiegħu fl-1958. Ġie ordnat saċerdot fl-1960.

Fr Norbert għallem l-Ingliż f’livelli differenti fis-Seminarju Franġiskan, f’St Joseph Technical School, fil-Liċeo kif ukoll fil-Kulleġġ Stella Maris tal-Gżira.

Kien kritiku magħruf kemm tal-films ċinematografiċi kif ukoll tal-arti u kien ukoll membru fil-Bord taċ-Ċensura. Kiteb għadd sabiħ ta’ reċensjonijiet ta’ kotba kif ukoll ta’ produzzjonijiet teatrali li saru f’diversi teatri f’Malta, fosthom fit-Teatru Manoel.

Fost il-kitbiet tiegħu nsibu stejjer qosra, drammi bl-Ingliż u bil-Malti, u ammont kbir ta’ kitbiet f’ġurnali differenti bil-Malti u l-Ingliż. Fost xogħlijiet oħra ppubblika St Mary of Jesus of the Franciscan Friars Minor – Brief History and Guide (1977), The Miraculous Crucifix at Ta’ Ġiesu Church (1979) u Maltese Confraternities: The Archconfraternity of the Holy Cross, Valletta (1986).

Kien ilu jikteb b’mod regolari artikli ta’ interess ġenerali f’In-Nazzjon għal aktar minn għaxar snin u l-aħħar artiklu tiegħu deher it-Tnejn 18 ta’ Mejju 2026.

https://www.facebook.com/watch/?v=4870813843002987