Tal Kantina - Festi Esterni Ssma.Trinita - Marsa Ad1975

15/06/2026

STQARRIJA UFFIĊJALI Data: 15/06/2026
Il-Festa li ccelebrajna gewwa l-Marsa
Issa li għaddiet il-festa tant għażiża għalina, l-Għaqda Festi Esterni SSma. Trinità tixtieq twassal diversi punti importanti li ħarġu minn din il-festa. F'ġimgħa waħda biss, rajna b***a emozzjonijiet differenti mill-poplu Marsi, u nħossu li wasal il-mument li nagħmlu l-leħen tagħna ċar.
Nibdew billi nindirizzaw l-insulti kbar li saru lejn din l-Għaqda. Rajna diversi messaġġi fuq il-paġni ta' Facebook minn uħud li taparsi jsejħu lilhom infushom Marsin, fejn ippruvaw jitfgħu dell ikrah fuq l-Għaqda tant għażiża għalina. Agħar minn hekk, din il-provokazzjoni ma waqfitx biss fuq l-internet, iżda rajna dawn l-istess insulti jsiru direttament waqt il-marċijiet tal-festa stess, kif ukoll fit-toroq Marsin tagħna. Iżda le, aħna ma waqajniex għal dak it-tip ta' aġir u ma nżilniex għal dak il-livell.
Bħala Għaqda, iddeċidejna bil-għaqal li nħallu l-festa tgħaddi, sabiex inkunu ċerti li ma tinħoloqx tensjoni żejda fil-komunità tagħna. Dan għamilnieh minkejja l-intimidazzjoni u l-instigazzjoni kontinwa li bdejna nesperjenzaw matul il-ġimgħa kollha tal-festa.
F'dan id-dawl, il-President flimkien mal-Kumitat jixtiequ jirringrazzjaw mill-qalb lill-partitarji tagħna. Matul din il-ġimgħa kollha, intom wrejtu maturità kbira billi ma waqajtux għal din l-intimidazzjoni, li saħansitra baqgħet għaddejja sal-mument stess li l-membri tal-Għaqda tagħna reġgħu daħħlu l-istatwa, tant għażiża għalina l-Marsin, lura fil-Knisja.
Ta' min jispjega wkoll li din is-sena, bħala Għaqda, ħadna d-deċiżjoni li norganizzaw festa ridotta proprju minħabba dawn l-istess ostakli li qegħdin ngħaddu minnhom bħalissa. Din id-deċiżjoni diffiċli ma ttieħditx bl-għaġġla, iżda ġiet diskussa b'għaqal kbir u b'responsabbiltà bejn il-Kumitat u l-avukati tal-istess Għaqda.
Ma' din l-istqarrija rridu nżidu ringrazzjament lill-avukati tal-Għaqda, Dr. Edward Zammit Lewis u Dr. José A. Herrera LL.D. Inżidu wkoll li, bħala Għaqda, imxejna mal-pariri tal-avukati skont l-obbligi statutarji dwar l-armar, nar u l-marċi li ġew organizzati mill-Għaqda għall-festa ta' din is-sena.
Għalxejn ngħidu li aħna Marsin kburin u nifirħu bil-festa, jekk imbagħad ninsabu f'sitwazzjoni fejn, fil-futur qrib, il-patrimonju tagħna ta' armar lussuż jinsab f'sogru li jiġi żgumbrat mill-Jhanzi Hall. Kull Marsi jaf tajjeb li din il-binja nbniet bl-għaraq tal-poplu tagħna, bl-istess mod kif l-armar imprezzabbli nħadem minn missirijiet il-Marsin kollha. Dan mhuwiex sempliċiment injam jew drapp, iżda l-identità u l-istorja tagħna.
Madankollu, l-Għaqda trid tagħmilha ċara li dawn l-insulti, l-intimidazzjoni u l-ostakli kollha li kellna quddiemna żgur mhumiex se jaqtgħulna qalbna. Għall-kuntrarju, dan kollu se jkompli jħeġġiġna b'determinazzjoni akbar biex inkomplu naħdmu u nipproteġu kull biċċa armar li bħalissa tinsab ġewwa l-Jhanzi Hall. L-Għaqda Festi Esterni SSma. Trinità se tibqa' tarka tal-wirt Marsi. Aħna lesti li nibqgħu nissieltu għal dak li huwa tagħna u għal dak li ħallewlna missirijietna.
Għalissa, bħala Kumitat, se nżommukom infurmati b'dak kollu li qed jiġi diskuss. Nixtiequ ninfurmawkom li l-proċess u d-diskussjonijiet dwar din il-problema kritika li qed niffaċċjaw mhumiex konklużi. Fil-fatt, id-diskussjonijiet għadhom għaddejjin bejn l-avukati taż-żewġ partijiet. Madankollu, din is-sitwazzjoni inċerta sfortunatament għadha qed tpoġġi l-operat u l-futur tal-Għaqda tagħna f'riskju kbir. Għall-għeluq, minn qalbna nixtiequ nirringrazzjaw lis-sezzjonijiet kollha fi ħdan l-Għaqda, lill-Kappillan Patri Paul Bugeja OFM Cap., lill-Forzi tal-Ordni u lill-entitajiet kollha involuti fis-sigurtà, u lilkom Marsin ta' rieda tajba. Minn qalbna nirringrazzjaw ukoll lil dawk kollha li wrew solidarjetà magħna, speċjalment lil dawk li b'tant għożża japprezzaw il-ħidma volontarja tagħna. Aħna determinati li nkomplu nipproteġu kemm il-volontarjat Marsi, kif ukoll il-patrimonju tagħna l-Marsin.
B'determinazzjoni u b'imħabba lejn il-festa,
Il-President u l-Kumitat
Għaqda Festi Esterni Santissima Trinità – Marsa See less

Non-governmental organisation (NGO)

27/05/2026

Data: 27/05/2026
AĠĠORNAMENT UFFIĊJALI: IL-FESTA TAT-TRINITÀ 2026
Mill-President u l-Kumitat tal-Għaqda Festi Esterni Santissima Trinità, Marsa

Għeżież parruċċani u partitarji kollha,

Nixtiequ nagħtukom aġġornament b’rabta mal-istqarrija uffiċjali li ħriġna fid-9 ta’ Mejju li għadda rigward is-sitwazzjoni tal-Għaqda tagħna u n-nuqqas ta’ armar fit-toroq għal din is-sena.

Bħala Kumitat, b’responsabbiltà sħiħa u b’imħabba kbira lejn il-festa u l-komunità tagħna, ninfurmawkom li l-Għaqda bagħtet uffiċjalment kontra-proposta lill-Provinċjal nhar l-14 ta’ Mejju 2026. Din il-proposta saret b’mod ġust u bil-għan li jinstab bilanċ li jipproteġi l-futur tal-Għaqda u l-ħidma volontarja.
Madankollu, iridu ninfurmawkom li sa dan il-mument, l-Għaqda għadha ma rċeviet l-ebda tweġiba jew komunikazzjoni lura.

Meta fadal biss 11-il ġurnata mill-bidu uffiċjali tal-festa tas-Santissima Trinità, iż-żmien qed jagħfas u s-sitwazzjoni qed issir aktar kritika. B’dispjaċir ngħidu li jekk din il-kontra-proposta li bgħatna ma tiġix aċċettata, is-sitwazzjoni inċerta tal-Għaqda se tkompli tpoġġi l-operat tagħna f’riskju kbir.

Aħna nibqgħu determinati u lesti għal djalogu miftuħ, bit-tama li l-affarijiet jinbidlu b’rispett u b’għożża lejn il-festa tal-poplu tagħna. Grazzi mill-qalb tal-appoġġ kontinwu u l-kuraġġ li qed turuna f’dawn il-mumenti kruċjali.

Inżommukom infurmati b’kull żvilupp li jista’ jkun hemm.

B’determinazzjoni, Il-President u l-Kumitat Għaqda Festi Esterni Santissima Trinità – Marsa

09/05/2026

Data: 09/05/2026
STQARRIJA UFFIĊJALI: IL-FESTA TAT-TRINITÀ 2026
Mill-President u l-Kumitat tal-Għaqda Festi Esterni Santissima Trinità, Marsa.
Għeżież parruċċani u partitarji kollha tal-festa tagħna,
Huwa b’dispjaċir kbir li ma nistgħux niddeskrivu b’kliem, li l-Kumitat tal-Għaqda qed joħroġ din l-istqarrija. Kif ġie mħabbar mill-Kappillan tagħna, P. Paul Bugeja OFM Cap, il-festa tas-Santissima Trinità se tiġi ċċelebrata fl-14 ta’ Ġunju. Iżda din is-sena, it-toroq tagħna se jibqgħu neqsin mill-armar li tant inħobbu u li tant naħdmu għalih b’għożża.
Inħossu li huwa dmir tagħna li ninfurmawkom dwar dak li qed jiġri:
L-Għaqda bħalissa tinsab f’nofs diskussjonijiet dwar il-kirjiet għoljin li qed jiġu proposti għaċ-Ċentru tagħna, il-garaxx, u parti mill-bitħa taċ-Ċentru Parrokkjali. Iżda l-akbar uġigħ huwa li jekk naqblu fuq il kirjiet qed jiġi mitlub li jingħata lura l-maħżen tal-armar (Jhansi Hall) — dak il-post li għal dawn l-aħħar 40 sena serva bħala d-dar u l-kenn tal-volontarjat Marsi. Li jittieħed dan il-maħżen ifisser li qed jintlaqat il-pedament ta’ snin twal ta’ ħidma u sagrifiċċju kief ukoll spejess kbar biex jingar l-armar.
Bħala voluntiera, aħna qatt ma tlabna xejn lura ħlief il-pjaċir li naraw il-festa ssir b'tant unur. Naħdmu b’sagrifiċċju personali u nnaqqsu mill-ħin tal-familji tagħna biex insebbħu l-parroċċa. Li niġu ffaċċjati b'kundizzjonijiet li jheddu l-eżistenza stess tal-Għaqda tagħna hija ħasra kbira u tweġġgħalna qalbna.
Minħabba li għad m’hemmx qbil u din l-inċertezza qed toħnoq kull pjan li kellna, b’dispjaċir kbir inħabbru li din is-sena it-toroq tagħna se jibqgħu neqsin mill-armar. Din mhix l-għażla tagħna u lanqas ma kienet ix-xewqa tagħna, iżda hija l-unika triq li nistgħu naqbdu f’sitwazzjoni fejn il-futur tal-Għaqda jinsab f’riskju.
Nirringrazzjawkom minn qalbna tal-appoġġ u tal-messaġġi kollha ta’ kuraġġ f'dan il-mument diffiċli. Fil-jiem li ġejjin se nkunu qed nagħtu tweġiba tagħna lura lill-Provinċja, dejjem b'rispett lejn l-istorja tagħna u l-festa tat-Trinità.
Aħna nibqgħu nittamaw li l-affarijiet jinbidlu, b’rispett u għozza lejn il-festa tal-poplu tiegħu.
B’determinazzjoni Il-President u l-Kumitat Għaqda Festi Esterni Santissima Trinità – Marsa

04/04/2026

Gear Festa 2026
Tistgħu tagħmlu l-ordni tagħkom sa-12 ta’ April.
Donation ta’ €30 b’deposit ta’ €10 tinkludi l-gear uffiċjali u pen drive bil-marċi brijjużi.

03/12/2025

🎄 GURNATA F’GĦAWDEX – 14 ta’ Diċembru!
Ingħaqdu magħna għal ġurnata sabiħa u mimlija atmosfera tal- Milied f’Għawdex!
📍 Niltaqgħu: Hdejn il-post tal-festa l-Kantina
⏰ Tluq: 7:00 AM
🍽️ Trasport u ikel inkluż
Għal aktar informazzjoni jew biex tibbukkjaw:
77801550

01/12/2025

Harga Numru 3 Diċembru 2025
Leħen l-Għaqda Festi Esterni SSma Trinita' Marsa, Il-ħsieb ta' din il-ħarġa hu li nżommu kuntatt magħkom il-membri kif ukoll ma' ħutna l-Marsin dwar x'ikun qed jiġri fl-Għaqda tagħna matul is-sena.

22/09/2025

L-Għaqda tawgura mill-qalb lil dawk it-tfal Marsin li bejn illum u nhar l-Erbgħa se jkunu qed jagħtu bidu għal sena skolastika ġdida. Is-Santissma Trinita tixħet il-barka tagħha fuqkom lkoll sabiex din is-sena skolastika sservi sabiex tirċievu ħafna ġid spiritwali u temporari li jgħin l-imħuħ u l-qlub tagħkom jikbru bħala ċ-ċittadina futuri serji ta' pajjiżna.

21/09/2025

Wara li ġiet fi tmiemha s-Seduta Ġenerali, infetħu n-nominazzjonijiet ta' dawk li wrew interess li jiffurmaw l-Kumitat Ċentrali 2025/26 u peress li ma kienx hemm kontestazzjonijiet dawn huma l-uffiċjali u l-membri ta' dan il-kumitat l-ġdid:
President: Lloyd Caruana
Segretarju: Clint Baldacchino
Kaxxier: Brian Ferriggi
Membri:
Abela Eddie
Abela Hugh
Abela Luke
Attard Jurgen
Attard Louis
Baldacchino Duncan
Mercieca Joe
Mizzi Wayne
Schembri Adrian
Schembri Marvin
Scicluna Elton
Scicluna Hector
Spiteri Mario
Spiteri Neville
Zammit Charlie
Filwaqt li jrodd ħajr lill-uffiċjali u l-membri tal-kumitat uxxenti, dan il-kumitat iħares 'l quddiem biex jaħdem qatigħ għall-Għaqda li tant inħobbu. Gloria Tibi Trinitas!

22/05/2025

16/02/2025

Stqarrija Uffiċjali

Stqarrija Uffiċjali.