20/07/2025
STQARRIJA: Wara l-inċident sfortunat li seħħ il-bieraħ filgħodu fejn vettura laqtet is-sistema tal-boma (is-sistema antika u tradizzjonali li biha l-vara tas-Sagra Familja tittella’ fuq il-kolonna tagħha) u ġġarrbu xi ħsarat fl-armar, il-Kumitat Ċentrali tas-Soċjetà jixtieq qabel xejn jirringrazzja lil Alla u lis-Sagra Familja li dan l-avveniment ma wassalx għal korrimenti jew konsegwenzi iżjed serji. Grazzi ukoll lil kull min ta l-għajnuna tiegħu f’dan il-mument diffiċli, kif ukoll kull min wera solidarjetà. Il-Kumitat jieħu l-okkażjoni biex javża li l-marċ tal-aħħar skedat għal-lejla xorta waħda ser isir kif pjanat hekk kif tintemm iċ-ċelebrazzjoni liturġika fil-Knisja Parrokkjali, bid-differenza li minħabba raġunijiet ta’ sigurtà, il-vara tas-Sagra Familja mhux ser titniżżel minn fuq il-kolonna tagħha kif normalment isir. Mill-ġdid nawguraw il-festa t-tajba lil kulħadd.
