Għaqda Filarmonika Prince of Wales Own

23/10/2026

Il-President flimkien mal-kumitat tal-Għaqda Filarmonika Prince of Wales Own, jawguraw lill-poplu tal-Kottonera kollu f’Jum il-Kottonera.

20/10/2026

10/10/2026

𝐎𝐅𝐅𝐄𝐑𝐓𝐀 𝐆𝐇𝐀𝐋𝐋-𝐊𝐈𝐑𝐈 𝐓𝐀𝐋-𝐁𝐀𝐑.

Il-Kumitat tal- Ghaqda Filarmonika Prince of Wales Own qieghed jilqa' I-offerti ghall-kiri tal-BAR sa mhux aktar t**d minn nhar it-Tnejn, 19 ta' Ottubru 2026, fis-6.00pm.

L-applikazzjoni trid tkun issigillata f'envelope, u indikata bil-kliem Offerta ghal-Bar.
Il-kiri tal-bar ikun mill-01 ta Novembru 2026 sal-31 ta'Ottubru 2027.

Il-formoli ghal-kiri tal-Bar jingabru minghand is-Segretarju.

Il-Kumitat jirriserva d-dritt li jista' jirrifjuta kull offerta, anke I-aktar waħda vantaġġjuża.

Merton Pace
Segretarju

06/10/2026

Tislima lill-President Onorarju tagħna Twanny Mizzi “il-Gerex”

Illum l-Għaqda Filarmonika Prince of Wales Own tat l-aħħar tislima xierqa lill-President Onorarju tagħha, Twanny Mizzi, magħruf bħala “il-Gerex”, li għal tant snin kien parti integrali mill-Għaqda u mill-Każin tagħna.

Il-Banda Prince of Wales Own akkumpanjat il-korteo b’marċi funebri mill-Knisja tal-Lunzjata u San Duminku sal-Każin, fejn indaqq l-Innu tal-Għaqda. Waqt id-daqq tal-innu, il-bandiera tal-Għaqda tniżżlet minn mezza asta u imbagħad ittellgħet full mast, bħala sinjal ta’ ġieħ u rispett lejn il-President Onorarju tagħna.

Wara, il-korteo kompla lejn il-Monument ta’ San Duminku, fid-daħla ta’ Triq il-Kbira, fejn indaqq l-Innu Popolari “San Domenico”, qabel ma Twanny ttieħed għall-aħħar vjaġġ tiegħu lejn il-post tad-difna.

Il-President u l-Kumitat tal-Għaqda Filarmonika Prince of Wales Own jestendu l-kondoljanzi sinċieri tagħhom lill-familja Mizzi, u b’mod speċjali lil Domenic u Blessed.

05/10/2026

Għada, it-Tlieta 6 ta’ Ottubru, se jsir il-funeral ta’ Twanny Mizzi, magħruf bħala “il-Gerex”, li għal snin twal serva b’dedikazzjoni fil-kumitat u fil-Każin tal-Għaqda tagħna, u li kien ukoll President Onorarju.

Il-funeral se jsir fis-2:00pm fil-Knisja tal-Lunzjata u San Duminku, il-Birgu.

Fi tmiem il-quddiesa, il-Banda Prince of Wales Own tal-Birgu se tkun qed takkumpanja l-korteo mill-Knisja sal-Każin tagħna, għall-aħħar tislima lil wieħed minn ulied l-Għaqda tagħna.

04/10/2026

Illum il-Banda Prince of Wales Own tal-Birgu takkumpanja b’għożża l-purċissjoni devota tal-Madonna tar-Rużarju u San Duminku.

Ommna Marija u San Duminku, itolbu għalina.

04/10/2026

Illum il-Banda Prince of Wales Own tal-Birgu se tkun qed takkumpanja l-purċissjoni devota tal-Madonna tar-Rużarju u San Duminku, li se toħroġ illum filgħaxija fis-7:00pm mill-knisja tal-Lunzjata u San Duminku l-Birgu.

Nistiednu lil kulħadd biex jingħaqad magħna f’din l-okkażjoni ta’ fidi u devozzjoni.

03/10/2026

B’dispjaċir inħabbru l-mewt ta’ Twanny Mizzi, magħruf bħala “il-Gerex”, li kien partitarju attiv fi ħdan Għaqda Filarmonika Prince of Wales Own.

Twanny kien dejjem qrib tal-Għaqda tagħna u ta s-sehem tiegħu b’dedikazzjoni. Illum, nistgħu ngħidu li bintu Blessed qed tkompli l-legat ta’ missierha billi tagħti s-sehem tagħha fil-Kumitat tal-Għaqda.

L-Għaqda Filarmonika Prince of Wales Own jesprimu l-kondoljanzi sinċieri tagħhom lill-familja Mizzi f’dan il-mument ta’ telfa.

30/09/2026

Illejla l-Kumitat tal-Għaqda Filarmonika Prince of Wales Own iltaqa’ flimkien sabiex jiddiskuti diversi materji relatati mal-Għaqda, fosthom il-Festa 2026.

Preżenti għal-laqgħa kien hemm il-President, Dr Nicholas Busuttil Dougall, il-Viċi President Emanuel Busuttil Dougall, is-Segretarju Merton Pace, il-Kaxxier Dominic Azzopardi, kif ukoll il-membri Joseph Tabone, Paul Farrugia u Kaylien Tabone.
Clayton Att**d ingħaqad b’mod virtwali.