25/05/2026
Open weekend organizzat mill-Kummissjoni Planċier.
Il-Kummissjoni Planċier tirringrazzja lil dawk kollha li attendew l-open weekend li ġie organizzat. Grazzi ukoll lil dawk il-hafna u ħafna benefatturi li kontribwixxew fic-chart tal-ġbir. Dawn kienu ta’ sodisfazzjon kbir għalina.
Matul dan il-weekend fost ix-xogħol kollu esebit li sar sa issa intwera għal ewwel darba panew u żewġ pilastri miżbugħin mill-Artist Andrew Bugeja li ntlaqa tajjeb ħafna minn min kien preżenti.
Ringrazzjamet imur lejn il-mistiedna fid-diskussjoni li flimkien mal-President tas-Soċjeta’ Jesmond Aquilina aċċettaw l-istendina tagħna. Dawn kienu l-artist tal-planċier is-Sur Andrew Bugeja, l-preżentatur Brian Bonnici u l-istoriku l-Prof George Cassar. Dawn il-mistiedna pparteċipaw f’diskussjoni li żgur kienet ta’ nteress għal kull min attenda. Grazzi lis-Sur Mark Azzopardi li preżenta din id-diskussjoni b’mod professjonali.
Ringrazzjament ukoll lil kandidati għall-elezzjoni li ġejja li attendew u taw is-sehem tagħhom.
Il-Kummissjoni tirringrazzja ukoll lill-Kappillan Dun Chris Galea li tana l-Oratorju u stajna nagħmlu dan kollu fih. Grazzi lis-Surmast u l-Bandsiti li hadu sehem b’daqq ta’ marċi wara d-diskussjoni.
Finalment dan kien wekeend li mliena b’ħafna kuraġġ propju fiż-żmien meta qegħdin nofs triq f’dan il-proġett ambizzjuż li dħalna għalieh flimkien.
Grazzi lil Kulħadd!
