23/06/2026
L-Għaqda Mużikali San Pietru fil-Ktajjen għamlet użu mill-fond maħruġ mill-Ministeru għall-Inklużjoni u l-Volontarjat, permezz tal- Iskema Quality of Life Small Grants Scheme 2026.
Permezz ta’ dan il-fond inxtara screen diġitali, sabiex iservi bħala mezz ta’ komunikazzjoni li permezz tiegħu l-Għaqda tkun tista’ tinforma lill-membri tagħha dwar dak kollu li jkun għaddej, kif ukoll dwar attivitajiet ippjanati. Barra minn hekk, dan l-iscreen se jservi wkoll bħala mezz biex għaqdiet oħra, speċjalment dawk fil-lokalità ta’ Birżebbuġa, ikunu jistgħu jwasslu l-informazzjoni tagħhom u jilħqu firxa usa’ ta’ nies permezz ta’ dan il-bord diġitali.
L-iscreen ġie installat fl-intrata tas-sede, f’post viżibbli minn barra, sabiex min ikun għaddej ikun jista’ faċilment jilmħu u jaqra l-informazzjoni li tkun qed tintwera. Bħala Għaqda, nibqgħu nfittxu mezzi ġodda sabiex nilħqu lil kulħadd permezz tal-għodod u t-teknoloġiji disponibbli llum.
Grazzi kbira tmur lill-Ministru Julia Farrugia u lit-tim tagħha, li jmexxu u jagħtu pariri siewja lill-għaqdiet matul il-fażijiet differenti ta’ dawn il-proġetti.
Inklużjoni
Julia Farrugia
