Din il-paġna hija amministrata minn persuni li jahdmu ghall-festa ta' Sant'Elena f'Birkirkara. L-istatwa ta’ Sant’Elena xogħol Salvatore Psaila 1833-1837
Pjazza Sant’Elena, Birkirkara
Il-Ħamis 19 ta’ Lulju 2012
Diskors
Mario Gauci
L-istorja tal-iskultura Maltija hija ġrajja ħajja li tarrikixxi lil din il-gzira tant żghira fit-territorju imma kbira fl’istorja, daqstant intima mal-arti. Għalke
mm l-ispazju territorjali u d-daqs tal-popolazzjoni tagħna l-Maltin huma żgħar, il-gżejjer huma għonja b’kull forma prezzjuża ta’ terżori artistiċi - partikolarment l-iskultura s-suġġett prinċipali ta’ dawn il-ħsibijiet li se naqasm magħkom f’din il-lejla pjuttost insolita fi pjazza Sant’ Elena. Tabilħaqq hija serata fejn qed nikkommemoraw l-anniversarju ta’ bicca xogħol skultorea li tirrapreżenta lil Sant Elena, inawgurata propju nhar is-17 ta’ Lulju tal-1837 donazzjoni tal-Karkariz il-Kavallier Vincenzo Borg Brared. Hemm ħafna x’jingħad fuq din il-meastrija ta’ skultura imma nħoss li għandi nibbaża dan id-diskors qasir fuq tlett aspetti. L-ewwel dwar xewqat il-benefattur, il-Kavallier Vincenzo Borg Brared hekk kif naqraw fil-kuntratt li għamel fl-1833 kif ukoll fid-dawl ta’ manuskritti oħra. It-tieni punt huwa dwar it-teknika li applika Salvatore Psaila biex naqqax l-istatwa ta’ Santa Elena. Fit-tielet u l-aħħar spunt ma nixtieqx inħallikom biss tisimgħuni imma miegħi ser tagħmlu eżercizzju biex waqt l-ispjega tifhmu b’għajnejkom stess il-merti artistiċi u l-preġju ta’din l-istatwa. Din il-paġna hija amministrata minn Persuni li jahdmu ghal festa ta' Sant'elena
