Тогтвортой Ноос Ноолуурын Эвсэл-Sustainable Fibre Alliance

27/08/2026

UNCCD COP17-ын хүрээнд бид Тогтвортой түүхий эдийн үнэ цэнийг нэмэгдүүлэх нь:
Хөрсний эрүүл мэнд, бэлчээр нутаг болон дэлхийн зах зээлийг холбох нь сэдвээр хурлаа хэлэлцлээ.

10 хоног үргэлжилсэн COP17-ын үйл ажиллагаанд амжилттай оролцож, Монголын бэлчээр нутаг, малчид, тогтвортой түүхий эдийн үнэ цэнийг дэлхийн түвшинд таниулах, олон улсын түншлэл, хамтын ажиллагааг өргөжүүлэх чиглэлээр олон талт уулзалт, хэлэлцүүлэгт оролцлоо.

Ийнхүү COP17-ын оролцоогоо амжилттай өндөрлүүлж байна. Бидний хувьд энэ нь зөвхөн хурлын төгсгөл бус, тогтвортой түүхий эдийн үнэ цэнийг нэмэгдүүлэх, бэлчээр нутгаа хамгаалах, малчдын ирээдүйг дэлхийн зах зээлтэй холбох дараагийн алхмын эхлэл юм.

Эх байгалиа сэргээе
Итгэл найдвараа бадраая.

26/08/2026

Т.АЛТАНСҮХ: ДЭЛХИЙН БЭЛЧЭЭРИЙН СТАНДАРТ ОРОН НУТГИЙН БОДИТ АМЬДРАЛД НИЙЦЭХ ЁСТОЙ

Өнөөдрийн хурлаас онцлох нь:

Rangeland Stewardship Council (RSC)-ийн Даян дэлхийн бэлчээрийн стандартын нээлтэд Монгол Улсаас малчид, хоршоодыг төлөөлөн Ховд аймгийн Мөст сумын “Баянтөл” хоршооны дарга: Т.Алтансүх панелистаар оролцож, байр сууриа илэрхийллээ.

Тэрээр "Дэлхийн хэмжээний стандарт нь зөвхөн дээрээс тогтоосон нийтлэг шаардлага бус, тухайн нутгийн малчдын уламжлалт мэдлэг, бэлчээр ашиглах арга туршлага, нүүдлийн мал аж ахуйн онцлогт тулгуурлан хамтран боловсруулагдах шаардлагатай бөгөөд уг стандартыг анхлан боловсруулахад малчид, хоршоодын санал өгөх боломж, оролцоог ТННЭ олгосон" болохыг онцоллоо.

Мөн Стандартыг бодитоор хэрэгжүүлэхийн тулд тогтвортой санхүүжилтийн эх үүсвэр, төр–малчин–хоршооны хамтын ажиллагаа, сургалт мэдээлэл, орон нутгийн оролцоо чухал болохыг дурдлаа.

26/08/2026

ӨНӨӨДӨР ГАЗАР БА ХҮН ТӨВТ ӨДӨР

"ДАЯН ДЭЛХИЙН БЭЛЧЭЭРИЙН СТАНДАРТ"-ыг танилцууллаа.
Улаанбаатар, Монгол Улс – 2026 оны 8 дугаар сарын 26

Цөлжилттэй тэмцэх тухай НҮБ-ын Конвенцын Талуудын 17 дугаар бага хурал (UNCCD COP17)-ын хүрээнд Даян дэлхийн бэлчээр нутгийн стандарт (Global Rangelands Standard)-ын өндөр түвшний нээлт өнөөдөр боллоо.

Дэлхийн бэлчээр нутаг нь хүнсний үйлдвэрлэл, малчдын амьжиргаа, биологийн олон янз байдал болон уур амьсгалын тогтвортой байдалд чухал үүрэгтэй хэдий ч экосистемд гүйцэтгэх үүрэг нь хангалттай үнэлэгддэггүй бөгөөд газрын доройтол, уур амьсгалын өөрчлөлт зэрэг олон сорилттой тулгарч байна. Иймээс улс орнуудын нөхцөлд нийцүүлэн хэрэгжүүлэх боломжтой, нийтлэг зарчим, шалгуур бүхий дэлхийн хэмжээний бэлчээрийн стандартыг бий болгох хэрэгцээ улам бүр нэмэгдэж байна.

Даян дэлхийн бэлчээрийн стандарт (Global Rangelands Standard) нь бэлчээрийн байгаль орчны тогтвортой байдал, малчдын амьжиргаа, түүхий эдийн чанартай үйлдвэрлэл болон нийлүүлэлтийн сүлжээний хариуцлагатай байдлыг уялдуулах зорилготой. Мөн улс орнуудын үндэсний стандарт, бодлогыг бэхжүүлэх, бэлчээрийн тогтвортой менежментийг бодит үйл ажиллагаанд хэрэгжүүлэхэд дэмжлэг үзүүлэх юм.

Уг стандарт нь дараах зарчуудтай. Үүнд:
- Үр дүнтэй удирдлага зохион байгуулалт,
- Хариуцлагатай газрын засаглал ба эзэмшил,
- Нөхөн сэргээх менежмент, экосистемийн эрүүл байдал,
- Малчдын амьжиргаа
- Хүний эрх, тэгш байдал, оролцоо
- Малын тавлаг байдал

Уг стандартын Мониторинг, тайлагнал, баталгаажуулалтад дараах аргачлалыг ашиглах юм.
- Зайнаас тандан
- Газар дээрх судалгаа
- Малчдын уламжлалт экологийн мэдлэг

Уг стандартын схем эзэмшигч болох "Бэлчээр нутгийн консул" (Rangeland Stewardship Council)-ыг Тогтвортой ноос ноолуурын эвсэл хамтран үүсгэн байгуулсан бөгөөд энэхүү стандартыг боловсруулах үйл явц, хэлэлцүүлэгт Sustainable Fibre Alliance (SFA) болон гишүүн хоршоод, малчид болон бусад олон байгууллагууд, судлаач, мэргэжилтнүүд оролцсон билээ.

Монгол Улсын санаачлагаар 2026 оныг Олон улсын бэлчээр ба нүүдлийн мал аж ахуй эрхлэгчдийн жил болгон зарласан энэ үед уг стандартыг Улаанбаатар хотноо танилцуулсан нь онцгой ач холбогдолтой юм.

Global Rangelands Standard нь зөвхөн бэлчээрийг хамгаалах бус, эрүүл бэлчээр – тогтвортой мал аж ахуй – малчдын тогтвортой амьжиргаа – хариуцлагатай зах зээл гэсэн уялдаа холбоог дэлхийн түвшинд бэхжүүлэх шинэ боломжийг бий болгож байна.

ТННЭ нь дэлхийн бэлчээр нутгийн тогтвортой менежмент, малчдын амьжиргаа болон тогтвортой малын гаралтай ширхэгтийн үйлдвэрлэлийг холбосон олон улсын хамтын ажиллагааг дахин нэгээр нэмж дэмжин ажиллаж байна.

25/08/2026

25/08/2026

FASHION4LAND
Гэрэл зургийн сурвалжлага

25/08/2026

Улаанбаатар, Монгол Улс | 2026 оны 8 дугаар сарын 24

Цөлжилттэй тэмцэх тухай НҮБ-ын Конвенцын Талуудын 17 дугаар бага хурал (UNCCD COP17)-ын хүрээнд Sustainable Fibre Alliance (SFA) болон түнш байгууллагууд хамтран Fashion4Land Forum-ыг 8 дугаар сарын 24-нд Blue Zone-д амжилттай зохион байгууллаа.

Албан ёсны Business4Land платформын хүрээнд болсон тус форум нь хувцас загварын салбарын ирээдүйг зөвхөн дизайн, үйлдвэрлэл, хэрэглээний асуудлаар бус, газар нутаг, байгалийн гаралтай ширхэгт, биологийн олон янз байдал, малчдын амьжиргаа болон тогтвортой үйлдвэрлэлийн тогтолцоотой уялдуулан авч үзсэн онцлог арга хэмжээ боллоо.

Гурван хэлэлцүүлгээр ирээдүйн шийдлийг эрэлхийлэв...

- Газрын доройтлыг өргөн хүрээнд нөхөн
сэргээх санхүүжилт:
Бэлчээр нутгийг санхүүжүүлэх хөрөнгө
оруулалтын боломжууд

- Дасан Зохицохуйн Зам: Төр, хувийн
хэвшлийн түншлэл болон
“Нэг эрүүл мэнд” үзэл баримтлалыг
хэрэгжүүлэх замаар ноолуурын
нийлүүлэлтийн сүлжээг хэрхэн бэхжүүлэх
вэ?

- Fashion4Land форум ба хувцас загварын
үзүүлбэр

Fashion4Land нь тогтвортой загварын асуудлыг байгаль орчин, бодлого, зах зээл болон орон нутгийн иргэдийн оролцоотой холбон авч үзсэнээрээ онцлог байлаа.

ТННЭ-ийн үзэж буйгаар тогтвортой өөрчлөлт нь нэг салбар дангаараа бий болгох боломжгүй. Малчид, үйлдвэрлэл, брэндүүд, бодлого боловсруулагчид, судлаачид, хөрөнгө оруулагчид болон иргэний нийгмийн байгууллагуудын хамтын ажиллагаа нь газар нутгийг хамгаалах, байгалийн ширхэгтийн үнэ цэнийг нэмэгдүүлэх, илүү тэсвэртэй амьжиргааг бий болгоход чухал ач холбогдолтой.

Цаашид ч малчдын дуу хоолой, тогтвортой бэлчээрийн менежмент болон хариуцлагатай байгалийн ширхэгтийн тогтолцоог дэлхийн тогтвортой хөгжлийн хэлэлцүүлгийн төвд байлгахын төлөө түншүүдтэйгээ хамтран ажиллах болно.

24/08/2026

24/08/2026

Тогтвортой ноос, ноолуурын эвсэл (SFA) болон Цөлжилттэй тэмцэх тухай НҮБ-ын Конвенц (UNCCD) хамтран Fashion4Land форумыг өнөөдөр /2026.08.24/ зохион байгуулна. Тус форум нь COP17-ын хү...

23/08/2026

МАРГААШ ⁉️ Fashion4Land 🌿
COP17 Mongolia

Маргааш буюу 8 сарын 24-нд Тогтвортой ноос, ноолуурын эвсэл (SFA) болон Цөлжилттэй тэмцэх тухай НҮБ-ын Конвенц (UNCCD) хамтран Fashion4Land форумыг зохион байгуулна.

Тус форум нь COP17-ын хүрээнд газар, бэлчээрийн асуудлыг хэлэлцэх үйл явцад хувцас загварын салбарын оролцоог онцлон авч үзэх юм.

Форумын үеэр хувцас загвар, бодлого, үйлдвэрлэл болон тогтвортой хөгжлийн салбарын төлөөллүүд нэгдэж, салбарын илүү хариуцлагатай, тогтвортой ирээдүй ямар байх талаар хэлэлцэнэ.

ХӨТӨЛБӨР:
🌱 15:00–17:45 | Fashion4Land форум
Хувцас загвар, байгалийн гаралтай ширхэгт, газар нутаг болон хүмүүсийн харилцан хамаарал, загварын тогтвортой ирээдүйн талаарх цуврал хэлэлцүүлэг.

Мөн өдрийн төгсгөлд 18:00 цагаас Blue Zone-ийн Action Dome-д Fashion4Land загварын үзүүлбэр зохион байгуулагдана.

📍 Байршил: Blue Zone | MET-23 & Action Dome
📅 Огноо: 8 сарын 24, Даваа гараг

Та COP17-д маргааш оролцох уу?

Хувцас загвар, байгалийн гаралтай ширхэгт, газар нутаг болон хүмүүсийн харилцан хамаарлыг холбон харуулах энэхүү онцгой арга хэмжээнд хүрэлцэн ирээрэй.

Хэрэв та хүрэлцэн ирж амжихгүй бол бидний үйл ажиллагаа https://webtv.un.org/en/asset/k1n/k1nrthq1x3?utm_source=шууд дамжуулагдах болно.

ТОГТВОРТОЙ НООС НООЛУУРЫН ЭВСЭЛ

23/08/2026

🌿 “Landscapes of Life” — Бэлчээр нутгаа хамгаалж, ирээдүйгээ хамтдаа бүтээе.

🖼 “Landscapes of Life” олон улсын бага хурлыг UNCCD COP17 болон Олон улсын бэлчээр ба нүүдлийн мал аж ахуй эрхлэгчдийн жилийг тохиолдуулан 2026 оны 8 дугаар сарын 22-23-ны өдрүүдэд Тогтвортой Ноос Ноолуурын Эвсэл (SFA) болон Дэлхийн байгаль хамгаалах сан (WWF) хамтран Горхи-Тэрэлжийн байгалийн цогцолборт газарт зохион байгуулж байна.

🎤✅️ Mid COP17 арга хэмжээ нь бэлчээр, тал хээрийн экосистемийг хамгаалах, тогтвортой удирдах, доройтсон нутгийг нөхөн сэргээх, мөн байгаль хамгаалал, малчдын амьжиргаа, хүнсний тогтолцоо, уур амьсгалын тэсвэртэй байдлыг уялдуулахад чиглэж байна.

🤝 Арга хэмжээнд малчид, орон нутгийн төлөөлөл, залуучууд, эрдэмтэн судлаачид, бодлого боловсруулагчид, иргэний нийгэм, хувийн хэвшил болон олон улсын байгууллагууд оролцож, бэлчээр нутгийг хамгаалах, зохистой ашиглах, нөхөн сэргээх нийтлэг үйл ажиллагааны чиглэл боловсруулах юм.