Монголын Аялал Жуулчлалын Холбоо

21/08/2026

20/08/2026

20/08/2026

🇲🇳 МОНГОЛ УЛСААС АНХ УДАА: МОНГОЛЫН АЯЛАЛ ЖУУЛЧЛАЛЫН САЛБАРЫН ЗАЛУУ ТӨЛӨӨЛӨЛ PATA-ГИЙН ОЛОН УЛСЫН ШАГНАЛ ХҮРТЛЭЭ

Монголын аялал жуулчлалын салбарын хувьд баяртай мэдээг та бүхэнтэй хуваалцаж байна. 🇲🇳🌏

Ази, Номхон далайн аялал жуулчлалын холбоо (PATA)-ноос зохион байгуулдаг “PATA Face of the Future 2026” олон улсын шалгаруулалтад Монгол Улсаас Галбадрахын Уянга “PATA Face of the Future – Sustainability Initiatives” ангиллын ялагчаар шалгарлаа. 🏆

PATA Face of the Future нь Ази, Номхон далайн бүс нутгийн аялал жуулчлалын салбарын ирээдүйг тодорхойлох залуу мэргэжилтнүүдийн манлайлал, шинэлэг санаачилга, бодит хувь нэмрийг үнэлэн тодруулдаг PATA-гийн нэр хүндтэй олон улсын шалгаруулалт юм.

Монголын аялал жуулчлалын холбооноос Г.Уянгыг 2026 оны шалгаруулалтад нэр дэвшүүлсэн бөгөөд түүний тогтвортой аялал жуулчлал, орон нутгийн иргэдийн оролцоо, нүүдлийн соёлын өвийг хадгалан хамгаалах, байгаль хамгаалал болон аялал жуулчлалыг уялдуулан хөгжүүлэх чиглэлээр хэрэгжүүлж буй санаачилгуудыг олон улсын түвшинд үнэлж энэхүү шагналыг олгосон байна.

Г.Уянга нь WildMongolia-ийн хамтран үүсгэн байгуулагч, гүйцэтгэх захирал бөгөөд орон нутгийн иргэдэд түшиглэсэн тогтвортой аялал жуулчлалыг хөгжүүлэх, уламжлалт мэдлэг, нүүдлийн соёлын өвийг аялал жуулчлалаар дамжуулан хадгалан хамгаалах чиглэлээр ажиллаж байна.

Энэхүү амжилт нь Монголын аялал жуулчлалын салбарын залуу үеийн манлайлал, тогтвортой аялал жуулчлалын сайн туршлага олон улсын түвшинд үнэлэгдэж буйн тод илэрхийлэл болж байна.

Монгол Улсаа олон улсын түвшинд амжилттай төлөөлөн, нэр хүндтэй шагнал хүртсэн Г.Уянгадаа халуун баяр хүргэж, цаашдын ажил үйлсэд нь өндөр амжилт хүсье! 👏🇲🇳

Pacific Asia Travel Association
WildMongolia

https://www.pata.org/pata-face-of-the-future-2026


--------------------------------------------------------------------------
🇲🇳 FIRST TIME FROM MONGOLIA: A YOUNG REPRESENTATIVE OF MONGOLIA’S TOURISM SECTOR RECEIVES AN INTERNATIONAL PATA AWARD

We are delighted to share wonderful news for Mongolia’s tourism industry. 🇲🇳🌏

Ms. Uyanga Galbadrakh of Mongolia has been named the winner of the “PATA Face of the Future – Sustainability Initiatives” category at the PATA Face of the Future 2026, organised by the Pacific Asia Travel Association (PATA). 🏆

PATA Face of the Future is a prestigious PATA recognition that celebrates emerging young professionals demonstrating leadership, innovation, and meaningful contributions to the future and sustainable development of tourism across the Asia Pacific region.

The Mongolian Tourism Association nominated Ms. Uyanga Galbadrakh for the 2026 recognition. Her initiatives in sustainable tourism, community engagement, preservation of Mongolia’s nomadic cultural heritage, and the integration of conservation with tourism development have now received recognition at the international level.

Uyanga is the Co-Founder & CEO of WildMongolia, where she works to advance community-based sustainable tourism and create opportunities for traditional knowledge and nomadic cultural heritage to be preserved and sustained through tourism.

Her achievement is also an encouraging recognition of the leadership of Mongolia’s new generation of tourism professionals and the country’s growing contribution to sustainable tourism in the Asia Pacific region.

The Mongolian Tourism Association extends its warmest congratulations to Uyanga Galbadrakh on this outstanding achievement and wishes her continued success in her future endeavours! 👏🇲🇳

Congratulations, Uyanga Galbadrakh
PATA Face of the Future – Sustainability Initiatives 2026 🏆

20/08/2026

АЯЛАЛ ЖУУЛЧЛАЛЫН САЛБАРТ СТАНДАРТЫГ БИЗНЕСИЙН ДАВУУ ТАЛ БОЛГОНО

✅Монголын Аялал жуулчлалын холбоо нь аялал жуулчлалын салбарын өрсөлдөх чадвар, үйлчилгээний чанар, аюулгүй байдлыг сайжруулах чиглэлээр төр, хувийн хэвшил, мэргэжлийн байгууллагуудтай хамтын ажиллагаагаа өргөжүүлж байна.

📌Энэ хүрээнд Стандарт, хэмжил зүйн газрын дарга Х.Батжаргалтай уулзаж, аялал жуулчлалын салбарт стандартыг хэрхэн үр дүнтэй хэрэгжүүлэх, салбарын онцлогт нийцсэн стандартын хэрэгцээ шаардлагыг тодорхойлох, стандартчиллын үйл ажиллагаанд мэргэжлийн холбооны оролцоог нэмэгдүүлэх талаар санал солилцлоо.

🔹 Стандартыг зөвхөн шаардлага бус, бизнесийн давуу тал болгох
Жуулчдад үзүүлж буй үйлчилгээний чанарыг олон улсын болон салбарын стандартад нийцүүлэх нь Монгол Улсын аялал жуулчлалын бүтээгдэхүүн, үйлчилгээний өрсөлдөх чадварыг нэмэгдүүлэх чухал алхам юм.

🔹 Салбарын стандартыг мэргэжлийн оролцоотой хөгжүүлнэ
Аялал жуулчлалын салбарын техникийн хорооны үйл ажиллагааг шинэчилж, аялал жуулчлалын холбоо болон салбарын оролцогч талуудын оролцоог нэмэгдүүлэх чиглэлээр хамтран ажиллахаар санал нэгдлээ.
🔹 Технологи, хиймэл оюун ухааны боломжийг ашиглана
Цаашид технологийн хөгжил, хиймэл оюун ухааны шийдлийг ашиглан үйлчилгээний хүртээмж, мэдээллийн урсгал, жуулчин болон үйлчилгээ үзүүлэгч хоорондын харилцааг хөнгөвчлөх цогц экосистемийг бүрдүүлэх боломжийн талаар мөн хэлэлцлээ.

🔹 Хүний нөөц, сургалт, чадавхыг бэхжүүлнэ
Салбарын стандартын талаарх ойлголтыг нэмэгдүүлэх, хүний нөөцийн ур чадварыг хөгжүүлэх, сургалт, хэлэлцүүлгийг салбарын оролцогч талуудтай хамтран зохион байгуулахаар тохиролцов.

Аялал жуулчлал бол Монгол Улсын түүх, соёл, байгаль, газар зүйн онцлог, хүн ард, үйлчилгээний чанар зэрэг олон хүчин зүйлд тулгуурлан хөгждөг онцгой салбар. Тиймээс үйлчилгээний стандарт, чанар, аюулгүй байдал нь зөвхөн бизнес эрхлэгчдийн төдийгүй Монгол Улсыг зорин ирж буй жуулчдын сэтгэл ханамж, улс орны нэр хүндтэй шууд холбоотой.
Стандарт, хэмжил зүйн газар

#МонголынАялалЖуулчлалынХолбоо
#АялалЖуулчлал
#Стандарт
#ЧанартайҮйлчилгээ
#ӨрсөлдөхЧадвар
#ХамтынАжиллагаа

19/08/2026

18/08/2026

"НҮҮДЭЛЧИН" ДЭЛХИЙН СОЁЛЫН ФЕСТИВАЛИЙН ХӨТӨЛБӨРТЭЙ ТАНИЛЦАНА УУ

🗓 2026 оны 08 дугаар сарын 21-23
📍 Налайх дүүргийн Тайж хайрханы бэл
✨Эрхэм та бүхнийг хүрэлцэн ирж соёлын биет бус өвийн баялаг уламжлалтай танилцахыг урьж байна.

EXPLORE THE PROGRAM OF THE "NOMADS" WORLD CULTURAL FESTIVAL
🗓 August 21-23, 2026
📍 Foot of "Taij Khairkhan," Nalaikh District

✨ We warmly invite you all to come and experience the rich traditions of intangible cultural heritage.

13/08/2026

🎶 Kharkhorum 360° Visual Art & Music Festival 2026

📣2026 оны 8-р сарын 22–23-нд зохион байгуулагдах энэхүү фестиваль нь 12 метр өндөр, 300 метр урт 360° дэлгэц, визуал урлаг, электрон хөгжим, гэрлийн шоу, дэвшилтэт тайзны технологийг нэг дор хослуулсан олон улсын хэмжээний арга хэмжээ юм.

Фестивалийг угтан 8-р сарын 11–20-нд Төв цэнгэлдэх хүрээлэнгийн гадна талбайд “Kharkhorum Bazaar” зохион байгуулагдаж байгаа бөгөөд үндэсний бүтээгдэхүүн, гар урлал, хоол үйлдвэрлэл, бүтээлч үйлдвэрлэл, худалдаа үйлчилгээ болон үнэ төлбөргүй урлагийн тоглолтууд олон нийтэд нээлттэй үргэлжилж байна.

Аялал жуулчлалын байгууллагуудыг эдгээр арга хэмжээг аяллын хөтөлбөртөө багтаан жуулчдад танилцуулж, хамтран ажиллахыг урьж байна.

📞 Холбоо барих: Г. Мөнх-Оргил – 9912 3418
Kharkhorum Festival

12/08/2026

МОНГОЛЫН ХҮҮХЭД, ЗАЛУУСЫГ ДЭЛХИЙТЭЙ ХӨЛ НИЙЛҮҮЛЭН АЛХАХ БОЛОМЖ ОЛГОДОГ “JOLLY KIDS” АНГЛИ ХЭЛНИЙ АКАДЕМИ АЯЛАЛ ЖУУЛЧЛАЛЫН САЛБАРТ ХҮЧЭЭ СОРИХООР ТӨВ АЙМГИЙН ЭРДЭНЭ СУМАНД “JOLLY CAMPUS” БАЙГУУЛЖЭЭ🇲🇳❤️

Монголын аялал жуулчлалын холбооноос санаачлан, Соёл спорт, аялал жуулчлалын яам, Хэнтий аймгийн нутгийн зөвлөл, Өвөр монголын бизнесийн холбоотой хамтран Хэнтий аймгийн түүхэн дурсгалт газруудтай танилцах, Их эзэн Чингис хааны төрөлх нутагт түүхэн аялал жуулчлалыг хөгжүүлэх чиглэлд хэрэгжүүлсэн төслүүдтэй танилцах, Хэнтий аймагт шинээр бий болсон аялал жуулчлалын хөрөнгө оруулалт, бүтээгдэхүүн, үйлчилгээтэй танилцах, жуулчдын бүтээгдэхүүн, үйлчилгээний чанар, хүртээмжийг сайжруулах чиглэлд мэргэжлийн компаниудын саналыг авах, хамтын ажиллагаа өргөжүүлэх зорилгоор тус аймагт үйл ажиллагаа явуулж буй компаниудийн үйл ажиллагаатай танилцах “FAM TOUR” арга хэмжээг зохион байгуулж байна.

Улмаар Хэнтий аймгийг зорих зам зуур Төв аймгийн Эрдэнэ суманд байрлах “JOLLY CAMPUS”-аар зочиллоо. “Jolly kids academy”-ийн үүсгэн байгуулагч, хэл шинжлэлийн ухааны доктор З.Ганчимэгийн хэлж буйгаар тэд оролцоотой аялал жуулчлалыг хөгжүүлэх зорилгоор энэхүү бүтээн байгуулалтыг хийсэн гэдгээ онцолсон юм.

11/08/2026

📢 МОНГОЛ ЖУУЛЧДЫН ГРУПП АЯЛЛЫН ВИЗ ХАРИУЦАН АЖИЛЛАХ АЯЛАЛ ЖУУЛЧЛАЛЫН КОМПАНИ СОНГОН ШАЛГАРУУЛНА
👉БНСУ-ын Засгийн газар 2026 оны 9 дүгээр сараас эхлэн Монгол Улсын иргэдэд групп аяллын визийн журмыг туршилтаар хэрэгжүүлэх болсонтой холбогдуулан групп аяллын визийг хариуцан ажиллах аялал жуулчлалын компанийг сонгон шалгаруулж байна.
Шаардлага хангасан аялал жуулчлалын компаниудыг сонгон шалгаруулалтад өргөнөөр оролцохыг хүсье.
❍ (Хүлээж авах газар) БНСУ-аас Монгол улсад суугаа ЭСЯ-ны Консулын хэлтэс
※ Захирал эсвэл ажилтан өөрийн биеэр ирж бичиг баримтаа бүртгүүлнэ.
❍ (Хүлээж авах хугацаа) '26.8.10.(даваа)∼8.24.(даваа) 09:00∼11:30, 14:00∼17:00
🔎 Дэлгэрэнгүй мэдээллийг доорх холбоосоор авна уу.
https://uzb.mofa.go.kr/mn-mn/brd/m_288/view.do?seq=758336&page=1&fbclid=IwY2xjawTnbfFwZG9mAWV4dG4DYWVtAjEwAGJyaWQRMVpQTWRuQTJGeDVhaTE3YzlzcnRjBmFwcF9pZBAyMjIwMzkxNzg4MjAwODkyAAEeUm6Rn1KTBYJYq1HYKs56oIIb92d-mBQ4wLpBOEixsV0bZMOrzxhENuQpdag_aem_azvgB-ai-FBDmGsB7pl4pQ

07/08/2026

УРИАЛГА

🌏 Дэлхийн олон улс, олон мянган аяллын чиглэлээс Монгол Улсыг сонгон, өөрийн цаг зав, санхүүгээ зориулан алс холоос зорин ирж, бидний унаган байгаль, нүүдэлчин ахуй, түүх, соёл, өв уламжлалтай танилцаж буй гадаадын аялагчид бол Монгол Улсын хүндэт зочид билээ.

Бид өөрсдөө ч гадаад улс оронд аялахдаа аюулгүй, тав тухтай зорчих, хүндлэлтэй, найрсаг харилцааг мэдрэхийг хүсдэг. Үүний нэгэн адил Монгол Улсыг зорин ирсэн жуулчин бүрийг аюулгүй, ая тухтай аялах нөхцөлөөр хангаж, хүндэтгэлтэй, зочломтгой угтах нь бидний соёл төдийгүй Монгол Улсын нэр хүндийн илэрхийлэл юм.

⛽ Шатахууны хомсдолын энэ үед хөдөө, орон нутагт аялж буй гадаадын жуулчдын аяллыг тасалдуулахгүй, аюулгүй, тав тухтай зорчих нөхцөлийг бүрдүүлэх зорилгоор жуулчин тээвэрлэж буй авто тээврийн хэрэгслийг шатахуунаар дараалал харгалзахгүй үйлчлэх зохицуулалтыг Засгийн газраас хийж байна.

Энэ нь хэн нэгэнд давуу эрх олгож буй хэрэг бус. Харин Монгол Улсын экспортын орлого, ажлын байр, хөрөнгө оруулалт, бизнес эрхлэгчдийн үйл ажиллагааг хамгаалахын зэрэгцээ Монголыг зорин ирсэн гадаадын иргэдийн аюулгүй байдлыг хангаж, олон улсын аялал жуулчлалын зах зээл дэх Монгол Улсын нэр хүнд, итгэлийг хамгаалахад чиглэсэн арга хэмжээ юм.

🙏 Иймд иргэд Та бүхнийг жуулчин тээвэрлэж буй жолооч, тээврийн хэрэгслийн нөхцөл байдлыг ойлгон, хүндэтгэлтэй хандаж, Монгол орноор аялж буй гадаадын зочдод найрсаг, эерэг, зочломтгой хандахыг уриалж байна.

ЭДИЙН ЗАСГИЙН ӨСӨЛТӨӨ ХАМТДАА ДЭМЖЬЕ.

МОНГОЛЫН АЯЛАЛ ЖУУЛЧЛАЛЫН ХОЛБОО