Гэр хорооллын иргэдийн үерийг тэсвэрлэх чадавхыг бэхжүүлэх төсөл - GCRP

11/06/2026

Гэр хорооллын иргэдийн үерийг тэсвэрлэх чадавхыг бэхжүүлэх төслийн зүгээс Нийслэлийн онцгой байдлын газартай хамтран Улаанбаатар хотын СХД, СБД-н нийт 8 хорооны 80 хэсгийн ахлагч нарт зориулсан "Бэлэн бай" сургагч багшийн сургалтыг зохион байгуулж байна.
Энэхүү сургалтаар бид хэсгийн ахлагч нарт аливаа аюулт үзэгдэл, гамшгийн үеэд бэлэн байж, яаралтай хариу арга хэмжээг авахад шаардлагатай мэдлэг, ур чадварыг олгох юм.
Ингэснээр төслийн зүгээс сургалтад хамрагдсан хэсгийн ахлагч нараар дамжуулан гэр хорооллын иргэдийн аливаа аюулт үзэгдэл, гамшгийн үеийн бэлэн байдлыг сайжруулж, яаралтай үеэд авах арга хэмжээнүүдийн талаарх ойлголт, ур чадвартай иргэдийг илүү олноор бий болгох боломж бүрдэх юм.

08/06/2026

Үерийн хамгаалалтын даланг ногооруулж эхэллээ. 🌿🌿🌿

Дасан зохицох сангийн санхүүжилттэй UN Habitat Mongolia байгууллагын хэрэгжүүлж, Хөгжлийн Шийдэл ТББ-н гүйцэтгэж буй "Гэр хорооллын иргэдийн үерийг тэсвэрлэх чадавхыг бэхжүүлэх төсөл"-ийн хүрээнд Сүхбаатар дүүргийн 18 дугаар хороо, Гүнжийн булгийн доод хэсэгт баригдсан үерийн хамгаалалтын шороон даланг ногооруулж, бэхжүүлэх ажил амжилттай үргэлжилж байна.

Уг ажлын хүрээнд үерийн хамгаалалтын далангийн налуу хэсгийн хөрсийг бэхжүүлэх, элэгдэл эвдрэлээс хамгаалах, байгалийн унаган төрхийг хадгалах зорилгоор нийт 7000 гаруй м² талбайг зүлэгжүүлж, мод бут тарихаар төлөвлөсөн.

Төслийн зүгээс Сүхбаатар дүүргийн "Ойчид Дэвжих" Оршин суугчдын зөвлөлийн гишүүдтэй хамтран 2026 оны 5 дугаар сарын 29-ний өдрөөс эхлэн хар шороо дэвсэх, зүлэгний үр суулгах, ширэг дэвсэх ажлуудыг хийж эхлээд байна. "Ойчид Дэвжих" оршин суугчдын зөвлөл нь тарьсан зүлэг, мод бутны усалгаа, арчилгааг тогтмол хийж ургаж тогтворжих нөхцөлийг бүрдүүлэх юм.

08/06/2026

🌱 СБД-ийн иргэд хамтдаа төлөвлөж, хамтдаа хэрэгжүүлнэ!

Дасан Зохицох Сангийн санхүүжилттэй НҮБ-н Хүн Амын Нутагшил, Суурьшлын хөтөлбөрийн хэрэгжүүлж, Хөгжлийн Шийдэл ТББ-н гүйцэтгэж буй "Гэр хорооллын иргэдийн үерийг тэсвэрлэх чадавхыг бэхжүүлэх төсөл"-ийн хүрээнд Сүхбаатар дүүргийн 16, 18 дугаар хороодын иргэдийн бүлгийн ахлагч, дэд ахлагч болон шинээр бүлэг байгуулж буй иргэд хуралдаж, өөрсдийн амьдарч буй орчноо сайжруулах, тулгарч байгаа бэрхшээлүүдээ хамтран шийдвэрлэх зорилгоор 2026 оны "Оршин суугчдын зөвлөлийн үйл ажиллагааны төлөвлөгөө"-г амжилттай боловсрууллаа.

Өөрийн амьдарч буй орчноо сайжруулах, хүүхэд багачуудынхаа аюулгүй байдлын төлөө санаа тавьж, шийдэл хайж буй иргэдийнхээ цаашдын хамтын ажиллагаанд амжилт хүсье! 🙌

27/05/2026

Сүхбаатар дүүргийн 16-р хорооны Оршин суугчдын зөвлөл 2026 оныхоо Үйл ажиллагааны төлөвлөгөөг шинэчлэн боловсрууллаа. Тус үйл ажиллагаанд Үндэсний дасан зохицох төлөвлөгөөг боловсруулах багийн ахлагч Др. Д.Давгадорж оролцож боловсруулж буй төлөвлөгөөндөө иргэдийн төлөвлөлтөөс тусгахаа илэрхийллээ.

13/05/2026

Гэр хорооллын иргэдийн үерийг тэсвэрлэх чадавхыг бэхжүүлэх төслийн хүрээнд СХД-н Толгойтын голд хийсэн үерийн далан, сувгийн ажлын бодит үр нөлөөний талаар хорооны удирдлагын сэтгэгдлийг хуваалцаж байна.

СХД-ийн 27-р хорооны дарга Я. Энхдолгор:

"Гэр хорооллын иргэдийн үерийг тэсвэрлэх чадавхыг бэхжүүлэх төслийг эхлэх үед манай хорооны хувьд нөхцөл байдал маш хүнд байсан. Тухайлбал манай хорооны баруун талын далангийн халиа тошин маш хүнд нөхцөл үүсгэдэг байсан. Харин сүүлийн 2 жил халиа тошингүй сайхан өвөлжлөө. Үүнийг бид төслийн хүрээнд хийсэн далан суваг, цөөрөм үүргээ сайн гүйцэтгэж байна даа гэж үзэж байгаа. Мөн Орчлон хорооллын баруун хойд булангийн байрнуудын подволд байнга хөрсний ус орж лифтээ зогсоох нөхцөл байдал үүсдэг, байнга усыг нь соруулдаг байсан бол сүүлийн хоёр жил энэ асуудлаар гомдол, санал огт орж ирсэнгүй. Мөн дүүргийн арын байруудад хөрсний ус гардаг тул үргэлж соруулдаг бүүр цэнгэг ус гардаг байсан нь энэ жил харьцангуй багасаад байна. Энэ ажлын хүрээнд манай хорооны нийт 730 өрхийн 2555 иргэн үр шимийг нь хүртсэн байна. Миний хувьд төслийн ажлын үр дүнд их сэтгэл хангалуун байна."

11/05/2026

НИЙГМИЙН ОРОЛЦОО ӨӨРЧЛӨЛТИЙН ЭХЛЭЛ
Гэр хорооллын иргэдийн үерийг тэсвэрлэх чадавхыг бэхжүүлэх төслийн зүгээс иргэдийн оролцооны аргачлалд сурилцан амьдрах орчин, ахуй нөхцөлөө сайжруулж буй Улаанбаатар хотын иргэдийн сайн туршлагуудаас онцлон хүргэж байна.
Энэ удаа бид Баянзүрх дүүргийн 9-р хорооны иргэн Хамтын хүч бүлгийн ахлагч Б.Ариунсайханы бүтээсэн амжилтын түүх, сайн туршлагыг та бүхэнд хуваалцаж байна.

11/05/2026

Ойн газрын харъяа СБД-ийн 16-р хорооны нутаг дэвсгэрт байрлах Дендрологийн /мод үржүүлгийн газар/ эзэмшил газарт голын үерийн хамгаалалтын тохируулга цөөрмийн ажил эхэллээ.
/Ажлын зурагнаас/

The construction of the flood protection pond has begun in the Dendrological Park (tree nursery area) located in the 16th khoroo of Sukhbaatar District under the jurisdiction of the Municipal Environment Agency.
/Photos of the construction process/

08/05/2026

Төсөлд хамрагдсан иргэдийн хөгжлийн жишээ.
Бодит түүх.

Enjoy the videos and music you love, upload original content, and share it all with friends, family, and the world on YouTube.

27/04/2026

Монгол улсын уур амьсгалын өөрчлөлтийн хувьд баримтлах гол бодлогын баримт бичгүүд болох Үндэсний дасан зохицох төлөвлөгөө (NAP), Үндэсний тодорхойлсон хувь нэмэр (NDC)-ийг орон нутгийн түвшинд буулгах бодлого боловсруулах ажлын хүрээнд дүүрэг, хороодын түвшинд хийгдэх шаардлагатай ажлуудын талаар иргэдийн хэлэлцүүлэг хийгдлээ.