Ээлтэй ертөнц ТББ Merciful World NGO

31/12/2025

🎄ШИНЭ ОНЫ МЭНД ХҮРГЭЕ🎄
Монгол Улсад оюуны бэрхшээлтэй залуусын хөдөлмөр эрхлэлтийг дэмжих чиглэлээр үнэлгээнд суурилсан, мэргэжлийн дэмжлэгтэй ажлын байрыг Гэр бүл, хөдөлмөр, нийгмийн хамгааллын яам, Хөгжлийн бэрхшээлтэй хүний хөгжлийн ерөнхий газар, @хөгжлийн бэрхшээлтэй иргэдийн хөдөлмөр эрхлэлтийг дэмжих төв-тэй хамтран туршилтаар хэрэгжүүлж эхлээд байна.

Энэхүү ажлын байр нь:
👏хөдөлмөр засалчийн мэргэжлийн үнэлгээ
👏хувь хүний чадавх, сонирхол, тэсвэр, анхаарал төвлөрөл
👏ажлын хэмнэл, оролцооны түвшинд тулгуурласан
👏индивидуалчилсан хөдөлмөрийн орчин юм.

Хөдөлмөр засалч нь тус хөтөлбөрийн хүрээнд:
👏оролцогч бүрийн чадавхийн иж бүрэн үнэлгээг хийж,
👏ямар төрлийн ажил, ямар түвшний дэмжлэг шаардлагатайг тодорхойлон,
👏ажлын байранд дасан зохицох үйл явцыг удирдаж,
👏хөдөлмөрөөр дамжуулан өдөр тутмын идэвх оролцоог нэмэгдүүлэх төлөвлөлтийг хэрэгжүүлж байна.

Үүний үр дүнд 10 залуу:
👏тогтмол, зорилготой хөдөлмөрт оролцож,
👏хариуцлага, ажлын дадлыг эзэмшиж,
👏багийн харилцаа, нийгмийн оролцоогоо нэмэгдүүлж,
👏халамжаас хараат бус, бие даасан амьдралын чадамжийг бодитоор сайжруулахыг зорьж байна.

Өмнө нь эдгээр залуусын хувьд:
өглөө очих тогтмол газар, хөдөлмөрөөр дамжуулан оролцох бодит боломж, мэргэжлийн дэмжлэгтэй ажлын орчин
байгаагүй.

Энэхүү туршлага нь:
✨хөгжлийн бэрхшээлтэй иргэдийн хөдөлмөр эрхлэлтийг
асаргаа, халамжаас салган,
✨чадавхид суурилсан бодлого болгон хөгжүүлэх,
✨хөдөлмөр засалч, ажлын байранд дадлагажуулагчийг
албан ёсоор хөдөлмөр эрхлэлтийн тогтолцоонд тусгах
шаардлагатайг бодитоор харуулж байна.

Иймд цаашид:
☝️хөдөлмөр засалд суурилсан ажлын байрыг төрийн бодлого, хөтөлбөрт тусгах,
☝️санхүүжилт, хүний нөөцийн стандартыг тодорхойлох,
☝️туршлагад суурилсан загварыг шат дараатайгаар
өргөжүүлэх боломж бүрдэж байна.

Энэхүү туршлага нь Монгол Улсад хөгжлийн бэрхшээлтэй иргэдийн хөдөлмөр эрхлэлтийн бодлогын шинэ загвар
болох бүрэн боломжтой.

ЭЭЛТЭЙ ЕРТӨНЦ ТББ
2025.12.31

31/12/2025

GoodBoys band- ын хөвгүүддээ баярлалаа🎄❤️

27/12/2025

27/12/2025

🎄🎁ХҮСЛИЙН ШИНЭ ЖИЛ 2026🎁🎄

365 хоног догдлон хүлээдэг Ээлтэй Ертөнцийн шинэ жилийн цэнгүүн хөгжилтэй хөөртэй, аялгуу дуутай, аз хийморьтой цагийг хамтдаа өнгөрөөлөө❤️

…тэд минь онцгой инээд, баяр хөөрөө энэ өдөр хэнээс ч нуудаггүй онцгой өдөр.....
..тэд минь дуу чанга инээхэд нь “болохгүй” гэж хэлэх хүнгүй, огцом хөдөлж, догдлоход нь “өөр бай” гэж сануулах хүнгүй, өөрийнхөөрөө байх бүрт нь ойлгож, хүлээж авдаг хүмүүсийн дунд тэд жинхэнэ утгаараа чөлөөтэй байж чаддаг.....

Олон онцлогтой, бүгд өөр гэдгийг хүлээн зөвшөөрсөн, нийгэмд тэр бүр гарч чаддаггүй хөгжлийн бэрхшээлтэй хүүхдүүдэд
ингэж дураараа байх боломжийг хамтдаа бүтээж өгсөн
сайн дурынхан, дэмжигчид, асран хамгаалагч та бүхэнд чин сэтгэлийн ТАЛАРХАЛ илэрхийлье.

“Хүслийн шинэ жил” бол бэлэг, чимэглэлээс илүү айдасгүй инээмсэглэл, шүүлтгүй орон зай, хайр дүүрэн хүлээн зөвшөөрөл билээ.

Жил бүр ая дуугаараа хамт байдаг✨👇
💃🕺 Дуучин Энжи, МУСТА Б.Төрмөнх Б. Түжүү, GoodBoys band, Борхулан нартаа🤗👏👏👏👏👏
🤹🫶баярын цэнгүүнийг амжилттай болоход хамгийн том үүргийг гүйцэтгэн хөтлөсөн , хөгжөөнт тоглоом, үйл ажиллагааг зохион байгуулсан багийнхандаа ахлагч өвлийн өвөө Г. Нарка
🤗🫂💇‍♂️💞бүх үйл ажиллагаанд сайн дурын оролцоотой, хамтдаа байдаг АШУҮИС-ийн Сувилахуйн Сургууль-ийн оюутнууддаа, багш нартаа

Хүүхдүүдэд минь жил бүр баярын бэлгийг уламжлал болгон илгээдэг Лантуун ДОХИО @ид шидийн уут аяныханд, бэлэг бэлдсэн Zolbayar Kh-ын гэр бүлийнхэнд, Үзэсгэлэнт амитава НҮТББ-ын баг хамт олонд чин сэтгэлийн талархал илэрхийлье🫶❤️👏💞

Та бүхний ачаар
хүүхдүүд энэ өдөр
өөрийгөө нуухгүй,
инээдээ барихгүй,
яг өөрөөрөө байж чадсаан🫶

Энэ баярыг хүүхдүүдэд бэлэглэсэн Хүүхэд хөгжүүлэх Энэрэл төв-ийн хамт олонд баярлалаа.

Ерөнхий ивээн тэтгэгч: ЭЭЛТЭЙ ЕРТӨНЦ ТББ

Шинэ он, шинэ жилийн баярын мэнд хүргэе🎄🎁

Дуранд өртсөн дурсамж зургуудыг дэлгэж байна🎬📷📸

03/12/2025

Хөгжлийн бэрхшээлтэй, хавсарсан онош бүхий танхимын үйлчилгээнд хамрагдах боломжгүй хүүхдүүдэд боловсрол хөгжлийн дэмжих үйлчилгээг хүргэж байгаа байгууллагууд 2025.10.07 болон 2025.11.11-нд удаа дараа танд хандаж хүсэлт, шаардлага хүргэсэн билээ.
Бид хуулийн хугацаанд хариу ирүүлэхийг хүссэн боловч өнөөдрийг хүртэл ямар нэг шийдэлд хүрээгүй байгаа учир дээрх хүсэлтэд хариу өгөхийг хүсч хөгжлийн бэрхшээлтэй хүний эрхийг хамгаалах олон улсын өдрөөр ахин хандаж байна.
Танхимын үйлчилгээнд хамрагдах боломжгүй сэргээн засах эмчилгээ болон асаргаа сувилгаатай хамтад нь байх үйлчилгээ нэн хэрэгцээтэй 635 хүүхдэд 12 байгууллагаар дамжуулан хүргэж байгаа боловсролын хэлбэрийн эрхзүйн орчинг тодорхой болгож, хүүхэд бүрийг боловсролын системд бүртгэн, хувьсах зардлыг тооцох тогтолцоог нэн яаралтай бүрдүүлж, хавсарсан оноштой хүүхдүүдийг эрхийг ханган ажиллана уу.

Ээлтэй Ертөнц ТББ

03/12/2025

11 сарын 23 өдөр 2025 он
YSOS клубын ээлжит аян “Таван хошуу” мал төсөл маань эхлэлээ. Энэ төслийг дэмжин өдөр шөнөгүй хичээнгүйлэн хөдөлмөрлөж, оёж бүтээсэн Ээлтэй Ертөнц “Энэрэл төв” -ын эцэг эхчүүддээ маш их баярлалаа.

Хүүхдүүд маань Монгол өв соёл, мал аж ахуйгаа танилцуулах хөтөлбөрт нэгдэн өөрсдийн цаг заваа гарган Монголоо гэсэн сэтгэл зүрхээрээ хамтдаа хичээн ажиллаж буй нь бахархууштай.

Төслийн зорилго:
1. Монголын нүүдэлчин соёл, уламжлалт мал аж ахуйгаа танин
мэдүүлэх, өвлүүлэх
2. Бүтээлч сэтгэлгээ, багаар ажиллах чадвар, судалгааны арга барил болон маркетинг
менежментийн эхний ойлголтыг хөгжүүлэх
3. Бүтээлээрээ дамжуулан хандивын үйл ажиллагаанд оролцож, бусдад туслах
нийгмийн хариуцлагыг төлөвшүүлэх

Team #1
Mendee Baldorj 7th grade
Marcus Batsuld Khishigbaatar 6th grade
Michelle Buyanbileg 6th grade
Egshiglen Bayarbat 6th grade
Khongorzul Altangerel 5th grade

Team #2
Enguun Ariunbold 8th grade
Eva Gantulga 7th grade
Cindy Jargalsaikhan 8th grade
Subedei Bilegtbayar 9th grade
Maralmaa Sambuu 8th grade



November 23, 2025

The YSOS Club’s new campaign, the “Five Livestock” project, has officially begun.
We would like to express our sincere gratitude to the parents of the “Enerel Center” of Eeltei Yertönts for their dedication and tireless work in supporting this project and creating handmade items with great care.

It is truly admirable that our children are participating in a program to introduce Mongolia’s cultural heritage and traditional livestock husbandry, contributing their time and working together with heartfelt patriotism.

Project Objectives

To educate and preserve knowledge about Mongolia’s nomadic culture and traditional livestock husbandry

To develop creativity, teamwork skills, research methods, and basic understanding of marketing and management

To cultivate social responsibility by participating in charitable activities through their creations.

03/12/2025

Монгол Улсын Ерөнхий сайд Г.Занданшатарт дараах хүсэлтийг уулзалтаар дамжуулан хүргэлээ.
1. Олон улсын үйл ажиллагааны ангилал ICF-ийг нэвтрүүлэх ажлыг эрчимжүүлэн энэ засгийн газрын хийх гол ажил болгон ажиллах. Ингэснээр үйлдлийн чадвараар нийгмийн бүхий л үйлчилгээг нэвтрүүлэн, хөгжлийн бэрхшээлтэй хүнд чиглэсэн бодит ажил байх болно.
2. Хөдөлмөрийн тухай хуулийн 144-р зүйлийг амь оруулж, дагалдах журмуудыг хөдөлгөх. Энэ хууль хэрэгжвэл олон хүн хөдөлмөр эрхлэх боломжит дээд хэмжээнд хүрэх боломжтой.
3. Хөгжлийн бэрхшээлтэй хүнтэй ажиллах хүний нөөцийг бэлтгэхэд бодлогоор дэмжин ажиллах.
4. Гэр Бүл Хөдөлмөр Нийгэм Хамгааллын яам, төрийн бус байгууллагуудтай хамтран гаргасан хөгжлийн бэрхшээлтэй нь тогтоогдсон цагаас насан эцэслэх хүртэл ямар үйлчилгээнд хамрагдах талаар гаргасан зураглалыг нэн яаралтай эхлүүлэх шаардлагатай байна.

Засгийн Газрын тэргүүнд эдгээр саналыг хүргэсэн бөгөөд 12 сарын 3-ны өдрийн хуралдаанаар дээрх асуудлыг хэлэлцэх тухай ярилцлаа.

03/12/2025

12 дугаар сарын 3

Энэ өдрийг хөгжлийн бэрхшээлтэй иргэдийн эрхийг хамгаалах олон улсын өдөр болгон зарлан тэмдэглэдэг.

Танхимын үйлчилгээнд хамрагдах боломжгүй хавсарсан онош бүхий хөгжлийн бэрхшээлтэй хүүхдүүдэд дэмжих үйлчилгээг хүргэх ХӨГЖЛИЙН БЭРХШЭЭЛТЭЙ ХҮНИЙ БОЛОВСРОЛ ЭЗЭМШИХЭД ДЭМЖЛЭГ ҮЗҮҮЛЭХ ЧИГ ҮҮРЭГ БҮХИЙ ДЭМЖИХ ТӨВИЙН ДҮРЭМ-ийг 2025.02.21-ний өдөр батласан билээ.

Дүрмийн 2.2-т тусгасны дагуу боловсролын үйлчилгээнд хамрагдаж байгаа 635 хүүхдийн системд бүртгэн, хувьсах зардлыг тооцон асуудлыг шийдэж өгөхийг хүсч Боловсролын Сайд Пүрэвсүрэнгийн Наранбаяр-Naranbayar Purevsuren танд хүргэж байна.
Боловсролын яам
Монгол Улсын Засгийн газар
Хүний төлөө цохилох зүрх бүхэн ариун байж
Хүүхдийн төлөө тэмүүлэх зам мөр тэгш байг

Ээлтэй Ертөнц ТББ

19/11/2025

https://forms.gle/vaJigxvR4kKG7ZmD8