24/06/2026
САНХҮҮГИЙН САЛБАРТ ҮР БҮТЭЭЛТЭЙ АЖИЛЛАСАН ХҮМҮҮСТ ТӨРИЙН ДЭЭД ОДОН, МЕДАЛЬ ГАРДУУЛЛАА
✅ Монгол Улсын Ерөнхийлөгчийн зарлигаар санхүүгийн салбарын хөгжилд үнэтэй хувь нэмэр оруулж, эрхэлсэн ажил үйлсээрээ манлайлсан нэр бүхий хүмүүсийг төрийн дээд одон, медалиар шагнасныг Санхүүгийн зохицуулах хорооны дарга Т.Жамбаажамц, орон тооны гишүүн бөгөөд дэд дарга Т.Цэрэнбадрал, Хяналтын зөвлөлийн дарга М. Буяндэлгэр нар гардуулж, хүндэтгэл үзүүллээ.
🇲🇳 Алтангадас одонгоор:
“Монгол Бичээч зууч” ХХК-ийн Даатгалын брокер Ц.Цэрэнчимэд;
🇲🇳 Хөдөлмөрийн хүндэт медалиар:
“Смарт Брокерс” ХХК-ийн Захирал, МДЗХ-ны Зөвлөх ерөнхийлөгч Д.Солонго
Шагнал гардуулах ёслолын үеэр Санхүүгийн зохицуулах хорооны дарга Т.Жамбаажамц төрийн дээд шагнал хүртсэн эрхмүүдэд халуун баяр хүргэж, тэдний олон жилийн идэвх зүтгэл, үр бүтээлтэй хөдөлмөр, мэргэжлийн ур чадвар, санхүүгийн салбарын хөгжил дэвшилд оруулсан үнэтэй хувь нэмрийг өндрөөр үнэлж байгаагаа илэрхийлээд, эрүүл энх, аз жаргал, ажил хөдөлмөрийн өндөр амжилтыг хүсэн ерөөв.
