МУБИС-ийн Утга зохиолын нэгдэл

Call Directions

МУБИС-ийн Утга зохиолын нэгдэл Contact information, map and directions, contact form, opening hours, services, ratings, photos, videos and announcements from МУБИС-ийн Утга зохиолын нэгдэл, Community Service, Ulaanbaatar.

Гуравхан жилМартаж боломгүй гуравхан жилМаргааш гэж байхгүй юм шиг Маргаад хагацаагүй ч Маргаангүй чи минийх Хүрэн ...
03/10/2026

Гуравхан жил
Мартаж боломгүй гуравхан жил
Маргааш гэж байхгүй юм шиг
Маргаад хагацаагүй ч
Маргаангүй чи минийх
Хүрэн зүрхэндээ
хүлээсэн чамайг
Хүүхэд насандаа
нандигнасан
Хүний хүн болж дээ
Хүрээд ирээсэй чи
минь
Гандаж гундсан
гуравхан жил
Ганцаараа байх жам юм
уу?
Гэнэн насны минь
ганцхан бодол
Гэнэтхэн чамайг л
санагалзана
Бундан зүрхэндээ
Бусдаас илүү нуусан
Бидэрт сарны гэрэлд
Борхон царай чинь
харагдана
Чамайг сэтгэл санасаар
Чамайг зүрх үгүйлсээр
Чи л биш бол
Чамаас бусад нь үгүй ээ

Багш МХУЗБ боловсрол хөтөлбөрийн нэгдүгээр түвшний оюутан Б. Мягмарнаран

Нийслэл хотод минь цас орлооНамрын навчис модноосоо унаж дуусаагүй байталНогоон зүлэг хатаж амжаагүй байталНууцхан хүлээ...
30/09/2026

Нийслэл хотод минь цас орлоо
Намрын навчис модноосоо унаж дуусаагүй байтал
Ногоон зүлэг хатаж амжаагүй байтал
Нууцхан хүлээсэн сэтгэл хариулт олоогүй байтал
Нойтон цас хаялан орлоо.

МУБИС-ийн Утга Зохиолын Нэгдэлийн гишүүн Д. Бат - Оргил

Намар цагийн урсгалНэг л өглөө болоход цас нэвсийтлээ орсон байлааНэг л мэдэхэд би цонх даган урсах дусалд хүрэлцэн шүрг...
29/09/2026

Намар цагийн урсгал
Нэг л өглөө болоход цас нэвсийтлээ орсон байлаа
Нэг л мэдэхэд би цонх даган урсах дусалд хүрэлцэн шүргэлцэж байлаа
Нэг л орой би алхаж явахдаа
Нэрийг нь үл мэдэх хүн лүү мишээн зөрж билээ
Өнгөа хувилж чадаагүй модны навчсыг харахдаа
Өврийн дэвтрээ шүүрэн авч гарч гүйлээ
Өрөөсөн үснийхээ боолтыг тайлан үсээ задгайлахдаа
Өөрийгөө ямар их жаргалтай байгааг энэ өдөр л мэдэрч суулаа
Энэ намарт би дурласан байх
Үгүй ээ эсвэл намар надад татагдсан байх
Уулын орой малгайгаа өмсөөд тухалсан шинжтэй дүнхийнэ
Урд саахалтын хотноос малын уур савсан харагдана
Урьдаж сэрсэн аав минь хөвөнтэй дээлээ нөмөрч гарна
Утаа суунаглсан галын дэргэд ээж минь цайгаа самарна
Энэ өдөр би ижий аавйгаа санав уу
Аль, эсхүл эрт орсон намрын цасанд норсны шинж үү
Хүлээж байсан мэдрэмжээ дүүртэл авсных уу
Хүрч үзээгүй, хүрэлцэж амжаагүй өөрийн сэтгэлд ханасных уу
Энэ олон мэдрэмжээ хаана хадгалах вэ?
Эвхэж тавьсан номныхоо завсарт уу
ҮГҮЙ ээ өнөөдөр орсон цастай цуг буцаачихъя
Эргээд ирэхдээ намрын улиралд дайгаад явуулчихаарай
Ай энэ өдөр орсон намрын цас аа гэж
Ай энэ цагт үргэлжлэх намрын урсгал аа гэж...
2026 оны 9 сарын 29нд үзэглэв.

Чамд дурлахад би 17-н секундМагадгүй би оюутан болох нь мөрөөдлийн минь эхлэл байсан байх Миний сурах итгэлийг төрүүлсэн...
29/09/2026

Чамд дурлахад би 17-н секунд
Магадгүй би оюутан болох нь мөрөөдлийн минь эхлэл байсан байх
Миний сурах итгэлийг төрүүлсэн нь чи дурлалын бурхан байсан байх
Маргаашийг бодон гунихрах нь миний ялагдал байсан байх
Мишээх дүрээ над дээр тогтоосон нь чиний авралийн од байсан байх
Чамд дурлахад би 17-н секунд
Ирээд буцах хорвоод ээжээсээ өөр хүнд дурлаагүй байсан байх
Эрдмийн далайд мордоод буухдаа ингэж дурлана гэж санаагүй байсан байх
Ихэмсэг харагдах атлаа энгүй их хүмүний мянган жаргалан байсан байх
Ижийн минь аашийг санагдуулам энэ л орчлонгийн түмэн жаргалан байсан байх
Чамд дурлахад би 17-н секунд
А үсэг заалгаж суухдаа амьдрал гэж бичиж сурсан байх
Амьдралын их далайд хөл тавихдаа анх би чамд дурласан байх
Ядмагхан ч гэлээ яруу найрагтаа л би хөглөгдсөн байх
Ялдам чинийхээ тухай яруу найрагтаа л би хэлсэн байх
Янжинлхам уу гэлтэй чамдаа л би дурласан байх
Яах аргагүй яруу найраг л чи бид хоёрын тухай мэдэх байх
Чамд дурлахад би 17секунд…

МУБИС-ийн Утга Зохиолын Нэгдэлийн гишүүн Б. Бямбадорж

Хотын хөл хөдөлгөөнСаарал манан дунд гэрлэн дохио анивчижСанаа алдах чөлөөгүй түмэн хөл үймэлдэнэХаашаа ч юм бэ бүгд л н...
28/09/2026

Хотын хөл хөдөлгөөн

Саарал манан дунд гэрлэн дохио анивчиж
Санаа алдах чөлөөгүй түмэн хөл үймэлдэнэ
Хаашаа ч юм бэ бүгд л нэг тийш яарна
Хажууд зөрөх хүний харцыг ч анзаарах сөхөөгүй
Явган хүний зам дээр мөр шүргэлцэн өнгөрөхөд
Ямар нэг дулаан илч мэнд мэдэх үг дутагдсан мэт
Төмөр хүлгүүдийн дуут дохио чихнээ нүргэлж
Төлөвлөгөөт цаг хугацаанд хүн бүр хүлэгджээ
Өндөр барилгуудын сүүдэр газар бүрхэж
Өнөөх л тухгүй хүйтэн салхи гудамжаар хэсүүчилнэ
Яарсан хүмүүсийн гутал асфальт нүдэх чимээ
Яг л зогсолтгүй цохилох хотын зүрхний хэмнэл үү гэлтэй…
Амар амгаланг хайвч бетонон хана угтана
Алсын бараа харагдахгүй багтрам бачуухан орчин
Хүн бүхэн хаа нэгтээ хоцорч яваа мэт
Хүлээх зуур ч зүрх нь яаран цохилсоор байна

МУБИС-ийн Утга Зохиолын Нэгдэлийн гишүүн Г. Баяржавхлан

МУБИС-ийн Утга зохиолын нэгдлийн цуглаан долоо хоног бүрийн баасан гаргийн 17:30 минутаас байхаар товлолоо. Эхний удааги...
16/09/2026

МУБИС-ийн Утга зохиолын нэгдлийн цуглаан долоо хоног бүрийн баасан гаргийн 17:30 минутаас байхаар товлолоо.

Эхний удаагийн уулзалтыг хоорондоо танилцан шүлгээ дуудаж, уран зохиолын тухай хөөрөлдөн өнгөрүүлцгээе. Сонирхсон хэн бүхэнд нээлттэй.

09/09/2026

“Хот минь Хорин нэг дүгээр зууны хамгийн том алдаа минь” Ц.Х Хүмүүнлэгийн ухааны олон эрдэмтний үзлээр бидний оршин буй энэ цаг бол постмодер...

🖊️🔔 МУБИС-ийн НХУС-ийн Утга зохиолын тэнхимийн харьяа Утга зохиолын нэгдэл шинэ хичээлийн жил эхэлсэнтэй холбогдуулан а...
03/09/2026

🖊️🔔 МУБИС-ийн НХУС-ийн Утга зохиолын тэнхимийн харьяа Утга зохиолын нэгдэл шинэ хичээлийн жил эхэлсэнтэй холбогдуулан албан ёсоор элсэлтээ авч эхэллээ.

🔔 Та дараах холбоосоор нэвтрэн маягт бөглөх илгээгээрэй.

https://docs.google.com/forms/d/e/1FAIpQLSeRzbsMfZX9Zn1f4cyEppXf3_WfqlxAjKkB5PIMQDPqf85TsA/viewform

Хар мянган шувууд минь Хайрцгаасаа гарах гээд л догдлоод байх юмХавар нь иржээИд цэцэглэх үе нь юм л дааГаргаад үзвэл яа...
22/05/2026

Хар мянган шувууд минь
Хайрцгаасаа гарах гээд л догдлоод байх юм
Хавар нь иржээ
Ид цэцэглэх үе нь юм л даа
Гаргаад үзвэл яадаг юм бол
Гүйцэгдэхээ байгаад төөрвөл яана?
Гүндээ л тэднийг нандигная даа...
Хавар заримдаа хүйтэн байдаг
Хаврын хүйтэн ч яах вэ
Хүмүүсийн хүйтэн харц, шувуудын минь хөлдсөн нулимс

МУБИС | Утга Зохиолын Нэгдлийн гишүүн Хөвсгөл аймгийн Мөрөн сумын Титэм ЕБС-ийн 12в ангийн сурагч О. Маралмаа

Галсансүх Галсансүх байхыг хүссэн учраас ингэж алхдаг юм. Гаж буруу явахыг бус ган жад шиг явахыг хүссэндээ энэ. "Чи бич...
20/05/2026

Галсансүх Галсансүх байхыг хүссэн учраас ингэж алхдаг юм. Гаж буруу явахыг бус ган жад шиг явахыг хүссэндээ энэ.
"Чи бичиж байгаа ном бүхэнд ЖАРГАЛ гэсэн үг орох ёстой гэж чанга дуугаар хэлсэн. ЖАРГАЛ гэсэн үгтэй номыг хүмүүс жигтэйхэн их уншиж байна" гэхчилэн хөврөх хэдэн мөрийг уншаад 15 настай охин сая санаа амрах гээчийг мэдэрч байж билээ. Тоолж барамгүй туурвил дундаас тавыг нь сонгож аваад "та энийг унш" гэж тайзан дээр зогсоох нь өөрөө орчин үеийн залуус бидний оюуны доройтол, мунхаглал, энэ нийгмийн үнэн төрх (дурдахгүй байж чадахгүй нь).

Мөнгөн үеийн яруу найрагчдыг мөр дарааллан нэрлэж зэрэгцэн зогсоонгуутаа инээмсэглэл тодруулан байснаа төдөлгүй ярианы сэдэв нөгөө тийш хазайнгуут энэ хорвоогийн хамаг муу бүхэнд сэтгэл хөндүүрлэн дотогшоо өмрөн гомдлоо залгих нь харцнаа илхэн харагдана. Учир нь бид "Сэтгэл гэдэг эрхтэн"-тэй гэдгээ шинжлэх ухааны хөгжлөөс бус үгийн урлагаас, түүний урлагаас олж үзсэн.

Амьдрал бол дайн. Бид цөмөөр түүнийг яруу найргийн шинэчлэлийн төлөөх зуун жилийн дайны тулаанч эр гэдгийг мэднэ. Харин өнөөдөр ямар ч дайнд гавьяагаа дуурсгасан баатар эр яаж алхдагийг нүдээр үзлээ, тэр дайны ялалтыг цуурай нь намдахаас өмнө тунхагласаар байх нь залуус билний үүрэг гэдгийг ч ойлголоо. Баярлалаа Дэжидмаагийн Галсансүх...

/Нэгдлийн гишүүний тэмдэглэл/

МУБИС Утга Зохиолын Нэгдэл #11 2026/5/14

Address

Ulaanbaatar

Telephone

+97688781548

Website

Alerts

Be the first to know and let us send you an email when МУБИС-ийн Утга зохиолын нэгдэл posts news and promotions. Your email address will not be used for any other purpose, and you can unsubscribe at any time.

Shortcuts

Share

Category