What are the opening hours?

Monday 08:00 - 17:00 Tuesday 08:00 - 17:00 Wednesday 08:00 - 17:00 Thursday 08:00 - 17:00 Friday 08:00 - 17:00

Монголын үйлдвэрлэлийн геологичдын холбоо

13/04/2026

"ХАЙГУУЛЧИН" СЭТГҮҮЛ

Үйлдвэрлэл-эрдэм шинжилгээний “ХАЙГУУЛЧИН” сэтгүүлийн №70 дахь дугаар тун удахгүй 2026 оны 5 сард хэвлэгдэх болсон тул та бүхэн өгүүлэл, нийтлэл материалаа ирүүлэхийг урьж байна.
Энэхүү дугаарт өмнө нь ирсэн нийтлэлүүд www.monseg.mn вэб сайтад цахим хэлбэрээр нийтлэгдсэн байгаа тул та бүхэн онлайнаар унших боломжтой болсон билээ.

Материал хүлээн авах хугацаа: 2025.04.26

Холбоо барих:
“Хайгуулчин” сэтгүүлийн нарийн бичгийн дарга С.Оюунгэрэл.
Утас: 99294030
И-мэйл хаяг: [email protected]
Жич: Өгүүлэл, нийтлэлийг сэтгүүлийн Редакцын зөвлөл хянаж, зөвхөн шаардлага хангасан тохиолдолд хэвлэхийг мэдэгдье.

Хүндэтгэсэн
“ХАЙГУУЛЧИН” сэтгүүлийн Редакцын зөвлөл

06/04/2026

Дорноговь аймгийн Улаанбадрах сумын нутагт орших Бадрах Энержи компанийн Зөөвч Овоо, Дулаан уул ураны олборлолт, үйлдвэрлэлтэй танилцлаа. Уг ураны орд нь элсэн чулуулагт үүссэн ролл фронт төрлийн хоёрдогч гарал үүсэлтэй зөөгдмөл орд юм. Цэрдийн насны улаан шавраар гүндээ болон дээд түвшиндээ тусгаарлагдсан исэлдэл ангижралын бүсэд агуулагдах ураны хүдэржилтыг хүхрийн хүчлээр уусган гаргаж авах дэвшилтэт технологид суурилсан. Тухайн төслийн хэмжээнд орон нутгийн иргэд, аймгийн засаг дарга болон ард иргэдэд мэдээллээ ил тод нээлттэй хүргэдэг. МҮГХ-ны шугамаар геологичид, инженерүүд, байгаль орчны мэргэжилтэн болон оюутнууд үйлдвэрийн процесс үйл ажиллагаа, аюулгүй байдалтай танилцаж Ураны талаар бүрэн ойлголт авлаа. Мөн энэ төсөл дээр ажиллаж байгаа геологич болон геофизикч нараар бахархлаа.

Гео-аялалыг зохион байгуулагч МҮГХ
Аялалыг дэмжсэн Бадрах Энержи ХХК-ний хамт олонд талархлаа.

01/04/2026

МОНГОЛЫН ҮЙЛДВЭРЛЭЛИЙН ГЕОЛОГИЧДЫН ХОЛБОО (МҮГХ)-НЫ УДИРДАХ ЗӨВЛӨЛИЙН ГИШҮҮН, ГЕОЛОГИЙН САЛБАРЫН ЗАЛУУ ГЕОЛОГИЧДЫН ТӨЛӨӨЛӨЛ И. ХАЛИУНАА

Идэрбатын Халиунаа нь МУИС-ийг геологийн бакалавр, ШУТИС-ийг ашигт малтмалын хайгуулын магистрын зэрэгтэй төгсөж, Японы Акита их сургуульд богино хугацааны ахисан түвшний сургалт дүүргэсэн.

2018 оноос геологийн салбарт мэргэжлээрээ ажиллаж, Хан-Алтай алтны ордын хайгуулаас үйлдвэрлэлийн туршлагаа эхлүүлэн Плюс Минералс, Монголын Алт МАК ХХК-уудад металл ашигт малтмалын геологич, туслах спектр геологичоор ажиллахын зэрэгцээ геологийн судалгааны ажлаараа дотоод болон олон улсын эрдэм шинжилгээний өгүүлэл, хурлын илтгэлээр хэлэлцүүлж ирсэн.

И.Халиунаа нь 2023 оноос олон улсын зөвлөх үйлчилгээний RPMGlobal болон SLR Consulting компанийн бүрэлдэхүүнд багтаж, Монгол болон Олон улсын алт, мөнгө, хар тугалга–цайр, никелийн латерит, зэс–молибден, төмрийн хүдэр, сурьма, газрын ховор элемент (REEs)-ийг хамарсан төслүүдэд ажиллаж байна.

Тэрээр хайгуулын болон геологийн өгөгдлийн баталгаажуулалт, хүдэржилт ба хувирлын 3 хэмжээст загварчлал, блок моделийн хяналт чиглэлээр ашигт малтмалын ордын нөөцийн тооцоолол, нөөцийн үнэлгээний ажлуудад оролцож, олон улсын ЖОРК стандартын нөөцийн тайлан, SK-1300 техникийн тайлан болон ТЭЗҮ боловсруулахад оролцож байна.
• Австралийн Геологийн шинжлэх ухаанчдын институт (AIG)-ын гишүүн.
• АНУ-ын Үйлдвэрэлэлийн геологичдын холбоо (SEG)-ны гишүүн.

Мэргэжлийн чиглэлээс гадна Геологийн салбарын үнэ цэнийг олон нийт, орон нутаг, залууст таниулах чиглэлээр ажиллаж байна.
• УУХҮЯ–АМЕП 2 хөтөлбөр хамтарсан “Эрдэс баялгийн салбарын үнэ цэн, өгөөжийг нэмэгдүүлэх нь” төслийн хүрээнд орон нутгийн иргэд, ЕБС-ийн сурагчдад геологи, уул уурхайн суурь ойлголтыг түгээх олон нийтийн арга хэмжээ
• Монголын Тогтвортой Хөгжил, Нийгмийн Хариуцлагын Зөвлөлтэй хамтран олон нийтэд чиглэсэн төсөл, арга хэмжээ
• Mining Insight сэтгүүлд геологи, хайгуулын чиглэлээр аналитик нийтлэлүүд бичиж байна.

Нийтлэл: https://mininginsight.mn/index.php?newsid=1274

Залуу геологич И.Халиунаадаа МҮГХ-ны Удирдах зөвлөлийн гишүүний хариуцлагатай ажилд нь өндөр амжилт хүсье!

01/04/2026

МОНГОЛЫН ҮЙЛДВЭРЛЭЛИЙН ГЕОЛОГИЧДЫН ХОЛБОО (МҮГХ)-НЫ УДИРДАХ ЗӨВЛӨЛИЙН ГИШҮҮН Х.АРИУНЗАЯА

Монголын Үйлдвэрлэлийн Геологичдын Холбооны Удирдах Зөвлөлийн гишүүн, геологич Хүрэлбаатарын Ариунзаяа нь геологи, уул уурхайн салбарт 10 гаруй жилийн турш тасралтгүй ажиллаж, ашигт малтмалын эрэл хайгуулын чиглэлээр мэргэшсэн, туршлагатай мэргэжилтэн юм. Тэрээр онолын мэдлэг, талбайн практик туршлагыг хослуулан ажиллаж, салбарын хөгжлийн бодлого, мэргэжлийн үйл ажиллагаанд идэвхтэй оролцож байна.

Х.Ариунзаяа нь ШУТИС-ийн Геологийн сургуулийг геологич мэргэжлээр бакалавр, магистрын зэрэгтэй төгссөн бөгөөд мэргэжлийн суурь боловсролоо бат бөх эзэмшсэн. Сургалтын хугацаандаа олон улсын хамтарсан судалгаанд оролцож, Хангайн нурууны мөстлөгийн хурдсын өгөршлийн судалгааны ажилд хувь нэмэр оруулсан нь түүний судалгааны ур чадварыг эртнээс төлөвшүүлжээ.

Түүний ажлын гараа 2008 оноос эхэлж, нүүрсний эрэл хайгуул, ураны ордын судалгаа зэрэг олон төрлийн төсөлд геологичоор ажилласан. “Энержи Ресурс” ХХК-д ажиллах хугацаандаа Ухаахудаг нүүрсний ордын хайгуул, ашиглалтын үеийн судалгаанд оролцож, ордын нөөцийн үнэлгээ, геологийн мэдээллийн боловсруулалт зэрэг чухал ажлуудыг гүйцэтгэсэн. Дараа нь “Нон феррос майнинг монголиа” ХХК болон “Баатар Майнинг Инвестмент” ХХК-д ахлах геологичоор ажиллаж, ашигт малтмалын хайгуулын ажлыг удирдан зохион байгуулж байна.

Тэрээр геологийн өгөгдөл боловсруулах, нөөцийн тооцоолол хийх, газарзүйн мэдээллийн систем дээр ажиллах өндөр ур чадвартай бөгөөд Micromine, ArcGIS зэрэг мэргэжлийн программ хангамжийг бүрэн эзэмшсэн. Мөн нүүрсний чанарын хяналт, геологийн зураглалын чиглэлээр олон улсын сургалтад хамрагдаж, мэдлэгээ тогтмол шинэчилдэг.

Х.Ариунзаяа нь зөвхөн мэргэжлийн ур чадвараараа бус, салбарын хамтын ажиллагаа, хүний нөөцийн хөгжлийг дэмжих чиглэлээр ч идэвхтэй оролцдог. Монголын Үйлдвэрлэлийн Геологичдын Холбооны Удирдах Зөвлөлийн гишүүний хувьд салбарын залуу мэргэжилтнүүдийг дэмжих, геологийн шинжлэх ухааны нэр хүндийг өсгөхөд хувь нэмрээ оруулж байна.

Түүний ажил, туршлага, хандлага нь Монгол Улсын геологи, уул уурхайн салбарын тогтвортой хөгжилд чухал хувь нэмэр оруулж буй бөгөөд мэргэжлийн ёс зүй, тасралтгүй хөгжлийг эрхэмлэдэг геологичийн тод жишээ болж байна.

16/03/2026

Мэдээлэл

Геологийн салбарын мэргэшсэн, зөвлөх зэргийн эрх олгох 2026 оны сургалтын бүртгэлд Монголын үйлдвэрлэлийн геологичдын холбооны гишүүнчлэлийн тодорхойлолтыг хүлээж авахаар болсныг үүгээр мэдэгдэж байна.

Жич: Тодорхойлолтыг https://www.monseg.mn/register хуудсаар бүртгүүлж цахимаар авах боломжтой.
Дэлгэрэнгүй заавар: https://www.facebook.com/share/p/184PXYkvHV/

МҮГХолбоо

13/03/2026

МОНГОЛЫН ҮЙЛДВЭРЛЭЛИЙН ГЕОЛОГИЧДЫН ХОЛБООНЫ УДИРДАХ ЗӨВЛӨЛИЙН АХМАД ГИШҮҮН Д. БАТ-ЭРДЭНЭ

Монголын Үйлдвэрлэлийн Геологичдын Холбоо-ны Удирдах Зөвлөлийн ахмад гишүүн, геологич, уул уурхайн бодлого тодорхойлогч Даш овогтой Бат-Эрдэнэ нь Монгол Улсын геологи, уул уурхайн салбарт 40 гаруй жил үр бүтээлтэй ажилласан, онол-практикийг хослуулсан нэр хүндтэй мэргэжилтэн юм.

Тэрээр 1977 онд ЗХУ-ын Эрхүүгийн Политехникийн дээд сургуулийг уулын инженер-геологич мэргэжлээр төгсөж, хээрийн геологи, эрэл-хайгуул, улсын бодлого, олон улсын хамтын ажиллагаа хүртэлх өргөн хүрээнд ажилласан туршлагатай. Улмаар Их Британийн Дандийн их сургуульд эрдэс баялаг, газрын тосны эрх зүйгээр магистр (LLM), Монгол Улсын Техникийн Их Сургуульд эрдэс баялгийн бодлогын чиглэлээр докторын зэрэг хамгаалсан нь түүнийг салбартаа онцгой байр суурьтай болгосон билээ.

Д. Бат-Эрдэнэ нь алт, төмөр, нүүрс зэрэг ашигт малтмалын олон ордыг нээн илрүүлж, нөөц тогтоон үйлдвэрлэлд шилжүүлэхэд биечлэн оролцсон төдийгүй зэсийн порфир, уран, газрын ховор элемент, гянт болд, молибден зэрэг стратегийн түүхий эдийн хайгуулын ажлыг удирдаж ирсэн туршлагатай. Мөн Монгол Улсын эрдэс баялгийн бодлого, уул уурхайн хууль эрх зүйн орчныг боловсруулах, шинэчлэх үйл явцад идэвхтэй оролцож, төр-хувийн хэвшил, олон улсын байгууллагуудын хоорондын хамтын ажиллагаанд чухал хувь нэмэр оруулсан.
Түүний олон улсын түвшинд тавьсан илтгэл, эрдэм шинжилгээний өгүүллүүд нь Монголын геологийн салбарыг дэлхийд таниулахад чухал нөлөө үзүүлсэн бөгөөд НҮБ, бүс нутгийн болон олон улсын хурал, төслүүдэд Монгол Улсыг төлөөлөн оролцож байв.

Эдгээр бодит гавьяа, хөдөлмөрийг нь үнэлж “Тэргүүний геологич”, “Тэргүүний уурхайчин”, Хөдөлмөрийн гавьяаны улаан тугийн одон, Аж үйлдвэрийн гавьяат ажилтан зэрэг төрийн дээд шагнал, цол хүртээсэн нь түүний салбартаа оруулсан үнэлж баршгүй хувь нэмрийн илэрхийлэл юм.

Өдгөө Д. Бат-Эрдэнэ нь ахмад мэргэжилтний хувиар мэдлэг, туршлагаа залуу геологичдод өвлүүлэн үлдээж, Монголын геологи, уул уурхайн салбарын тогтвортой, хариуцлагатай хөгжилд үнэтэй хувь нэмрээ оруулсаар байна.

04/03/2026

"Ашигт малтмалын тухай хуульд нэмэлт, өөрчлөлт оруулах тухай" санал хураалтанд саналаа өгцгөөнө үү.

Холбооноос саналыг нэгтгэн цааш хүргүүлэх болно.

24/02/2026

МОНГОЛЫН ҮЙЛДВЭРЛЭЛИЙН ГЕОЛОГИЧДЫН ХОЛБОО (МҮГХ)-НЫ УДИРДАХ ЗӨВЛӨЛИЙН ГИШҮҮН Ц. МӨНГӨНШАГАЙ

Цагаанцоожийн Мөнгөншагай нь геологич, бизнесийн удирдлагын мэргэжилтэй, уул уурхайн салбарт 20 гаруй жил ажилласан туршлагатай мэргэжилтэн юм. Тэрээр Хөвсгөл аймгийн Мөрөн суманд төрж өссөн бөгөөд 2001 онд Дархан хотын Техникийн коллежийг төгссөнөөс хойш мэргэжлийн замналаа багш, талбайн геологичоос эхлүүлжээ.

Суурь судалгаа, эрэл хайгуул, уурхайн ашиглалт, төслийн удирдлага, компанийн гүйцэтгэх удирдлага, ТУЗ-ын түвшинд ажилласан өргөн туршлагатай. Тухайлбал, улсын геологийн зураглалын “Бурханттолгой-50”, Улсын геологийн иж бүрдэл зураг зохиох “Дорнод Монгол-VII” төслүүдийг удирдан хэрэгжүүлж, төмөр, алт, нүүрсний чиглэлийн 20 гаруй эрэл хайгуулын төслүүдэд оролцсон байна.

Тэрээр 2014 оноос хойш МҮГХ-ны Удирдах зөвлөлийн гишүүнээр ажиллаж, улсын төсвийн хөрөнгөөр хэрэгжиж буй геологийн судалгааны ажлын чанар, үр дүнг сайжруулах, салбарын бодлого, хууль эрх зүй, зах зээлийн судалгаанд идэвхтэй оролцож иржээ.

Өнөөдөр Ц.Мөнгөншагай нь Minegolia.mn төслийг санаачлан хэрэгжүүлж, Монголын уул уурхайн төслүүдийг олон улсын стандартад нийцүүлэн системчлэх, хөрөнгө оруулалтыг татаж чадах төслийг бойжуулах экосистемийг бүрдүүлэхээр ажиллаж байна. Мөн төслийн удирдлагын PMBOK стандартыг геологи-уул уурхайн салбарт нутагшуулах судалгаа, хөгжүүлэлтийг хийж байгаа нь түүний мэргэжлийн онцлох чиглэл юм.

Тэрээр Уул уурхайн салбарын бизнесийн гадаад орчны судалгааг гүйцэтгэсний үндсэн дээр хувь хүний эрх чөлөө, бизнесийн ёс зүй, чөлөөт зах зээлийн өрсөлдөөнд суурилсан тогтолцоог салбарын тогтвортой хөгжлийн үндэс гэж үзэж “Монголын уул уурхайн салбарын бизнесийн орчин” сэдвээр илтгэл хэлэлцүүлэг хийж ирсэн.

Монголын үйлдвэрлэлийн геологичдын холбоо - Mongolian SEG

13/04/2026

06/04/2026

01/04/2026

01/04/2026

16/03/2026

13/03/2026

04/03/2026

24/02/2026

Address

Opening Hours

Website

Alerts

Shortcuts

Share

Category

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00