Mongolian Athletics Federation

31/07/2026

Монголын хөнгөн атлетикийн Үндэсний шигшээ багийн тамирчид болон хөнгөн атлетикийн залгамж халааг бүрдүүлж буй өсвөр, залуу тамирчид Спортын анагаах ухаан, эрдэм шинжилгээний төвийн (САУЭШТ) сургалт, судалгаа, бие бялдарын сорилт, шинжилгээнд амжилттай хамрагдлаа.

Энэхүү сорилт, шинжилгээ нь тамирчдын бие бялдрын хөгжлийн түвшин, бэлтгэлийн явц, үйл ажиллагааны чадамжийг шинжлэх ухааны үндэслэлтэйгээр үнэлж, цаашдын бэлтгэл сургуулилтыг илүү үр дүнтэй төлөвлөхөд чухал ач холбогдолтой юм.

Нийт тамирчид, багш дасгалжуулагчдынхаа цаашдын бэлтгэл сургуулилт болон ирэх тэмцээн, уралдаанд нь өндөр амжилт хүсэн ерөөе.

28/07/2026

27/07/2026

Хөнгөн атлетикийн УАШТ-ний Бүртгэлийн өрөө буюу call room дуудах цагийн хуваарь.

26/07/2026

Улсын аварга шалгаруулах тэмцээний протокол мэдээллийг доорх линкээс харна уу.

насанд хүрэгчдийн улсын аварга шалгаруулах ТЭМЦЭЭНИЙ МЭДЭЭ

25/07/2026

Дасгалжуулагч нарын анхааралд !!!

400м.ийн эмэгтэйчүүдийн зай төрөлд 6 тамирчин бүртгүүлсэн тул урьдчилсан шатны гүйлтийг цуцалж, шууд шигшээ гүйлт явагдана.
Замын хуваарилалтыг бүртгэлд өгсөн цагийн амжилтаар хуваарилсан.
400м.ийн эмэгтэй зайн гүйлт 16:40.д явагдана.

Зохион байгуулах хороо.

25/07/2026

ТЕХНИКИЙН ЗӨВЛӨГӨӨНИЙ ХУРЛЫН ТЭМДЭГЛЭЛ / ШИЙДВЭР

​Оролцогчид:
​Азийн Хөнгөн Атлетикийн Холбоо (АХАХ): ЕНБД А.Шуггумаран, Тэмцээн уралдаан хариуцсан захирал К.Валсон
​Монголын Хөнгөн Атлетикийн Холбоо (МХАХ): Ерөнхийлөгч Э.Нарангэрэл, ЕНБД С.Наранчимэг болон Удирдах зөвлөлийн гишүүд
​ШИЙДВЭРЛЭСЭН НЬ:
​1. Гүйлтийн төрлийн шигшээ ба урьдчилсан уралдаан (100м, 200м, 400м)
​а. Шигшээд шалгарах журам: Урьдчилсан гүйлт бүрт 1-р байр эзэлсэн тамирчид шууд (Q), бусад тамирчдаас цагийн амжилтаар нь дараалуулж (q) шигшээ уралдаанд оролцуулна.
​б. Зам хуваарилалт: Шигшээ уралдааны зам хуваарилалтыг урьдчилсан гүйлтийн цагийн амжилтыг үндэслэн хуваарилна (1-р цагийн амжилтаар шалгарсан тамирчин 3-р замд, 2-р цагийн амжилтаар шалгарсан тамирчин 4-р замд гэх мэт).
​в. 100 метрийн гүйлтийн шигшээгийн бүрэлдэхүүн:
​Нийт оролцогчийн тоо 12-оос дээш бол шигшээ гүйлтэд 8 тамирчин шалгарна.
​Нийт оролцогчийн тоо 12 ба түүнээс доош бол шигшээ гүйлтэд 6 тамирчин шалгарна.
​2. Пүүз ба шипинд тавигдах техникийн шаардлага
​а. Тэмцээний зориулалтын шипиний хадаасны урт 9 мм-ээс ихгүй байна.
​б. Пүүз өмсөж уралдах тохиолдолд өсгийн улны зузаан 20 мм-ээс ихгүй байна.
​Дэлхийн Хөнгөн Атлетикийн Холбоо (World Athletics)-ны албан ёсны "Тэмцээний ба техникийн дүрэм" (Competition and Technical Rules) болон "Гутлын зохицуулалтын дүрэм" (Athletic Shoe Regulations)-ийн 5 дугаар зүйлийг баримтална.
​3. Шидэлт ба харайлтын төрөл
​Оролцогч тамирчдын тоо 8 ба түүнээс доош бол шууд 6 оролдлого хийнэ.
​Оролцогч тамирчдын тоо 9 ба түүнээс дээш байвал эхний 3 оролдлогын дараа шигшээ оролдлогыг хийлгэнэ.
​4. Рекорд амжилт баталгаажуулах
​Улсын болон тэмцээний рекорд амжилт эвдэгдсэн тохиолдолд Ерөнхий шүүгч болон Техникийн шүүгчдийн хэсэг албан ёсоор баталгаажуулсны дараа нийтэд мэдээлнэ.
​5. Гомдол, маргаан шийдвэрлэх журам
​Тэмцээний явцад гарсан аливаа маргаантай асуудлаар зөвхөн бичгээр Ерөнхий шүүгчид санал, гомдол гаргах ба хариуг мөн бичгээр олгоно. Шүүгчид аман хэлбэрээр гаргасан санал, гомдлыг хүлээн авахгүй.
​6. Тэмцээний явц ба нээлт
​Тэмцээн баталсан цагийн хуваарийн дагуу явагдах бөгөөд нээлтийн ажиллагааг 100 метрийн урьдчилсан гүйлтийн өмнө зохион байгуулна.

Амжилт хүсье.

25/07/2026

Багийн ахлагч, багш Дасгалжуулагчдын анхааралд!!!

Хөнгөн атлетикийн УАШТ-ний нээлтийн үйл ажиллагаа олон улсын зочид төлөөлөгчдийн цагийн хуваариас шалтгаалан 11цагт болж,
100м урьдчилсан шатны гүйлт 15 мин хойшилж 11 цаг 30мин.д явагдахаар болсон тул багш дасгалжуулагчид тамирчдын бие халаалтыг тухайн цагт тохируулан хийлгэхийг анхааруулж байна.
Бусад төрөл зай нь цагийн хуваарийн дагуу явна.

25/07/2026

24/07/2026

Азийн хөнгөн атлетикийн холбооны төлөөлөгчдийг хүлээн авч уулзлаа

Биеийн тамир, спортын улсын хорооны дарга Э.Билэгт өнөөдөр Азийн хөнгөн атлетикийн холбооны Ерөнхий нарийн бичгийн дарга ноён Шуггумарран, мөн холбооны Тэмцээн, уралдаан хариуцсан захирал ноён Валсон нарыг хүлээн авч уулзлаа.

Уулзалтад Монголын хөнгөн атлетикийн холбооны ерөнхийлөгч Э.Нарангэрэл хамтран оролцов.

Уулзалтын үеэр Биеийн тамир, спортын улсын хорооны дарга Э.Билэгт, Монголын хөнгөн атлетикийн холбооны ерөнхийлөгч Э.Нарангэрэл нар залуу тамирчдыг дэмжих бодлогын талаар саналаа хэлэв. Мөн Азийн хөнгөн атлетикийн холбооны төлөөлөгчид Монголын хөнгөн атлетикийн салбарт ажиглагдаж буй ахиц дэвшил, тамирчдын бэлтгэл, дэд бүтцийн байдалтай холбоотой саналаа солилцлоо.

Талууд цаашид шүүгч, дасгалжуулагчдын мэргэшлийг дээшлүүлэх сургалт, туршлага солилцох ажлыг эрчимжүүлэх, хөнгөн атлетикийн салбар дахь хамтын ажиллагааг олон талт хэлбэрээр өргөжүүлэх боломжуудыг судлахаар тохиролцов. Ирээдүйд хоёр тал байнгын харилцаа холбоотой ажиллаж, хөнгөн атлетикийн салбарыг хамтдаа хөгжүүлэх талаар санал нэгдлээ.

23/07/2026

2026 оны Хөнгөн атлетикийн насанд хүрэгчдийн Улсын аварга шалгаруулах тэмцээний техникийн зөвлөгөөн зохион байгууллагдлаа.

Монголын хөнгөн атлетикийн холбооноос зохион байгуулж буй 2026 оны Хөнгөн атлетикийн насанд хүрэгчдийн Улсын аварга шалгаруулах тэмцээний техникийн зөвлөгөөн 2026 оны 7 дугаар сарын 23-ны өдөр Спортын төв ордонд зохион байгуулагдлаа.

Техникийн зөвлөгөөнд Азийн хөнгөн атлетикийн холбооны Ерөнхий нарийн бичгийн дарга ноён Шуггумарран, Азийн хөнгөн атлетикийн холбооны Тэмцээн, уралдаан хариуцсан захирал ноён Валсон нар хүрэлцэн ирж оролцон, олон улсын дүрэм, тэмцээн зохион байгуулахтай холбоотой санал, зөвлөмжөө өглөө.

Мөн улсын аварга шалгаруулах тэмцээнд оролцож буй багуудын багийн ахлагч, багш, дасгалжуулагчид оролцож, тэмцээний хуваарь, техникийн зохион байгуулалт, бүртгэл, оролцогчдын мэдээлэл болон тэмцээний үйл ажиллагаатай холбоотой бусад чухал асуудлыг хэлэлцэн, нэгдсэн ойлголтод хүрэв.

Монголын хөнгөн атлетикийн холбооноос тэмцээнд оролцож буй нийт тамирчид, дасгалжуулагчид, шүүгчид болон зохион байгуулагчдын хамтын ажиллагаанд талархал илэрхийлж, тэмцээнд нь өндөр амжилт хүсэн ерөөе.