WASH Action of Mongolia

03/07/2026

🌱 “Хүүхдэд ээлтэй, ногоон цэцэрлэг” төслийн хүрээнд бичил хүлэмжүүдийг байгуулж эхэллээ.

Wash Action NGO нь Люксембургийн Вант улсын Гадаад хэргийн яамны санхүүжилт, ПАДЕМ ОУТББ-ын дэмжлэгтэйгээр хэрэгжүүлж буй “Хүүхдэд ээлтэй, ногоон цэцэрлэг” хоёр жилийн төслийн хүрээнд оролцогч цэцэрлэгүүдэд бичил хүлэмж байгуулах ажлыг эхлүүлээд байна.

Энэхүү хүлэмжүүд нь:
🌿 Хүүхдүүдэд байгаль орчин, экологийн боловсролыг бодитоор эзэмших боломж бүрдүүлэх;
🌿 Гидропоник болон уламжлалт тариалалтын аргыг танин мэдүүлэх;
🌿 Багш, хүүхэд, эцэг эхийн хамтын оролцоог дэмжих;
🌿 Тогтвортой хөгжил, хүнсний боловсрол, ногоон хэрэглээний талаарх мэдлэгийг практик үйл ажиллагаагаар олгоход чиглэж байна.

Энэхүү ажил нь сургуулийн өмнөх боловсролын байгууллагын сургалтын орчин, үйлчилгээний стандартыг сайжруулах, хүүхдэд ээлтэй, аюулгүй, тогтвортой хөгжлийн зарчимд нийцсэн орчны загварыг турших төслийн нэг хэсэг юм.

Бид төслийн явц, үр дүнгээ та бүхэндээ тогтмол хүргэх болно.

#ХүүхдэдЭэлтэйНогоонЦэцэрлэг

24/06/2026

Бид цэцэрлэг бүрийг экологийн боловсролыг дэмжсэн, тухтай, стандарт хангасан байгаасай гэж зорин “Хүүхдэд ээлтэй, ногоон цэцэрлэг” төслийг эхлүүлээд байгаа билээ. Үүнийг дэмжин баталгаажуулж байгаа Монгол улсын Боловсролын яам -д дахин талархая.

28/05/2026

Сарын тэмдгийн эрүүл ахуйн талаарх мэдээллийг:
📱 OKY апп
🌐 www.namuu.mn вэбсайтаас аваарай.

"WASH Action" ТББ нь НҮБ-ын Хүүхдийн Сантай хамтран өсвөр насны хүүхэд, залуус болон эцэг эхчүүдэд зориулсан сарын тэмдгийн эрүүл ахуйн талаарх мэдлэг, зөв дадлыг түгээж байна.

Зөв мэдээлэлтэй байя. Эрүүл дадлыг хэвшүүлье. 💙

28/05/2026

Өнөөдөр — Сарын тэмдгийн эрүүл ахуйн өдөр 🌍🩸

Хэдхээн жилийн өмнө сарын тэмдгийн эрүүл ахуйн талаар олон нийтэд бараг ярьдаггүй, хэвлэл мэдээлэл ч хөнддөггүй байлаа. Учир нь энэ сэдэв айдас, ичгүүр, буруу ойлголтын цаана “чимээгүй” үлдсэн байсан юм.

Харин 2014 онд WASH United байгууллагаас 5-р сарын 28-ныг Сарын тэмдгийн эрүүл ахуйн өдөр болгон санаачилснаар дэлхий даяарх хөдөлгөөн эхэлсэн. Анхны жилдээ 155 байгууллага нэгдэж, сарын тэмдгийн талаар 89 нийтлэл, мэдээлэл олон нийтэд хүрч байв.

Өнөөдөр энэ хөдөлгөөнд 1,315+ байгууллага нэгдэж, 2025 онд л гэхэд 25,000+ хэвлэл мэдээллийн контент нийтлэгдсэн байна.

Бидний хамтын зорилго:
👉 — Сарын тэмдгийн талаар нээлттэй, ойлголцолтой, ээлтэй дэлхийг бүтээх.

Учир нь сарын тэмдэгтэй холбоотой асуудлыг ганцаараа шийдэх боломжгүй. Харин хамтдаа бид өөрчлөлтийг бий болгож чадна.

31/12/2025

Та бүхэндээ " Шинэ жилийн" халуун мэндийг өргөн дэвшүүлье!

Өнгөрч буй онд бид хүн бүрийн язгуур эрх болсон цэвэр ус ариун цэврийн байгууламжаар хангагдах, эрүүл- аюулгүй орчинд амьдрах нөхцөлийг сайжруулахын төлөө хамтдаа зүтгэж, бодит үр дүнгүүдийг бүтээлцлээ. Бидний үйл ажиллагааг тууштай дэмжиж, нийгмийн эрүүл мэндийн төлөө чин сэтгэлээсээ хамтран ажилласан та бүхэнд гүн талархал илэрхийлье.

Ирэх он Та бүхний хувьд санасан бүхэн нь сэтгэлчлэн бүтэх амжилт бүтээлийн жил байх болтугай.

17/11/2025

17/11/2025

Сарын тэмдгийн эрүүл ахуйн аппликейшн Оки-г гар утсандаа татаад аваарай

17/11/2025

Сургууль болон цэцэрлэгийн орчин дахь ус, ариун цэвэр, эрүүл ахуйн нөхцөл байдлыг дүгнэн, түүнийг хэрхэн сайжруулах, цаашдын тогтвортой үйл ажиллагааг хангахад төр, ТББ, олон улсын байгууллага, хувийн хэвшил, иргэний нийгмийн байгууллагуудын хамтын ажиллагааг дэмжих зорилготой уг чуулганыг манай байгууллага Боловсролын яам, Боловсролын Ерөнхий газар, болон НҮБ-ын Хүүхдийн Сан-тай хамтран зохион байгуулж байна. Чуулганд 21 аймгийн төлөөлөл, яамд, газрууд, ТББ-ууд, хувийн хэвшил, олон улсын байгууллагууд оролцож байгаа ба 2 хоног үргэлжлэх юм.