Монголын Геологийн Холбоо /Geological Society of Mongolia

24/03/2026

Салбарын эрхэм нөхөд, мэргэжилтнүүд ээ!
Та бүхнийг 17 дахь жилдээ зохион байгуулагдаж буй “Монголын Геологи, Хайгуул 2026” чуулга уулзалтад хүрэлцэн ирэхийг урьж байна.

Бүртгэл эхэллээ! 🤩
Монголын Геологи, Хайгуул 2026

Эрдэс баялаг, уул уурхайн салбарын чухал арга хэмжээнүүдийн нэг болох “Монголын Геологи, Хайгуул 2026” чуулга уулзалт 17 дахь жилдээ зохион байгуулагдах гэж байна.

Монголын Үйлдвэрлэлийн Геологичдын Холбоо жил бүр уламжлал болгон зохион байгуулдаг тус чуулга уулзалт нь энэ жил “Хариуцлагатай хайгуул” уриан дор явагдана.

Салбарын тэргүүлэх мэргэжилтнүүд, судлаачид, байгууллагууд нэг дор цугларч мэдлэг, туршлагаа хуваалцах энэхүү чуулгад Та бүхнийг өргөнөөр оролцохыг урьж байна.

Чуулганы дэлгэрэнгүй мэдээллийг: www.mmer.mn
Монгол хэл дээрх танилцуулга: https://tinyurl.com/4tu3wd7f
хүлээн авна уу.

Хэзээ: 2026 оны 03 дугаар сарын 26–27
Хаана: Корпорейт Конвейшн Центр

Хүндэтгэсэн,
Монголын Геологи, Хайгуул 2026
Зохион байгуулах зөвлөл

***
Registration is now open 🤩

One of the key events in the mineral resources and mining sector, the “Mongolia Mineral and Exploration Round Up 2026” Conference, will be held in the near future.

Organized annually by the Mongolian Society of Economic Geologists, this year’s conference will be conducted under the theme “Responsible Exploration.”

Leading industry experts, researchers, and organizations will gather in one place to share their knowledge and experience. We warmly invite you to participate in this important event.

For more detailed information, please visit: www.mmer.mn
English brochure: https://tinyurl.com/y3fdnj27

When: March 26–27, 2026
Where: Corporate Convention Center, Ulaanbaatar, Mongolia.

Sincerely,
Mongolia Mineral Exploration Round Up 2026
Organizing Committee

14/03/2026

Нүүрсний петрографи

17/02/2026

МЭНДЧИЛГЭЭ

Эх дэлхийн хэвлийд нуугдсан баялгийг
Эрдэм мэдлэг, уйгагүй хөдөлмөрөөр нээн илрүүлэгч
Эрхэм хүндэт геологич та бүхэндээ
Хаврын тэргүүн сарын
Сар шинийн мэндийг өргөн дэвшүүлье!
Хайгуулын мөр тань бат,
Хайрга чулуу нь эрдэнэ болон гялалзаж
Хөдөлмөр бүтээл тань амжилтаар арвин байх болтугай.

16/02/2026

ЗАРЛАЛ
Геологийн салбарын мэргэшсэн болон зөвлөх зэргийн эрх олгох 2026 оны сургалтын бүртгэл 2 сарын 28-ны өдрийг хүртэл сунгагдсаныг мэдэгдэе.
Та бүхэн дараах мэдээлэлтэй танилцан бүртгүүлнэ үү.

12/02/2026

Зарлал
Ашигт малтмалын тусгай зөвшөөрөл олгох сонгон шалгаруулалтын журмын нэмэлт өөрчлөлтийн төсөлд санал авах зорилгоор нээлттэй хэлэлцүүлэг зохион байгуулагдаж байгаа тул салбарын мэргэжилтнүүд та бүхэн идэвхтэй оролцоно уу?

02/02/2026

Бал чулууны талаар товчхон - Graphite

19/01/2026

ЭМГЭНЭЛ
Шожингийн Даваа
/1956-2026 он/
Монгол Улсын Зөвлөх геологич, Монголын геохимичдын холбооны гишүүн, БНХАУ-ын Зүүн хойд азийн ШУ-ны төвийн академийн зөвлөлийн гишүүн, “Геологийн судалгааны төв” ТӨҮГ-ын ерөнхий геологич асан Шожингийн Даваа нь 2026 оны 01-р сарын 18-ны өдөр 70 насандаа хүнд өвчний улмаас таалал төгсөж хайртай гэр бүл, үр хүүхэд, хамт олон, мэргэжил нэгт найз нөхөд биднийгээ үүрд орхин одлоо.
Ш.Даваа нь 1956 онд Архангай аймгийн Цэнхэр суманд мэндэлж, 1963-1973 онд Архангай аймгийн Цэцэрлэг хотын 10 жилийн сургуулийг дүүргэн, улмаар 1973-1976 онд Дархан хотын Политехникумыг техник-геологич мэргэжлээр, 1993-1997 онд Политехникийн дээд сургуулийн геологийн ангийг бакалавр зэрэгтэйгээр дүүргэжээ. Түүнчлэн БНХАУ-ын Геологийн албанаас зохион байгуулсан бүс нутгийн глобал болон региональ геохимийн зураг зохиох сургалтуудад тухай бүр хамрагдаж, геохимийн зураглал, судалгааны ажлуудаар мэргэшин, мэргэжил мэдлэгээ байнга дээшлүүлж байжээ.
Тэр бээр Монголын геологийн салбарт 49 жил ажилласан бөгөөд ажиллах хугацаандаа техник геологичоос ахлах геологич, ангийн дарга, төслийн удирдагч, байгууллагын Ерөнхий геологич зэрэг хариуцлагатай албан тушаалуудыг нэр төртэй хашиж ирсэн. Тухайлбал, 1976 онд ажлын гараагаа Мөрөнгийн геологийн экспедицэд 1:200 000 масштабын геологийн бүлэгчилсэн зураглалын ангид техник геологичоор эхлүүлж улмаар 1990-1991 онд эрэл-геофизикийн цогцолбор экспедицийн геохимийн ангид техник геологич, ангийн дарга, 1992-2003 онд Геохимийн судалгааны товчоонд ангийн дарга, 2004-2009 онд “Геологийн судалгааны төв” ТӨҮГ-т хэрэгжсэн Зурамтай-200, Онч уул-50, Арцбогд-50, Баруун эрээний нуруу-50 зэрэг төслүүдэд төслийн ахлагч, 2009-2013 онд “Геологийн судалгааны төв” ТӨҮГ-т Ерөнхий геологич, 2009-2011 онд “Монгол улс, БНХАУ-ын хилийн бүсийн нутаг дэвсгэрт 1:1000 000 масштабын геохимийн зураглал, дагалдах мэдээллийн сан бүрдүүлэх” төсөлд төслийн ахлагч, 2011-2014 онд 1:200 000 масштабын Улсын геологийн иж бүрдэл зураг зохиох “Баруун Монгол-V” төсөлд ахлах геологич, 2014-2017 онд “Хойд, Төв, Зүүн Азийн гүний геологийн процесс ба металлогени” таван улсын хамтарсан төслийн III үе шатны ажилд төслийн ахлагч, 2017-2021 онд АМС-2017 төслийн 1-р ангийн дарга, 2022-2023 онд Эрэл-үнэлгээ-4-2022 төсөлд Зөвлөх геологичоор тус тус ажиллаж ирсэн байна. Түүнчлэн БНХАУын Лан Фаны хүрээлэн болон ОХУ-ын Геохимийн хүрээлэн зэрэг хөрш орнуудын шинжлэх ухааны байгууллагуудтай хамтарсан олон улсын хамтын ажиллагааны төсөл, хөтөлбөрүүдэд оролцож байжээ.
Тэрээр регионал геологи, эрэл, хайгуулын салбарт үнэлж баршгүй хувь нэмэр оруулж, олон залуу геологичдыг сурган хүмүүжүүлж, Монголын геологи, геохимийн судалгаа, ялангуяа “Геологийн судалгааны төв” ТӨҮГ-ыг олон улсын түвшинд хүргэхийн төлөө амьдралынхаа олон арван жилийг зориулсан билээ. Түүний геологийн салбарын хөгжилд оруулсан хувь нэмэр, хичээл зүтгэлийг төр засгаас өндрөөр үнэлж Засгийн газар, салбарын дээд шагнал болох Монгол улсын Тэргүүний геологич, төрийн дээд шагнал Алтангадас одон болон бусад Улс, хувьсгал, салбарын ойн медалиудаар шагнаж байжээ.
Бидний хамтран зүтгэгч эрхэм хүндэт геологич, геохимич, найз, хүндэт нөхөр Ш.Даваа таны нөхөрсөг, шударга, хөдөлмөрч, тусч, сайхан сэтгэлтэй наргианч зан чанар тань бидний сэтгэл зүрхэнд үүрд мөнх хоногшин үлдэх болно.
Гэр бүл, төрөл төрөгсөд, хамт олон, найз нөхөд, шавь нар болон нийт геологичдод гүн эмгэнэл илэрхийлье.

Монголы Геологийн Холбоо

31/12/2025

Геологийн салбарын судлаачид, эрдэмтэн багш, нийт хамт олон та бүхэндээ эх дэлхийгээ танин мэдэх эрдмийн замд зүтгэж,шинжлэх ухаан, мэдлэгийн гэрлийг түгээн яваа их үйлсэд тань амжилт хүсэн, аз жаргал, урам зориг, амжилт бүтээлийн дээдийг ерөөе. Шинэ оны баярын мэнд хүргэе!

30/12/2025

ЗАРЛАЛ
Геологийн салбарын мэргэшсэн болон зөвлөх зэргийн эрх олгох 2026 оны сургалтын бүртгэл эхэллээ.
Та бүхэн дараах мэдээлэлтэй танилцан бүртгүүлнэ үү.

25/12/2025

👩‍🚒Газрын гүнд гэрэл асааж, улсын хөгжилд хүч нэмсэн "Алтан" гартай уурхайчид та бүхнээрээ бахархаж байна. Цагаан дуулгаар ижилссэн та бүхний минь зүтгэл бүхэн хөгжил цэцэглэлтэд үнэтэй хувь нэмэр оруулсан уурхайчин та бүхэндээ Монгол улсад уул уурхайн салбар үүсч хөгжсөний 103 жилийн түүхт ойн баярын мэнд хүргэе!

02/12/2025

Эрхэм хүндэт салбарын мэргэжилтнүүд та бүхнийг🎄2025 оноо үдэж ☃️2026 оноо угтах ❄️Геологичдын нэгдсэн Шинэ жилийн цэнгүүнд хүрэлцэн ирэхийг урьж байна.
📍Хэзээ, хаана:
Хан-Уул дүүргийн Таванбогд группын замын эсрэг талд ТВ5 телевизийн байр 10-н давхарт
Данс : MN700015002405001890 Голомт банк /Монголын Геофизикчдийн холбоо ТББ/
📩Дэлгэрэнгүй мэдээллийг:
99026823, 99482083