Монголын жижиг, дунд үйлдвэрлэл, үйлчилгээний холбоо

04/06/2026

https://www.facebook.com/share/v/1BSG1NDvwQ/

28/05/2026

✅"БАЯЛАГ БҮТЭЭГЧ" нэвтрүүлгийн шинэхэн дугаарт монголын анхны шүдний сойз “AiDent” брэндийг онцолж байна.

✅Энэ удаагийн зочноор монголын анхны шүдний сойз, “AiDent” брэндийн үүсгэн байгуулагч, нүүр амны их эмч, Анагаах ухааны доктор Э.Ануударь уригдан оролцлоо. 👩‍⚕️

✅Тус сойзны үйлдвэр нь сойзны үс суулгалтаас эхлээд, үсийг зөөлрүүлэх, өнгөлөх, савлах, шошголох зэрэг шат дамжлагатайгаар өдөрт 30 мянга, сард 300 мянган ширхэг сойз үйлдвэрлэх хүчин чадалтай.🏭🪥

✅“AiDent” брэндийг үүсгэн байгуулагч, Анагаах ухааны доктор Э.Ануударь нь “Продент” шүдний эмнэлгийг 2014 онд үүсгэн байгуулж өдгөө ГУРВАН салбартайгаар үйл ажиллагаа явуулж байна.🦷

✅2024 оноос шүдний сойзны үйлдвэрлэлийг эхлүүлж эмнэлгийн салбартайгаа нийлээд 50 гаруй ажлын байрыг бий болгожээ. 🪥

🪥“AiDent” брэндийн шүдний сойз нь монгол хүний шүдний бүтцэд тохирсон, япон технологиор монголдоо үйлдвэрлэсэн эмчийн зөвлөдөг сойз юмAiDent шүдний сойзий сойз"-ны талаар дэлгэрэнгүй мэдээллийг 77021818 дугаараар холбогдон лавлана уу.

26/05/2026

Ч.Даваабаяр: Эко гипсэн хавтангийн үйлдвэр ашиглалтанд орсоноор жилд 20 сая доллар импортоос хэмнэж, дотоодын хэрэгцээг 100% хангахаас гадна орон нутагт 200 орчим ажлын байрыг бий болгож байна

24/05/2026

МОНГОЛ УЛСЫН ЕРӨНХИЙЛӨГЧ УХНААГИЙН ХҮРЭЛСҮХ НЬЮ ПРОГРЕСС ГРУППЫН ГИПСЭН ХАВТАНГИЙН ҮЙЛДВЭРИЙН НЭЭЛТИЙН ЁСЛОЛЫН АЖИЛЛАГААНД ХЭЛСЭН ҮГ

Эрхэм хүндэт ажилтан албан хаагчид аа,
Эрхэм хүндэт баялаг бүтээгчид ээ,
Хүндэт зочид оо!

Та бүхэнд энэ өдрийн мэндийг өргөн дэвшүүлье.

Улс орны тогтвортой хөгжлийг хангах, хүн амын ая тухтай амьдрах орчныг бүрдүүлэхэд барилга, бүтээн байгуулалтын салбар онцгой үүрэгтэй билээ.

Манай улсад орчин цагийн барилгын салбар үүсэж хөгжөөд нэгэн зууны түүхийг бүтээхдээ хотжилт их бүтээн байгуулалтыг эрчимтэй өрнүүлж, нүүдлийн соёл иргэншлээс суурьшмал амьдралын хэв маягт хослон шилжихэд бодит хувь нэмэр оруулсаар ирсэн.

Монгол Улс 1990-ээд оны эхээр зах зээлийн нийгмийг сонгож, нийгэм, эдийн засгийн томоохон шилжилт хийсэн нь манай улсын барилгын салбарт хүчтэй нөлөөлж, хувийн өмчийн олон аж ахуйн нэгж бий болсны нэг нь Нью прогресс групп компани юм.

Та бүхний 26 жилийн уйгагүй хөдөлмөр, бүтээлч хамтын ажиллагааны үр дүнд амжилттай хэрэгжсэн олон төсөл, бүтээн байгуулалт Монгол Улсын эдийн засагт бодит хувь нэмэр оруулж, олон мянган ажлын байрыг бий болж ирсэн билээ.

Тухайлбал гурван жилийн өмнө Монгол Улсын Ерөнхийлөгч Та бүхний бүтээн байгуулсан Ховдын цементийн үйлдвэрийн нээлтэд оролцож байсан бол өнөөдөр Монгол Улсын анхны гипсэн хавтангийн үйлдвэрийг ашиглалтад оруулах үйл явдлын гэрч болж байгаадаа баяртай байна.

Энэхүү үйлдвэр ашиглалтад орсноор дотоодын гипсэн хавтангийн хэрэглээг 100 хувь хангах бөгөөд жилд 20 сая ам.долларын импортын худалдан авалтыг бууруулж, энэ хэмжээгээр дотоодын валютын нөөцийг хадгалах тооцоо гарсан нь туйлын сайшаалтай байна.

Мөн орон нутгийн 100 гаруй иргэдийг ажлын байраар ханган, тогтмол орлоготой болгож, монгол инженерүүдийг барилгын материалын шинэ техник, технологи эзэмшүүлэн мэргэшүүлж, орон нутгийн эдийн засгийн чадавхыг бэхжүүлэх чухал бааз суурь болж байна.

Монголчууд өөрсдөө эх орныхоо хөрсөнд үүссэн түүхий эдээр, монгол инженерийн мэдлэг, монгол хүний гараар барилгын гипсэн хавтан үйлдвэрлэж байгаа нь манай барилгын салбарт гарч буй томоохон дэвшил төдийгүй, монгол хүний ур чадварыг нотлон харуулж байна.

Нөгөөтэйгүүр энэхүү гипсэн хавтангийн үндсэн түүхий эд нь Монголын газар шорооноос гарган авсан цэвэр байгалийн гөлтгөнө байгаа нь хүн ардын эрүүл мэндийг хамгаалах, барилгын дотоод эрүүл орчныг бүрдүүлэхэд нэн чухал ач холбогдолтой юм.

Цаашид Монгол айл өрх, албан байгууллагууд, сургууль, цэцэрлэгүүдийн дотоод орчин илүү цэвэр, аюулгүй байх нөхцөл бүрдэж байгаад баяртай байна.

Монголын анхны гипсэн хавтангийн үйлдвэрийг бүтээн байгуулахад гар бие оролцсон нийт ажилтан, албан хаагчид болон “Альфа” эко гипсэн хавтангийн үйлдвэрийн хамт олон Та бүхэндээ дахин баяр хүргэж, ажлын амжилт хүсье.

Мөн баялаг бүтээгчид, барилгын салбарт үйл ажиллагаа явуулж байгаа байгууллага, иргэддээ хандан үндэсний бүтээгдэхүүнээ харилцан дэмжиж, хамтдаа урагшлахыг уриалъя.

Мөнх тэнгэрийн хүчин дор Монгол Улс мандан бадрах болтугай!

22/05/2026

Mонголын үндэсний үйлдвэрлэл, баялаг бүтээгчдийг дэмжих үйл ажиллагааг өргөжүүлэн хөгжүүлэх зорилгын хүрээнд Баялаг бүтээгчдийг дэмжих холбоо-ны Гүйцэтгэх захирлаар Сүүн зайрмаг ХХК-ийн захирал Т.Өлзийсайхан томилогдлоо.
Баялаг бүтээгчдийг дэмжих холбооны Удирдах зөвлөлийн дарга болон тэргүүлэгч гишүүдээс тамга тэмдгээ албан ёсоор хүлээн авлаа.

Тэрбээр бизнесийн салбарт тасралтгүй хөдөлмөрлөж, үндэсний үйлдвэрлэл, хүнсний салбарын хөгжилд өөрийн хувь нэмрийг оруулж ирсэн туршлагатай баялаг бүтээгчдийн нэг юм. Мөн хувийн хэвшлийн байгууллагуудын хамтын ажиллагааг бэхжүүлэх, үйлдвэрлэгчдийн эрх ашгийг хамгаалах, дотоодын үйлдвэрлэлийг дэмжих чиглэлээр идэвхтэй ажиллаж ирсэн нь ийнхүү холбооны удирдах түвшинд ажиллах итгэлийг хүлээхэд хүргэжээ.

Шинээр томилогдсон Гүйцэтгэх захирал Т.Өлзийсайхан нь цаашид холбооны үйл ажиллагааг шинэ шатанд гаргах, гишүүн байгууллагуудын оролцоог нэмэгдүүлэх, үндэсний үйлдвэрлэгчдийн дуу хоолойг төр, хувийн хэвшлийн хамтын ажиллагаанд илүү хүчтэй хүргэхэд онцгой анхаарч ажиллахаа илэрхийллээ.

Мөн жижиг, дунд үйлдвэр эрхлэгчдийг бодлогоор дэмжих, баялаг бүтээгчдийн хамтын ажиллагааг өргөжүүлэх, гадаад, дотоод бизнес аялал, сургалт, инновацын хөтөлбөрүүдийг эрчимжүүлэх зорилтыг тэргүүлэх чиглэл болгон ажиллах юм байна.

Баялаг бүтээгчдийг дэмжих холбоо нь үндэсний үйлдвэрлэгчид, бизнес эрхлэгчдийн эрх ашгийг хамгаалах, тэдний хөгжлийг дэмжих, Монгол Улсын эдийн засгийн өсөлтөд бодит хувь нэмэр оруулах чиглэлээр олон жилийн турш тасралтгүй үйл ажиллагаа явуулж ирсэн билээ.

21/05/2026

Баялаг бүтээгчдийг дэмжих холбооо 21 аймаг 9 дүүрэгт салбар нэгжтэйгээр 11 дэхь жилдээ Үндэсний хэмжээнд үйл ажиллагаагаа явуулж байна, Зуун мянга гаруй гишүүд, дэмжигчидтэй тус холбооны Гүйцэтгэх захиралаар Т.Өлзийсайхан томилогдлоо.

Үндэсний үйлдвэрлэгчид-Монголын баялаг

Баялаг бүтээж эх орондоо сайхан амьдарцгаая!

21/05/2026

Монголын бизнес, инновацын салбарт үнэтэй хувь нэмэр оруулж яваа баялаг бүтээгчдийн нэг Ц.Бумцэндийн “Хамтдаа бүтээлцсэн 35 жил” номын нээлт болон МАСС ТВ-ийн эрх шилжүүлэх албан ёсны үйл ажиллагаа ёслол төгөлдөр зохион байгуулагдлаа.

Тус арга хэмжээнд төрийн болон төрийн бус байгууллагуудын төлөөлөл, ЖДҮҮ Холбооны Удирдах зөвлөлийн гишүүд, бизнес эрхлэгчид, хамтран ажиллагч байгууллагуудын үе...

21/05/2026

Хүний нөөцийн асуудлыг олон улсын жишигт нийцсэн, урт хугацааны тогтвортой шийдлээр хангах шинэ боломж нээгдэж байна.

2026 оны 05 дугаар сарын 20-ны өдөр “ЖДҮҮ Холбоо”-ны Удирдах зөвлөлийн гишүүн байгууллагууд болох “Өлзий хаалга” ХХК, “Монгол ванн констракшн” ХХК, “Бүтээлч үйлс” ....

20/05/2026

“ЖДҮҮ Холбоо”-ны гишүүн байгууллагуудаас анхлан “Өлзий хаалга” ХХК, “Монгол ванн констракшн” ХХК, “Бүтээлч үйлс” ХХК-ууд гадаадаас хууль ёсны ажиллах хүч авахаар боллоо.